لو كنت تفكر تفتح محل تجاري ، ولا تعرف وش المتطلبات في هذا | مرزوق البريك - المشاريع الالكترونية
لو كنت تفكر تفتح محل تجاري ، ولا تعرف وش المتطلبات
في هذا الثريد دليل شامل لفتح محل تجاري احفظه عندك فيه كل التفاصيل
- اي مشروع تجاري تبي تفتحه، لا بد من سجل تجاري ومن رخصة بلدية، اذا كان عندك مهارات معينة مرتبطة بشهادة العمل الحر وتجيدها في هذا المجال ما تحتاج سجل تجاري تقدر تستخرج الشهادة وتشتغل فيها . أما بالنسبة للي بيفتح محل تجاري، فيه امور اساسية لا بد منها، اولا السجل التجاري، وتختاره من الاسم التجاري الخاص بك، وكمبتدئ لا داعي تسوي هوية تجارية فقط اختر الاسم التجاري لانها بتكلفك . - ضروري تحجز الاسم التجاري، بعد استخراج السجل التجاري عندك موقع الموقع يحتاج عقد الكتروني، لان رخصة البلدية ما بتطلع لك الا بعقد الكتروني
. - بعد العقد الالكتروني عندك البلدية، البلدية مرتبط فيها انظمة السلامة، من كميرات وطفايات وانذارات وكل الامور المختصة بالسلامة المطلوبة وتنهي اجراءاتك مع الدفاع المدني . - الان بالنسبة للتوظيف، بما انك مصدر رخصة بلدية وسجل تجاري انت ملزم انك توظف عالقليلة موظف سعودي، وتقدر تحط معه موظفين اجانب . اولا تشترك في منصة قوة، وفلنفترض انه نشاطك التجاري هو بوفية، البوفيه نحتاج مثلا عاملين اثنين، رسوم منصة قوة تبدأ من 115 ريال الى اكثر من الفين ريال على حسب، الان لازم تسدد رسوم استقدام اربع الاف للعاملين الفين على كل واحد . اما اذا تبي توظف سعودي، اذا انت متفرغ وغير موظف يعطونك اربع تأشيرات شريطة انك توظف سعودي معاك، كلها رسومها 100 ريال بالسنة، بكامل ملحقاتها، اما اذا كنت موظف قطاع خاص تاخذ تأشيرتين فقط . - اما عشان رواتب العمال، تفتح منصة مدد، تكلفتها على حسب عدد العمالة، اذا قلنا بنفس مثال البوفية موظفين فقط تكلفته بالسنة الف وخمسمية تقريبا وطبعا كل ما زادت العمالة تزيد تكاليف مدد . - ايضا لا بد انك تفتح رقم بريد بواصل، وتدفع 500 ريال ولكن ما يقدملك اي خدمات ولكن افضل تسويها . - بعد ما تفتح مدد للعمال مباشرة بتيجيك رسالة من التأمينات الاجتماعية تدخل تسجلهم بالتأمينات الاجتماعية كل الموظفين مع السعودي ايضا وكل واحد تكاليفه مختلفة . - العمالة اول ما بجون تسويلهم فحص طبي للاقامة والاسعار متفاوتة وتلاقي اسعار رخيصة باقل من 400 ريال، وتسوي تأمين طبي للموظف وكل ما زاد عمره يرتفع سعر التأمين
