ـــــــــــــــــــــــــــــــــــــــــــــ عايشه بدمعة وني | قناة الرادود منير القريشي

ـــــــــــــــــــــــــــــــــــــــــــــ

عايشه بدمعة ونيني والنحيب
خبر اتنطر يجيني من الحبيب
.......................................
شالو اهلي وعافو اجروح الكلب
بلا مواقيت  الدمه منهن  يصب
راح ابوي احسين عالخد تنكتب

جان يمي دوم  ما يبعد قريب
خبر اتنطر يجيني من الحبيب
.......................................
ارد اعاتب دهري وعتابي عسير
ليش من يفكد هله يموت الامير
او مثل طير  يصير  لاكنه كسير

أه وين الراحو وما من مجيب
خبر اتنطر يجيني من الحبيب
.......................................
جف ابوي احسين لمساته حياة
راح مني وكلشي لمن راح  مات
الله لا  ينطيك يا  جاري الفرات

جرحك أه وبالكلب ظلت تصيب
خبر اتنطر يجيني من الحبيب
.......................................
أشعر  بعباس  طايح  وين  اروح
وأه يا زينب  كلبهة  اشكد  ينوح
تصير مصدر عكب عينه للجروح

من يكلها احسين عالغبره سليب
خبر اتنطر يجيني من الحبيب
.......................................
عمري بالآهات يخلص راح أشوف
مايجوني الراحوا لأرض الطفوف
مالي كلبي عالمشوا ياناس خوف

جن اشوف الوالد بحيره وغريب
خبر اتنطر يجيني من الحبيب
.......................................
اخيام ما تبقة يدهري  بله ليش
انته بس كلي هلي تطلبها  بيش
ذبحتهم والضعن ماشاله جيش

مابقالي برجعة أحبابي نصيب
خبر اتنطر يجيني من الحبيب
.......................................
تمت بعون أسد الله الغالب
العبد الذليل علي الكعبي
لطلب اللحن

ـــــــــــــــــــــــــــــــــــــــــــــــــــــــ