2021-08-11 23:09:05
من بعض ردود الناس ان فى ناس فاكره ان الكتاب مراجعة وكدا لانه مليان ملاحظات ولكنه مش شرح عشان الجزء الي نزلناه ، المنهج كله مشروح وبأحسن الطرق وايسرها علي الطالب ولكن في جزء الاطلاع بنحاول ننزل الجديد في الكتاب و وضحنا ان في قد الي نزل 5 مرات وكله من منهجك وبعد مراجعة ال 3 امتحانات التجريبي ونهاية العام..
الكتاب احنا جامعين فيه مميزات للثلاث انواع من الطلاب وهما :
الطالب الضعيف - الطالب المتوسط - الطالب المتفوق.
الضعيف: رعينا ده باننا ضايفينله اجزاء بالعامية ومترجمينله كل كلمة صعبة في المنهج بين قوسين عشان يقدر يفهم مثال كلمة تثبيط يعني ايه كلمة اتزان داخلي يعني ايه وهكذا...
الطالب المتوسط: ده محتاج يكون معاه الي سبق ومعاه ملاحظات كتير تنوره وتفهمه ومحتاج رسومات توضحله الحاجة معاه منحنيات تفهمه العلاقات.
الطالب المتفوق: ده محتاج كل الي فات ده ومحتاج هو يبقي عنده ابداع وابتكار ومحتاج يعرف معلومات زيادة عن الباقى ودول الي محطوطلهم معلومات خارج المنهج ولكن مرتبطة بمنهجه يعني فهمها يؤدي لان المنهج بتاعه يكون سهل وابسط وايسر عليه..
فأذن احنا راعينا كل الاحتمالات وكل انواع الطلاب.
اما فى الاسئلة مش هتلاقى فيها حاجة خارج منهجك ان شاء الله ولو لقيت ماتشتريش الكتاب..
لكل طالب ومعلم احنا معلمين تربويين يعني مش بتوع حمص ، ولا غرضنا التربح من الكتاب وخلاص ، الكتاب لو في حد طبق الافكار الي في دماغي والله العظيم ما كنت تعبت نفسى في اني انزله اصلاً ، الكتاب مازال هيطبق فيه افكار كتير جداً في دماغنا مع مرور السنين...
في ناس بتقول اصل كتاب فلان ثقة فمحدش هيشتري الكتاب ، هقوله النظام الجديد خلي كله يبدأ من الصفر ويعيد اكتشاف نفسه من جديد والدليل علي كدا ان العام السابق ظهر عدد من الكتب الي استحوذت بالفعل علي نسبة كبيرة من السوق تفوق احياناً كتب قديمة موجودة من سنين...
الكتاب امسكه في ايدك واحكم عليه وشوف ...
حاجة كمان هو في كتاب شرح واسئلة في السوق كله ب 70ج الاتنين مع بعض وكتاب الاسئلة مش صغير للدرجة ده حوالي 1200 سؤال وكتاب شرح قرابت ال 300 صفحة...
وده معناه اننا ارباحنا قليلة منه ان وجدت يعني....
وبقولك كطالب وكمعلم المؤلفين ليهم جروبات وليهم قنوات يوتيوب كل الي محتاجة من اي استفسار هتلاقي المؤلفين معاك وجنبك لحد اخر يوم ليك في الثانوية ، عايز ايه تاني اكتر من كدا ....
ومش محتاج اتكلم زي كتب كتير ، احنا في اسئلة فعلاً وضعينها في ملفات ورد لسا من قبل التصميم وقبل امتحان نهاية العام وجه شبيه ليها بنسبة كبيرة ، وبعض الفصول بقارنلك سؤال نظام قديم هو نفس النظام الجديد مع تغير طفيف...
اذا انا بضع حضرتك علي ارض صلبة واحنا من اكتر الناس الي بتكره اسئلة الافتكاس والاسئلة الخارجة ، وعشان كدا مايهمناش نبيع ونقول كتاب 2 مليون سؤال وفي الاخر تلاقي نصهم كلام مالوش لازمه ....
وكتاب المراجعة النهائية لما ينزل برده هتلاقي عدد اسئلة محترم وكلها في صميم المنهج بقرأت افكار واضع الامتحان ونحاول نوصل جوه دماغه....
الحكم علي الشئ يكون بعد ماتشوفه والكتاب مراجعة اكتر من معلم محترم ومعروف بس احنا بنرفض فكرة كتابة اسم المراجع عشان نبيع ، لان معلش برده احنا الي تعبانين في المجهود ده ومرت ايام مابنامش غير 3 ساعات او 4 ساعات عشان نطلع الجهد الي حضرتك شايفه ده...
جزاكم الله خير ولكن توضيحات لابد منها..
520 views20:09