هو انت زعلان ليه ؟ ما طز في المجموع و طز في كليات القمة ر الي | كتاب البرهان في الاحياء
هو انت زعلان ليه ؟ ما طز في المجموع و طز في كليات القمة ر الي ماقماش، هو انت هتفضل كدا قرطاس زيك زي ملايين قبلك، هون علي نفسك المهم انك تكون اتعلمت حاجه، انك تكون دخلت حاجه و طلعت شخص تاني مستفيد ومتعلم شئ..... عمرك لو سألت حد كبير لو رجع بيك الزمن هتعمل ايه محدش هيقولك اذاكر. في الثانوية ياجماعه دي ضحكه عليكم والله، اجتهد و اتعلم اطلع وانت فاهم... حب الاحياء عشان تعرف الدكتور بيكشف ازاي وبيقول ايه ولما تسمع حد بيتكلم فيها يبقي عندك معرفه هو بيقول ايه.... حب الجغرافية و التاريخ واعرف بلدك و عظمتها و المصائب فيها واتعلم من التاريخ ده من لم يقرأ التاريخ اضاع الحاضر و المستقبل... عارف انا في يوم من الايام كنت زيك و اكتشفت انك تعرف تعمل كل حاجه دلوقتي، مثلا ممكن تتعلم البرمجة من الف موقع والف كتاب وتبقي مبرمج ناجح وتبقي هندسة وتشتغل وفي اماكن بتديك شهادات وتشتغل علي النت وفي اي شركة عادي....
ممكن تكمل دراستك بره في الي تحبه لو انت حابب ومقتدر شوية.... تقدر تتعلم و تزود مهاراتك في اي حاجه.... يعني هو معظم الي شغالين في الدروس مدرسين ياراجل ده الدكتور بتاع القمة بتاعتك شغال مدرس ... ياراجل ده محامي وشغال مدرس..... محاسب وشغال مدرس لا و بيدرس احياء خريج صرف صحي وبيدرس مواد علمية والمهندس بيدرس فيزياء وكيمياء يعني انت في بلد الجمال كله ماتعصبش نفسك... مع كامل الاحترام ليهم انت تقدر تعمل ده حتي لو مدرس بس مش هتتعين في مدارس او تعمل حاجات كتير مطلوبه وبتكسب ممكن اكلمكوا عنها بعدين رغم ان في كتير بيعمل كدا
ده مش. دعوة لحد انه مايذاكرش لا ذاكر وافهم واجتهد واطلع من السنة فاهم وحافظ وساعتها هتلاقي المجموع والتفوق ولو مش تفوق مجموع هتسبق المتفوقين بعدين لانك كنت بطل وفاهم كل الي درسته واتعلمت منه وزودته
