بذكرى إستشهاد الامام علي ابن الحسين ع قصيدة العمته مسبيه ال | الشاعر ميثاق الحمداني
بذكرى إستشهاد الامام علي ابن الحسين ع
قصيدة العمته مسبيه
العمته مسبيه ... والاختة مچويه
وابوه انطحن ...واخوه انطعن
وامه بهزل ... وابنه بحبل ... انه
_ (المستهل )
---------------------------------------------------------
1
شفتهن ماترا والي ... وكلهن يوجعن بالي ... راح سبعطعش غالي ... الي
ردت وياهم بحزني ... اهد و اعلتي اتردني ... الجدم يرفض يساعدني ... الهلي
الجسم ناحل ... الدمع هامل
عله ابو فاضل ... منو يكابر
ابو اليمه ... انسلب هدمه
انطحن جسمه ... منِ الحافر
يابس مشه الاكبر ... والقاسم تطشر
لخوتي احن ... كضيت حزن
راحو سوه ... فكدت الهوه ... انه
-----------------------------------------‐--------------------
2
من اشردت عماتي ... المرض ثكللي خطواتي ... احتركت بيدي عصاتي ... وحرب
الكتلتني شفت واحد ... كدام الخيم كاعد...لركض نسوانه يشاهد ... غصب
صحتله ابعد ... لچنه يرد
بسياطه يهد... على الباقر
ركض النه ... ودفع سكنه
ويصيح النه ... السبي باجر
العصي الي حضروها ... برقيه كسروها
ودمه الاذن ... عله المتن
اتكلي علي ... الترجيه الي... انه
--------------------------------------------------------------
3
صباح الوحشه سالفتي ... بيها تصل اذن اختي
تصلي وجابوا العمتي ... الهزل
الشمر رايدد يجتفها ... كتله لاتجي بصفها
بجت واني الف چفها ... بحبل
الشمر انذر ... علي اتحضر
سبي و بالحر ... تحت أمري
الحرم جفلن ... بقن يبچن
اجن ختلن ... وره ظهري
واتچتفن بيه ... علويه علويه
اطيح هون ... اكوم مشن
طول الدرب اشكف ضرب ... انه
--------------------------------------------------------------
4
محدب والمتن ورم ... واعاين للرمح واغتم ... ابويه براسه ماضل دم ... كطع
وراس اليرضع شصغره ... مااشوفه الا اجي بكتره ... من الرمح چم مره ... وكع
طفل طايح ... خدر رايح
بضرب بصايح ... وصلنه الشام
تلكوونه ... يشتمونه
ويضربونه .... واجه الدمام
شبعنه بترايبهم ... ونمنه بخرايبهم
الحبل يحز ... ننام نفز
عيالي بحزن وعليها اون ... انه
--------------------------------------------------------------
5
شحجي ودمعي ينزل دم ... ابويه بدفنه المن لم ... كوه اعرف اخو من العم ... وذر
من اكولن عمتي مسبيه ... مو كل الحچي البيه ... المهم لاحو العلويه ... بحجر
السموم اسهل ... كتلني التل
وسبي الهزل ... والعليها
ابمماتي انحب ... علي تصعب
الشمر زينب ... يحاچيها
خلوني اضم بيهن ... مااكدر احچيهن
چيت شدد ... وااكو بعد
ماينحچن ... صدري انسحن ... انه
#ميثاق_الحمداني
