يالخدم سمعوني أهلي العافوني بلطم عينوني انا العليله .......... | قناة الرادود منير القريشي

يالخدم سمعوني
أهلي العافوني
بلطم عينوني
انا العليله
............
اني ذيج الفاركوهة  وما اجوها
روحي لا يمها اخو لا ظل ابوها
ليش معلوله وغريبه وماخذوها
راحوا وعافوهة  بالهم  شيبوها

دم تصب دمعاتي
والجرح وآهاتي
اهلي لا ينسوني
انا العليله
............
اني ذيج التغفه  بالعتبه وحزينه
كلبي سابع جار ظل يسمع ونينه
للمدامع  او الهظم  أصبح  رهينه
يعيش المن من يفارك نور عينه

يا مصيبة  كلبي
عني غايب حبي
يالخدم واسوني
انا العليله
............
اني ذيج  الحايره الشبعت  اذية
الما اجه محبوبها أمن الغاضرية
كل وكت يالخدم دمعاتي  جرية
كلب ناصب كل مسه نوح وعزية

حايره ومكسوره
عالحزن مجبوره
بالدمع تحييوني
انا العليله
............
اني   ذيج  الحنت  أشكد  الرقية
لسكنة والأكبر  تصير اجروح بية
اني  حسراتي   جبيره  او زينبية
على وجهي الطم تره بثنين ادية

عمي كافل زينب
اقرا دوم وانحب
فدوه لتخلوني
انا العليله
............
اني ذيج الكل محرم  يبدي حزني
وادري  يالخدام  ما ترضونه  وني
ساعدوني من بواجي طاح جفني
بغربه عافاني الحبيب وماأخذني

من كبر احزاني
تغيرت ألواني
بكربله دلوني
انا العليله
............
اني ذيج التكضي حاجات الجبيره
اطلبت من الباري حاجه وبيه حيره
ربي  بس لا  تمشي  زينبنه  إسيره
وخاف ابوي بكربله تلمه الحصيره

كلبي ماليه خوفه
عالكمر وجفوفه
منهم يحرموني
انا العليله
...........
تمت بعون أسد الله الغالب
العبد الذليل علي الكعبي
لطلب اللحن

ـــــــــــــــــــــــــــــــــــــــــــــــــــــــ