2022-08-23 01:02:28
تم فصله من عمله وبعدها حصل على جائزة نوبل لنفس السبب
الألماني فيرنر فروسمان
في سنة ١٩٢٩ قام بتجربة خطيرة جداً لأول مرة في التاريخ الطبي
قام بإدخال اسطرة بولية عن طريق أحد أوردة الذراع لتصل إلى الذين الأيمن في القلب
ودي كانت أول محاولة موثقة في التاريخ لاستخدام اسطرة وريدية
لكن للأسف بعدها اتطرد من المستشفى لإنه اتصرف من نفسه من دون استئذان الدكاترة الأكبر منه (حتى ف ألمانيا الصغير بيتحط عليه م السنيور )
المهم يا سيدي اتتهزق عليها وقالوله التصرف ده تصرف همجي تعمله ف اي مكان مش محترم لكن انت ف مستشفى محترم وده تصرف غير مسئول لازم تستأذن الأول
وطبعاً زعقوله ب الألماني
و ياعيني مشي م المستشفى
وصراحة عندهم حق
حد يجيب اسطرة بول يحطها ف قلبه
المهم ما علينا
علشان بعديها ب ٢٧ سنة واحد م الدكاترة يفتكر ويقول صح
هو تصرف طفولي ومتهور لكن صراحة يستحق جايزة نوبل لإنه برضك هيساعدنا ف حاجات كتير
بس طبعاً هيعملوا اسطرة تاني مناسبة غير بتاع البول
وراح حالف بالطلاق إن عم فيرنر هياخد نوبل سنة ١٩٥٦ علشان اكتشافه العبقري
وفعلاً عم فيرنر بعد م كان الطبيب المتهورالمشرد بقى حديث الصحافة والإعلام وفيرنر راح وفيرنر جه
والعيال الصغيرة تشاور عليه بقى الراجل اللي اخد نوبل أهو
وبس يا سيدي دي كانت قصة نجاح عم فيرنر وحكاية الأسطرة اللي بقت سبب في نجاة ناس كتييير جداً
#دكتور_على_ما_تفرج
#ازاي_الصحة
#MSaResearch
301 views22:02