تدري أنك تقدر تسوي فيديو أو مقطع لو ما عندك خبرة عبر الذكاء ال | مرزوق البريك - المشاريع الالكترونية
تدري أنك تقدر تسوي فيديو أو مقطع لو ما عندك خبرة عبر الذكاء الأصطناعي وتربح منه
تبغى تصنع محتوى ولكن ما تعرف تجيب افكار محتوى او ما تقدر تكتب سكريبت للفيديو حقك؟ الذكاء الاصطناعي بيحل لك المشكلة! . في الفترة الاخيرة انتشر موقه للذكاء الاصطناعي على الارجح سمعت به من قبل اسمه ChatGPT من شركة openAI، هو موقع مبرمج على انه بوت تقدر تتكلم معه وتتواصل معه وتدردش . البوت ذكي جدا وعنده كمية مهولة من المعلومات، تم تدريبه من قبل الشركة اللي صنعته وبالتالي اصبح قادر انه يفهم سؤالك ويحلله ويعطيك اجابة تفصيلية للسؤال اللي طرحته وللهدف اللي تبيه . طيب بإيش يفيد هذا الامر بصناعة المحتوى؟ فلنقل انت عندك موقع او مدونة، وفي بعض الايام عندك عناوين مواضيع مثلا لكن ما تعرف ايش تكتب عنها وكيف توسع عن الموضوع او ما عندك وقت او تبي افكار جديدة، ايش تسوي؟ . بكل اختصار، الموضوع اللي معاك تطرحه على chatGPT، من الافضل انه يكون بالانجليزية تقدر تترجمه بكل سهولة، مثلا اذا مدونتك عن السفر وتبي تكتب عن اماكن يزورونها الناس في السعودية مثلا تقدر تطلب من الذكاء الاصطناعي يكتبلك مقال كامل عن الموضوع وبيسويه لك . كذلك اذا كنت صانع محتوى وفيديوهات مثلا، تقدر تسوي قناة كاملة وحرفيا بدون ما تتعب نفسك بالمحتوى وبالبحث وبكتابة السكريبت، لان بكل بساطة تقدر تخلي البوت يسويلك الامور كلها . يعني فلنقل عندك فكرة فيديو افضل 5 لابتوبات، تقدر تشرح للبوت انك تبغى تسوي فيديو عن الموضوع وتقله اكتب لي سكربت كامل اقرأه في فيديو اليوتيوب، وبيكتب لك نص كامل اخترافي . لا وبعد ايضا يعطيك عنوان للفيديو، واي تفاصيل صغيرة ممكن تطلبها تريد مساعدة فيها بيساعدك بها وبيعطيك افكار جديدة ونصوص جديدة ما حد مستخدمها من قبل . كل هذا واكثر يصنعه لك الذكاء الاصطناعي، التكنولوجيا مالها حدود جربه بنفسك وبتشوف مدى قوته وفايدته اذا عرفت تستغله صح
