فارگني بوكت جرح امي بي ما طاب داحي الباب خلاني انتظر عل الباب | الشاعر مصطفى البديري
فارگني بوكت جرح امي بي ما طاب
داحي الباب خلاني انتظر عل الباب
غيابه ابأوله .... اخذني الكربله
**********************ا
بعدني بجرح فگد الزهره اتلوه
شلت راسي ولگيتك انت ماهوه
توه افراگ وجهك ياعلي توه
اسولف ويه گلبي النبضته كوه
يكلبي اتحضر اجروحك بدت تسوه
وره فگد الابوة تفگد الخوه
ياگلبي الجروح الجايه تهد حيل
ليل فراگ ابوي وبعد بالطف ليل
ابوي ابمقتله
***************************ا
فگد الزهره اخذ من كلبي واحساسه
ابخلگ حته الهوا استنشق انفاسه
ردت امسح دمعتي ولحظه اتناسه
جابولي علي ودم يجري من راسه
الفاگد حزن گلبه ايقل بالمواسه
ومنو يواسي گلب فاگدهه كل ناسه
ردت اتناسه فگد الزهره لو لحظات
اول ما نويت النيه حيدر مات
وحزن كلبي امتله
***************************ا
ياخذني اشتياقك وارجع ابدمعه
نار اغيابك وگلبي ابطبع شمعه
ليل افراگك امخلصته بس انعه
عفتني وتدري كلبي انياطه متگطعه
ما يحمل غيابك انت والبضعه
وفوگ البي بعد طف كربله ايفجعه
نتگابل سوه ومبچانه جرح احساس
اني والحسن وحسين والعباس
بچينه ابحرگة أله
**************************ا
عله سجادته اكعد والدمع يجري
يا سجادة راعيج كسر ظهري
الجان ايصلي ( حتى مطلع الفجرِ)
مشه ومن عندي اخذ كل حيل البعمري
نار افراگ تسري والخيم تسري
واني ابين هاي وهاي ما ادري
معذوره اذا ظليت احن واحتام
بكلشي انكوم تچوه الوراهه اخيام
وضع واتخيله
************************ا
طف وغربة واعيون وستر طايح
خيل ونار وايتام وبجي وصايح
دخانة اغروب ودرب ما واضح
واخوه اثمنطعش رايح وره رايح
البهاته ابكربله تذيح شكو مالح
هذني بچفه وابچفه الحجي الجارح
باجر راح اشوف الما ايشوفه انسان
باجر جربه ميته والنهر عطشان
گلب ماتو هله
****************************ا
الشاعر مصطفى البديري
