2021-12-02 21:10:49
قصيدة " من ماتت الزهره "
من ماتت الزهره سمع
كام و على وجهه وكع
علي علي دنياه مظلمه
علي علي فارك فاطمه
ماتت صاحوله . وانهد كل طوله
ركضو سندوله .... الهواشم
يصرخ تانيني . اوصل خليني
لا لتعوفيني .... يفاطم
المسافه صغيرة بس حس بضمه
الهوا راح و ضاگت بعينه السمه
من وصل للبيت و دموعه دمه
شافها مغمضه و صرخ لاااا فاطمه
الدنيا صح بيهه هوا
بس چنه نتنفس سوه
علي علي اويلها تقاسمه
علي علي فارك فاطمه
غسلها و ينحب . اهنا حيدر حدب
محني وعينه انصب .... دمعها
يصب ماي و دمعه . ضل يلطم ضلعه
من لاح بصبعه .... ضلعها
إلجمت ام الحسن صاح و يحوم
من الالم البداخله يكعد يكوم
علي كالو شيب و ينزف هموم
شكبره كل هالسنين و هو يوم
شاف الضلع شاف الجفن
شاف الزراك البالمتن
علي علي دمعه من دمه
علي علي فارك فاطمه
طلعوها ابظلمه . بكلمه يا يمه
شيرد اللمه .... اعله ايدج
بظهر جنازتها . زينب لحكتها
تبجي و صاحتها .... اريدج
من الدفن ردو ابو حاضن اخو
استبردو لن اندفن كل الدفو
رد علي لزينب و كالتله منو
لا تموت و اضل لا ام لا ابو
رد منحني الرايح عدل
و امترب و دمعه يهل
علي علي بدلاله ضمه
علي علي فارك فاطمه
القالع خيبر . بفركتها تغير
حيدر مو حيدر .... مصيبه
بسرعه يصب دمعه . يحجي و ماتسمعه
الريح تدفعه ... عجيبه
الاصعب من الموت كالو ماهوه
گلهم افراك الاعز من الهوا
اليفارك ماكو لجروحه دوه
راحة الاحباب لو ماتو سوه
لا ما يشيبني الزمن
لو ميت وي ام الحسن
علي علي الذكرى تألمه
علي علي فارك فاطمه
لفاطم كل ليله . يمشي بلا حيله
والدمع يسيله .... عليها
تربه بإيده يلم . و بريحتها يشم
يحاجيها و يرسم .... اديها
بليله منهن طلع من الكبر صوت
علي كعدت زينب الحك لا تموت
وراح يركض حيدر بين البيوت
مختنك جن يونس وبالعته حوت
هذا العذاب البيه علي
ضل وحده بالهم مختلي
علي علي روحه هايمه
علي علي فارك فاطمه
من ماتت الزهره
________________#ميثاق_الحمداني
1.8K viewsedited 18:10