بالنسبة ل ChatGpt والبوست المنتشر انه بقي متاح في مصر عشان يتج | Mostafa Sharaawy
بالنسبة ل ChatGpt والبوست المنتشر انه بقي متاح في مصر عشان يتجسس ع المصريين كلام يضحك طبعا
هو استند ع نقطتين الأولي ان واحد من ٤ مؤسسين لشركة open Ai جنسيته من اللي ميتسموش و ٢ امريكان وواحد مش فاكر جنسيته ،طبعا اللي ميتسموش موجدين في قطاعات كتير ومنها قطاع التكنولوجيا وحاجات كتير حوالينا لو دعبست ممكن تلاقي مؤسسها او حد مسؤل كبير منهم ، ده مش دليل اصلا .
النقطة الثانية بيقول ان التطبيق ياخد صلاحيات كتيرة انا التطبيق منزله من شهور وبياخد صلاحية واحدة هي ال Mic عشان لو حابب تكلمه بدل ما تكتب زي siri او google assitant مثلا هو بوت ذكاء اصطناعي معمول عشان يساعدك ، واصلا ممكن تستخدمه من ال web مش هياخد اي صلاحيات مثلا ، ده غير انه الصلاحيات الأكثر هتلاقيها متاخدة في تطبيقات كتير والعاب ع جهازك وانت ولا هنا بس احنا بنحب نعمل مفتحين ونعمل زيطة ع الفاضي ونركب الترند ونقلق الناس واحنا في وقت الناس مش طايقة نفسها. النقطة الاهم عشان نقفل الموضوع الغرب مش محتاج يتجسس ع افراد هو عنده القدرة ان يعرف كل حاجة بسهولة من مصدرها .
