مثل طيور ال . دوري بفرحتي اقره سطوري بديه وردة جوري للفرح ... | الشاعر ميثاق الحمداني

مثل طيور ال . دوري
بفرحتي اقره سطوري
بديه وردة جوري
للفرح
........
شعبان اذا لعيونك هل
غني يكَلبي ولا تخجل
جاء الحسين الولا اجمل
بشعبان الاحساس
ظي وجهه بالثالث ساطع
وعباس اجه بيوم الرابع
يعني وراه جاي يدافع
الله يعباس

حط شمعه . بصف ياسه
لحسين . وعباسه
شعبان بانفاسه
حب
والعاشق . مضمونه
من عيونه . يعرفونه
يا محلى . البعيونه
حب
الحب لليستاهله
مو لليتجاهله
حب صاحب كربله
بمولده بث الهلاهل
حب وعيش السهر
لن احبيبك قمر
العباس اطول نهر
ولا عذب مثل ابو فاضل
يدنيتي . صديلي
بابي الفضل . غنيلي
شعر غزل . احجيلي
للفرح
.
هذا الشهر شهر البسمه
بيه خمسة اقمار ونجمه
السجاد اجه وفدوه الاسمه
واجمل تحيه
ويوم احدعش فرحان اكثر
صار احلى شاب اسمه الاكبر
بسبعطعش لازم نسهر
صارت رقيه
السجاد ابوجه الظي
والأكبر . مثل المي
ارقيه شكد . تشبه زي
نب
طفله احلى . من الفرحه
ومن العيد وصبحه
بنظرتها . طِب جرحه
الأب
بلوره بنص مهد
بردت عين الحسد
وغنى طير السعد
منوّره الدنيا رقيه
يشعاري هللي
وينفاسي رتلي
ارقيه حسين علي
اجمل اطفال البريه

صورها ورده ابالي
رقيه بنت الغالي
بنشيدي صوتي عالي
للفرح

....
بالخامس البعد العشره
هل الجمال الننتظره
بيه انولد مهدي الزهره
ومهدينه كلنه
والفرحه تكمل من يظهر
ويمرنه شعبان وننسر
نشعله شمعاته ويحظر
صاحب زمنّه
نفرحله . بميلاده
ونتنطر . ميعاده
يوم اللي . لبلاده
يهل
بالندبه . وحروفه
نقسمله . منعوفه
ننتظره . بالكوفه
يهل
يا طير انقل خبر
لمولانا المنتظر
ضلينه اويه الصور
ننتظر ساعة قدومه
وبانفاس الفجر
ندعي لراعي العصر
نطلبه بعشرة عمر
عجل اللهم يومه

انه بنصف شعباني
بفرحتي عالم ثاني
اسولف بالحاني
للفرح

#ميثاق_الحمداني