اسعد الله ايامكم بولادة صاحب الزمان عج طبشور العشگ . لجلك احم | الشاعر ميثاق الحمداني

اسعد الله ايامكم بولادة صاحب الزمان عج

طبشور العشگ . لجلك احملته
بحايط حارتي . اسمك اكتبته
عاشق واعترف . والحبيب انته
....
انه عاشق . منفرد
من اعشكَ . ما ارد
خذ كَلبي . اويه الورد . من عندي
هل تقبل؟ . بالكَلب
خطيت ب . كل درب
كل عام و . انت حب . يا مهدي

كلّ عام و وحدك الشاغلي بالي
كلّ عام وانت اول وانت تالي
كلّ عام وانت يا مهدينا غالي
َتبقى ليلة مولدك احلى الليالي

بشعبان الفرح . شهر المبارك
بيوم اخمسطعش. هلت انوارك
يومك مختلف . والحبيب انته
.........
يا محلى . سهرتي
شاعلك . شمعتي
ما تخلص . فرحتي . اويه احبابك
بميلادك . كل حسِن
بسماتي . تنعلن
عقبال ال . طلعه من . اغيابك


الليله يا مهدي الفرح الله يعيده
شمعتك مشتعله ومشغل قصيده
للسمه عيني وشفت نجمه بعيده
اضحك وكلتلها ايامج سعيده

انه البالفرح . احجي البكَلبي
وتنظر بسمتي . الناس البدربي
إحساسي ترف . والحبيب انته
...
يوم اللي . ننجمع
ونشعلك . بالشمع
كل عاشكَ . يرتفع . اكليله
بميلادك . نسعدك
بالبسمه . نوعدك
عيد الحب . مولدك . هالليله
ترجعلنا ونفرح بساعة طلوعك
وتحضر بميلادك و ننفخ شموعك
وبالورود الزاهيه تحضر جموعك
ومن فرح مو من حزن تجري دموعك

ندعوا الله الفرج . والفرح يبدي
بشعبان اليجي . ظاهر المهدي
والدمعه تجف . والحبيب انته

#ميثاق_الحمداني