2021-10-29 22:15:03
مثل هيج يوم وهيج ساعه جانت هاي اخر ساعات ل امي ١٠/٢٩/٢٠١٣
ثاني يوم الي يصادف ١٠/٣٠/٢٠١٣ يوم الاربعاء كعدت الصبح رحت للدوام رجعت للبيت الساعه ١ الضهر تغديت وكلت ل امي اريد ٣ الاف اروح بيهن لشارع فلسطين اليوم عندي بطوله مال كيوكوشنكاي كالتلي روح اخذ من كنتور ابوك رحت لكيت بس خمسات ماكو الاف اخذت ٥ الاف وكتلها يمه اخذت ٥ الاف ملكيت ٣ الاف كالت اخذها يمه خاف تعوز شي بلطريق كلشي يصير رحت للنادي صارت الساعه ب ٦ ونص تقريبا خابرني خالي جهاد كلي حسوني شنو امك متخربطه مدري شنو اني راسا بدلت وطلعت اخذت تكسي وابو التكسي وصلني قريب على البيت ورحت ركض على البيت ملكيت صاير شي اهلي وعماتي وبيبيتي جانت يمنه كاعدين وكلشي مصاير كلتلهم وين امي كالوا راحت تسوي فحوصات كتلهم شنو خالي يكول متخربطه كالوا ماكو شي وره شويه اجاني اتصال من بنت عمي الي هيه اصلا بغير محافظه
كالتلي حسوني ليش هيج جنت يوميه اخابرك اكلك اريد احجي ويه امك وانته تكلي لوطالع لوشي وملحكت اسلم عليها واحجي وياها كتلها بعد شويه ترجع واخليها تخابرج كلتلي شنو متدري ؟؟كتلها شكو كالت امك ماتت كلتلها ليش هيج تفاولين كلشي مابيها امي راحت تحلل وبعد شويه ترجع بهل وقت ماصدكت وره ثواني نفتخت باب بيتنه ودخلوا كرايبي يصيحون بهل وقت عرفت انو صدك امي راحت ،،كلشي بيه وكف شعور محد يحس بي حسيت الدنيه كلها ماتت وياها ومحد يفهم هل شعور بس الي فاقد امه،،
،
أكَعد وايدي عله خدي وارسم بدمعاتي باب
ياهوه يسمعني واكَله الموت مايسمع عتاب
الجانت تغطي حياتي هسه غطاها التراب
يمه عطشانه ارد اشوفج شوفتج صارت سراب
اليحضن امه يعيش دنيه بيها لون
والفكَدها يعيش عمره بلا عيون
يمه ... يمه من جرحي اشتكيج
وينج ؟ ... ارد اموت ابين اديج
628 views19:15