#دفعة2005 للعام الدراسي الجديد 2022 / 2023 الشهادة الثانوية ار | 🌷الفيزياء والرياضيات للشهادة الثانوية مع الأستاذ علي بوقرين

#دفعة2005 للعام الدراسي الجديد 2022 / 2023 الشهادة الثانوية اربطوا الأحزمة واجعلوا الجدّية والاهتمام والمثابرة نصب أعينكم ، كل ماكان من تقصير منكم في السنوات السابقة عليكم أن تصلحوا هذا الخلل والتقصير ، فلقد شاهدتم وعاينتم فليس الخبر كالمعاينة

هذه نصيحة مبدئية سريعة وأول رأس القلم يتبعها رؤوسا كثيرة جدا ، سأكتبها لكم لاحقا في وقتها إن شاء الله


المهم بالليبي : خليكم جديين ومعش في لعب وإهمال وأنا نحس أنه دفعتكم كويسة إن شاء الله وأغلبها أساسها كويسة إن شاء الله حسب مادرست هذه الدفعة أولى وثانية ثانوي فماتخافوش وماترخوش خليكم وسطيين وجديين ، ماتضغطش الضغط الكبير وماترخيش بكل ، نظم وقتك وأمورك وجدولك لأنه الشهادة الثانوية تبي قراية وتبي تلم الأفكار كلهن لو قدرت وفي انتظارك امتحانات عدة سنوات وكنز معلومات إن لم تتداركها في البداية ستصعب عليك في النهاية

بعد فترة إن شاء الله حننصحكم أخرى وحنكثرلكم النصائح زي الدفعة هذي 2004 وأي دفعة أخرى ، تبي حد يسمع الكلام أول بأول

بإذن الله تعالى حننصحكم شن تقروا وكيف تقروا وفي بداية العام الدراسي حنبدا ننشر كل شيء من الصفر

معاكم من أول يوم في الدراسة إلى ليلة الامتحان النهائي وهذه قنواتي على التيلجرام الخاصة بالشهادة الثانوية تلقى فيهن فيديوهات سابقة وتلقى فيها شرح المنهج وامتحانات ووو....إلخ كل شيء بإذن الله تعالى


الفيزياء والرياضيات للشهادة الثانوية
مع الأستاذ علي بوقرين

https://t.me/mr_alibograin

رياضيات وميكانيكا ثالثة ثانوي

https://t.me/math3mechanic3



بالإضافة لصفحتي هذي حننشر فيها كل شيء في وقته إن شاء الله #رياضيات #وفيزياء

شدوا حيلكم وخليكم جديين واسمعوا كلام معلميكم جيدا

ولنا لقاء إن شاء الله في نصائح وكل شيء
خليكم جاهزين المدرسة على وشك البدء إن شاء الله

ليكن في ذهنكم وليكن شعاركم :
تفاؤل ........أمل.......كفاح.......مثابرة .......جدية .......اهتمام
إيجابية ....مذاكرة.....همة ........اجتهاد.....

وفقكم الله

تحياتي

أ.علي بوقرين