الشاعر والرادود الحسيني ابو مجتبى الرماحي

2017-09-20 17:12:51 قصيده على لحن رايح حبيبي للاستاذ باسم الكربلائي

حان الوعد حان يالاكبر هاك اخذ سيفك
شد عزمك اليوم واخذ من العدو حيفك
اسمع وصيتي وابد لتكصر الهمه
تحله الشهاده بطريق حسين ابو اليمه
حان الوعد حان
»»»»»»»»»»»»»»»»«««««««««««««
ها يبني الغيور الكلك مروه
نخيتك وادري بيك اتشيلك النخوه
شبيه النبي بخلقه وخلقته الحلوه
ومن حيدر ورثت الهيبه والكوه
صحيح انته عزيزي وللكلب سلوه
بس لحسين يبني اتروح الف فدوه

هاي المنيه تصيح بصوت وتريدك
والسيف لازم يالاكبر يكطع وريدك
من الله مقسومه لازم نرضه بالقسمه
تحله الشهاده بطريق حسين ابو اليمه
حان الوعد حان
««««««««««««««««»»»»»»»»»»»»»»
لتهزك دمعتي يبني من تسيل
طبعي والده وللولد كلبي ايميل
شد حيلك يالاكبر لاتفل الحيل
وخلها الخيل يبني تدوس فوك الخيل
وصيح ابصوت ابويه الكعبه يهل الفيل
و اليكرب حدوده احركه ابسجيل

طير الابابيل اصير وارمي احجاري
واليدنه لحسين ميخلص من لهب ناري
خط احمر حسيني واليكربله مارحمه
تحله الشهاده بطريق حسين ابو اليمه
حان الوعدحان
»»»»»»»»»«««««««««««««««««««
ادريبك شهم متهمك العسكر
ومن تغصب مثل بركان تتفجر
بيض وجهي يم الزهره بالمحشر
لتخليني منها يبني اتعذر
ما ابريك حك ارباي يالاكبر
الامن اشوفك عالثره موذر

جازيني برباي يروحي وكلبي وحساسي
يم فاطمه بالحشر خل يرتفع راسي
والعدها مثلك ولد مبخوته يايمه
تحله الشهاده بطريق حسين ابو اليمه
حان الوعد حان
»»»»»»»»»»»»»»»»»»»»»»»»»»»»»»
والاكبر تبسم بسمة معدل
كاللها ييمه ابأمرج اتمثل
انه ذراعي حديد من الطعن ماكل
وسيفي الموت من طبراته يتجفل
انه ابن الكرام وابد ماانذل
والغير الله اطخ الراس ما اقبل

انه الغيور وهلي عالعزه ربوني
وعالذله مااقبل ولا تغمض عيوني
عندي المنيه شهد وهون من الجلمه
تحله الشهادة بطريق حسين ابو اليمه
حان الوعد حان
»»»»»»»»»»»»»»»»»»»»»»»»»»»»»»
حشميني ييمه و شوفي صولاتي
والمعارك هوايه من هواياتي
نفخه صور يوم الحشر صرخاتي
وحته الجبل مايحتمل طعناتي
كتاب وبالفخر مكتوبه صفحاتي
والابطال تدرس من بطولاتي

السان المفاخر يضل بزودي. يتكلم
واهل الشجاعه تجي ومن عندي تتعلم
وارث جمال النبي من حيدره عزمه
تحله الشهادة بطريق حسين ابو اليمه
حان الوعد حان
«««««««««««««««««»»»»»»»»»»»»»
الشاعر ابو مجتبى الرماحي باز کردن / نظر دهید

2017-09-20 15:18:50 ام البنين توصي ولدها ابالفضل العباس عليه السلام قبل الرحيل قائلتا

يبني عباس اخذ هاي الوصيه
^^^^^^^^^^^^^^^^^^^^^^^^^^^^^^
يبني عباس انه اعرف بيك زلمه
وابد متخون عهد لوحته جلمه
اليوم اريدك تعاهدني ييمه
كبل الحسين تضوك انته المنيه
^^^^^^^^^^^^^^^^^^^^^^^^^^^^^
نصرة حسين ابد لالا تفوتك
فرصه تندم عليها اليوم موتك
روح وياه واخذ وياك اخوتك
فدوه لحسين اقدمكم سويه
^^^^^^^^^^^^^^^^^^^^^^^^^^^^^^
يبني عباس تعلي راسي اريدك
وابد ماريد تكصر وي عضيدك
ووكف اوياه لحد كطعت وريدك
لاتخجلني ويه امه الزجيه
^^^^^^^^^^^^^^^^^^^^^^^^^^^^^^
يبني لحسين اسنده وشد له ظهره
ولوبديك ال فرات يصير نهره
كبل الحسين ابد لتضوك كطره
شلون تشرب واخوك ايريد ميه
^^^^^^^^^^^^^^^^^^^^^^^^^^^^^^
كبل ليموت علي ناداك اكرب
انه عندي يبو النوماس مطلب
خله ايديك بدين الحره زينب
وكال تكفلها برض الغاضريه
^^^^^^^^^^^^^^^^^^^^^^^^^^^^^^
خل لوائك يرف فوك المحامل
حته زينب تأمن يابو فاضل
ابذمتي كلها يختي وانه كافل
وبيدك الزينب اتدك الثنيه
^^^^^^^^^^^^^^^^^^^^^^^^^^^^^^^
يبني يبني الحرم عينك عليهن
ومثل زينب اريد اوصيك بيهن
لاتخلي الخطر يتدنه ليهن
ذني عندك امانه يالشفيه
^^^^^^^^^^^^^^^^^^^^^^^^^^^^^^^
الشاعر ابومجتبى الرماحي باز کردن / نظر دهید

2017-09-20 00:25:43 انه ابن الاسباع سلطان الحرب
تتراجف الكاع لو جدمي يطب
جندي والحسين يأمرني امر
^^^^^^^^^^^^^^^^^^^^^^^^^^^^^^^
عندي الحرب فرحة كلب
طعن الصوارم عيدي
ما ارتعش حيل انتعش
من الكه رمحي ابأيدي
لابس جفن غيض انشحن
صدري وكرب وعيدي
انه علي وجدي علي
ما اخضع اليزيدي

من يجبل الموت اركض له ركض
بالهيبه منعوت بالغيره انتفض
من اغضب العين تتجادح جمر
^^^^^^^^^^^^^^^^^^^^^^^^^^^^^^^
طف كربله متجحفله
وخيل وزلم ملظومه
عسكر يجر من كل كتر
و اعداده مامعلومه
لا ما افر فارس واكر
والعب لعب بالحومه
ما انهزم عندي علم
كلمن يموت بيومه

هالحرب تكليف من رب البشر
مو مسئلة كيف لا وجهة نظر
والنصرة الدين يرخص هالعمر
^^^^^^^^^^^^^^^^^^^^^^^^^^^^^
ها يا لاجل لا بالعجل
لو تكدر اتمهلي
هاليوم اود عالجيش اهد
من عدهم اشفي غلي
اليدعي ابروحه قوي
يجبن وما يكدرلي
بالملحمه ما ارحمه
لو قبل ايدي ورجلي
بالحومه صايود واختار الاسد
ينكلب جلمود كلبي بالشدد
والكلبه من طين يمي لا يمر
^^^^^^^^^^^^^^^^^^^^^^^^^^^^^^^^^
عمري فده الأبن الهده
ماكو اغله من حسيني
اكبر ربح من انذبح
وانصر امامي وديني
خل يطمئن جندي وابن
وكت الحرب يلكيني
ومعاهده ما عانده
وامره اعله راسي وعيني

هالعمر والروح منذورات اله
يلكاني مذبوح كبله بكربله
مااحجي وجهين مادور عذر
^^^^^^^^^^^^^^^^^^^^^^^^^^^^^^^^^^
لمن صلت وتوكلت
ضنوني حيدر جدي
صحت بعزم وين الزلم
هذا انه واكف وحدي
سيفي انشحذ خصمي اتخذ
حيطه وحذر من عندي
رمحي هجم صارو غنم
بيهم يرد ويودي

سويت الاهوال والحومة انسبت
ما شفت رجال كدامي ثبت
مثل النساوين واحدهم يفر
^^^^^^^^^^^^^^^^^^^^^^^^^^^^^^^^^^^


الشاعر ابو مجتبى الرماحي باز کردن / نظر دهید

2017-09-19 17:59:18 وينك يعباس
زينبكم بحيره ضلت يبو الغيره
وينك يعباس
~~~~~~~~~~~~~~~~~~~~~
زينب ابين العساكر و المخاطر
واليتامه والارامل
صاحت اهنا ياهلي يهل المفاخر
والكرامه والمراجل
ترضه غيرتكم يروعون الحراير
يالنشامه منهو قابل

ياخيرة الناس
ماظن تقبلوها للعيله يسبوها
وينك يعباس
~~~~~~~~~~~~~~~~~~~~~
وينه كافل خدري والرايه بيمينه
والحرايب ما تهمه
من يهد غيره وشرف ينضح جبينه
والكتايب ما تلزمه
ما معودني اصيحه وما يجينه
بالنوايب انخه بسمه

للخوه نبراس
من اوكع ابشده الكه الفرج عنده
وينك يعباس
~~~~~~~~~~~~~~~~~~~~
انه زينب ها يعباس اعله بختك
نظره منك تطفي جمري
ترضه من بعد الخدر يسبوها الاختك
مااضنك لا يذخري
الموت مايعذر وانه ابجيت و عذرتك
وهذا حزنك حاني ظهري

خدر اختك انداس
لاخيمه لا والي ياهو اللي يبرالي
وينك يعباس
~~~~~~~~~~~~~~~~~~~~~
خويه بعدك حار ابو اليمه بزمانه
وضل ينادي وسفه وسفه
منكسر ظهره للمخيم لفانه
حاله يصعب من اوصفه
ناده يا زينب تره الغالي جفانه
وهذا جوده وهذا جفه

مكطوع الانفاس
يم النهر عفته متكطعه جثته
وينك يعباس
~~~~~~~~~~~~~~~~~~~~~
خويه حال حسين ياريتك تنظره
صدره داسوه بالحوافر
والشمر كدام عيني ايحزله نحره
وانه اصيحن لا يكافر
كالي كلبج يزينب الا اكسره
ماكو رحمه ولامشاعر

راح ارفع الراس
يازينب كبالج وتشمت بحالج
وينك يعباس
~~~~~~~~~~~~~~~~~~~~~
خويه صعبه المثلك ايضيع خواته
ياكفيلي يامهجتي
والله تكسر كلبي نظرات الشماته
راح اموتن من حسرتي
سور خدري اتهدم وراحو حماته
ومابقتلي بس دمعتي

ماعندي حراس
دار الوكت بيه وراح امشي مسبيه
وينك يعباس
~~~~~~~~~~~~~~~~~~~~~~
الشاعر ابو مجتبى الرماحي باز کردن / نظر دهید

2017-09-19 17:15:40 يكولون مشت زينب سبيه
يكولون وياها الفاطميه
عجب وين الكفلها عجب جا وين اهلها
ميدرون يكولون
~~~~~~~~~~~~~~~~~~~~~
هاي الجان اخوها مايفاركها
ولو تنخاه بشده الدنيه يحركها
راحت للسبي والشمر رافكها
وهاي متونها من السوط زوركها

اويلاه على مصابج يزينب
اويلاه على الخدر التسلب
غريبه وياهو الها عجب جاوين اهلها
ميدرون يكولون
~~~~~~~~~~~~~~~~~~~~~
جانت كبل جانت هسه راح الجان
لادار التلمها ولابكت خوان
راحت كل زلمها وظلت النسوان
وبس ضل العليل من المرض نحلان

ينادي يعمه لا تونين
ينادي بجالج راس الحسين
فجعتيني يكلها عجب جا وين اهلها
ميدرون يكولون
~~~~~~~~~~~~~~~~~~~~~
يادرب اليسر مشتول بالالام
طول الجرح من طف كربله للشام
وزينب مثل ابوها كهف للايتام
تسهر عينها حته اليتيم اينام

دللول عله عيون اليتامه
دللول تصبحون بسلامه
تظللهم بظلها عجب جاوين اهلها
ميدرون يكولون
~~~~~~~~~~~~~~~~~~~~~
كلساعه طفل يصرخ دلحكيني
يعمه من العصي مااحس بيديني
واليضربني ما يرحم دمع عيني
ومن اطلب رحمته اكثر يأذيني

يعمه ضربني ومارحمني
يعمه واذا ابجي شتمني
عن الوالد سئلها عجب جاوين اهلها
ميدرون يكولون
~~~~~~~~~~~~~~~~~~~~~
سوط الشمر من يضربها عالمتنين
زينب تلتفت وتشوف راس حسين
يصد الراس اخوه عباس عين بعين
يكله منين اجيب السيف والجفين

تمنيت ترد الروح بينه
تمنيت نحامي هالظعينه
ونكص ايده اليصلها عجب جاوين اهلها
ميدرون يكولون
~~~~~~~~~~~~~~~~~~~~~

مرت عله الكوفه وريت لامرت
شافت دار ابو الحسنين وتحسرت
حنت للزمان الراح وتذكرت
من جانت اميره مدلله وكبرت

هضيمه الكبل جانت اميره
هضيمه يشوفوها اسيره
ويكودوها بحبلها عجب جا وين اهلها
ميدرون يكولون
~~~~~~~~~~~~~~~~~~~~~

الشاعر ابو مجتبى الرماحي باز کردن / نظر دهید

2017-09-16 00:22:58 لسان حال الامام المهدي عليه السلام مخاطبا جده الحسين عليه السلام

بدموعي ونحيبي جيتك من مغيبي

^^^^^^^^^^^^^^^^^^^^^^^^^^^^
يا جدي اعتنيتك و خط بجدامي
وابجي عليك من دم والجفن دامي
احس عاشور صارن كلهن ايامي
وشاهد كربله بكل ارض كدامي

ومن حزنك مشيبي جيتك من مغيبي
^^^^^^^^^^^^^^^^^^^^^^^^^^^^^
عيوني غيوم صارت والدموع امطار
عالخدين تجري تكول جنها انهار
ما تبطل حسرتي ولا تهيد النار
الا بيوم اخذ من اميه الثار

بس ثارك طبيبي جيتك من مغيبي
^^^^^^^^^^^^^^^^^^^^^^^^^^^^^
ياجدي انه بطول الطريق انحب
وذكر بالسبي لمن مشت زينب
هظيمه المثل عمتي تنسبي وتنسب
وهظيمه راسك اعله الرمح يتنصب

عليك الون نصيبي جيتك من مغيبي
^^^^^^^^^^^^^^^^^^^^^^^^^^^^^
مشاي اعتنيتك ويه المشايه
و بثارك يجدي تصرخ الرايه
و زينب صوغه الك ودتها ويايه
شمعات ومدامع والحجي هوايه

تندب يا مجيبي جيتك من مغيبي
^^^^^^^^^^^^^^^^^^^^^^^^^^^^^
كالتلي يعمه روح الابن امي
او وصله سلامي وحجي عن همي
وكله نفس كوم الحركت خيمي
هجمة عالضريح و رايده هدمي

ما يخمد لهيبي ﻻجيتك من مغيبي
^^^^^^^^^^^^^^^^^^^^^^^^^^^^^
و كالتلي يعمه اتعنه للكافل
وصرخ يم ضريحه ها يبو فاضل
امانه من العقيله الحضرتك شايل
مكتوب انكتب بالمدمع السايل

ياذخري و مهيبي جيتك من مغيبي
^^^^^^^^^^^^^^^^^^^^^^^^^^^^^
و صاحتني رقيه و كالت اترجاك
يالمهدي اخذني يم ابويه وياك
يتيمه انه وغريبه وحالي مايخفاك
اريد اغفه اعله صدره ويه الرضيع هناك

وديني الحبيبي جيتك من مغيبي
^^^^^^^^^^^^^^^^^^^^^^^^^^^^^
يا جدي اعتنيتك و دعي يالباري
تأذن لي اقوم او اخذ بثاري
هاي اعداي يارب وصلت الداري
واذا هدمو كبر زينب تشب ناري

ياربي و رقيبي جيتك من مغيبي
^^^^^^^^^^^^^^^^^^^^^^^^^^^^^
الشاعر ابو مجتبى الرماحي باز کردن / نظر دهید

2017-09-15 19:31:20 مسلم كريمه جفوفه ما ينكر معروفه
ديوان اله بالكوفه ما يخله من ضيوفه
من كل الاجناس يستقبل الناس
^^^^^^^^^^^^^^^^^^^^^^^^^^^^^
مسلم باب للحاجات و الرغبه
وعند الباري صاحب منزله وقربه
كلمن يدك بابه ومطمئن كلبه
كل حاجاته يكظيها بأمر ربه
بالدعوه ارفع يدك وبذل يزاير جهدك
كول اطلب اشماعندك مسلم ابد ميردك
ليصيبك الياس يستقبل الناس
^^^^^^^^^^^^^^^^^^^^^^^^^^^^^
كبل جان الكريم و مكصد الخطار
لو ظلمة الدنيه ايكوم يشعل نار
ومناير عنده مسلم تضوي ليل نهار
تشوف انوارها و تتوافد الزوار

تباهي الشمس بنواره و يرحب بزواره
بالكرم فارش داره ويلوح الخطاره
بجفوف الاحساس يستقبل الناس
^^^^^^^^^^^^^^^^^^^^^^^^^^^^^
من بعيد لوح بيدك من بعيد
يكلك ياهله و ميت هله ابهالايد
يالتدخل مضيفي اطلب اشمتريد
احنا اشمانطينه الخير عدنه ايزيد
ميت هله وخي عونك ضيفي وكر عيونك
الخير فايض دونك وانته اغرف بماعونك
ومفايض الكاس يستقبل الناس
^^^^^^^^^^^^^^^^^^^^^^^^^^^^^
مسلم و الدخيل بحضرتك يسلم
دخيلك سيدي من ظلمة جهنم
يبو جف السمح عالخير ما احجم
للسائل طفح جودك مثل زمزم
مسلم مضيفك عامر ابكل المكارم زاهر
وبالحشر تحضر باجر تشفع ذنوب الزاير
وترد الانفاس يستقبل الناس
^^^^^^^^^^^^^^^^^^^^^^^^^^^^^
مسلم جوده وصل اقصى الجود
لمن ضحه روحه النصرة المعبود
جيش ابن الدعي بخيل وزلم منضود
لاواها و سحكها برجله مثل الدود
بالكوفه من لاكاها حملة علي راواها
و ما تفتهم خلاها يمناها من يسراها
بالحومه فراس يستقبل الناس
^^^^^^^^^^^^^^^^^^^^^^^^^^^^^
سبحانه الاله الرفع عاليها
رفع شانك يمسلم و فلحت بيها
الكوفه الجان ما عندك سند بيها
صارت لك اماره وصرت واليها

دولة امية اندحرت واثار اهلها انطمرت
كلمة الحق الظهرت ودولة حسين انتصرت
وتثبت الساس يستقبل الناس
___________________
الشاعر ابو مجتبى الرماحي باز کردن / نظر دهید

2017-09-15 15:21:14 طفله و ضهدها الشوك و تريد اهلها
اتنادي بضعيف الصوت من يسمع الها
طول غياب حسين ماضل دمع بالعين
___________________
مشه حسين بضعونه و غايته الكوفه
وظلت فاطمه بالدار ملهوفه
على افراش المرض دمعتها مذروفه
و كلبها عالجفوها ايذوب من خوفه
تتمنه يرد حسين و تشوفه
ويداوي مرضها ابلمسة اجفوفه

الغالي من يروح يصعب غيابه
و ما تطمئن الروح الا ابأيابه
اخذوني يالماشين ماضل دمع بالعين
___________^___^___

تحاجي الدار يادار الاهل ظلمه
خنكه و ماتمر بربوعج النسمه
كبل جنتي ملاذ ومكصد الامه
وصرتي موحشه بغياب ابو اليمه
وين ابدور جانت بيج ملتمه
طشت و الشمل هيهات شيلمه

جان بوجود حسين عامر مضيفج
وانس وملك يادار جانت تضيفج
اهل المكارم وين ماضل دمع بالعين
___________________
ويلي من زماني و سطرته التعمي
وياكوسه اللي بسهام الهجر يرمي
المرض هدم اركاني وياكل بجسمي
وجفني من البواجي اعله الاهل مدمي
ظلمه الدنيه من بعد الكمر عمي
انطيه العمر لوبس يرد يمي

مشتاكه للعباس زايد حنيني
لوبس تشوفه العين يسكن ونيني
عباس اجيبه منين ماضل دمع بالعين
___________________
تالي وياك ياجور الزمن تالي
ما صحت ضميرك دمعتي وحالي
ما ترحم جسم من المرض بالي
ما ترحم وحيده متيها الوالي
ما خليتلي من الاهل غالي
خذت حته الطفل والمهد ضل خالي

جم لوعه جم مصاب راواني دهري
تتصدع الاوتاد لومرها قهري
ظهري انجسم نصين ماضل دمع بالعين
___________________
وحيده بكيت ياهو اللي يدك بابي
يعاوني و يواسيني عله امصابي
اشد من جمر علتي فركة احبابي
عمري من بعدهم كل نفع مابي
ياهو اللي يصل لضعون غيابي
وياخذ لبو اليمه دموعي وكتابي

و يكله تترجاك طفله بوجلها
بس رجعتك يحسين تشفي عللها
ملهوفه عالغالين ماضل دمع بالعين
___________________
الشاعر ابو مجتبى الرماحي باز کردن / نظر دهید

2017-09-14 15:23:53 قصيده على طور
عتابي يخوتي ويامن عتابي
للاستاذ باسم الكربلائي

احن الشوفتك وينك يغالي
وعاين للمهد وشكيله حالي
يعبد الله زماني خيب ضنوني
*******************
ماني الوالده البالفركه مفجوعه
احس عمري ظلام وطافيه شموعه
يعبد الله اون والونه مسموعه
انه ابدالك ركبتي كون مكطوعه
وحك دم الحسين و كسرت ظلوعه
على مصابك ابد ما تبرد اللوعه
حرام انجان تهنالي حياتي
وضل انحب عليك الحد مماتي
ودمع حزني ابد ميفارك جفوني
*******************
شريد انسه يعبد الله اشينسيني
اخلافك كون ابد لا طالت سنيني
جنت لو لحظه يبني تغيب عن عيني
اضيع بيها روحي ويمك الكيني
ردتك بالكبر عون و تباريني
ترد حك الربه وتعبه وتفك ديني

ذخرتك عونه للشيبه ذخرتك
مبالي السهم يكطع ركبتك
وكبل دفنك يريت الناس دفنوني
*******************
حنينه الروح ما تصبر على هجرك
تمنيتك ترد يبني وشم عطرك
لون غايب اكضي سنيني انتظرك
شلون تعود وانته موسد بكبرك
يعبد الله اذا تنساني ماعذرك
ولو بالطيف مر خل انظر البدرك

مرني بالحلم خليني اشوفك
امانه يبني لا تكطع طيوفك
اذا ماشوف وجهك تنعمي عيوني
*******************
اويلاه من زماني ومن مراميه
حرمني شوفت احبابي وكطع بيه
عفت جثتك على التربان مرميه
اوي راسك رحت للشام مسبيه
اصد العينك وعينك تصد ليه
وغسل راسك بدمعاتي ليليه

نايم يالولد والرمح مهدك
وانه الوالده السهرانه بعدك
فجعوني ابمصابك يبني فجعوني
*******************
اظل انحب عليك واهمل المدمع
لحد ما روحي يبني من الجسد تطلع
والتفكد ضناها لاتظن تهجع
ونتها الصخر من عدها يتصدع
اتمناك لحظه من الزمن ترجع
اسمع ضحتك وبوجهك اتطلع
ناري موجره و ماتطفه ناري
وعكبك موحشه و مظلمه داري
وصيح بصوت يم وليدي ودوني
******************
الشاعر ابو مجتبى الرماحي باز کردن / نظر دهید

2017-09-13 23:38:00 صبري عله جروحج يزينب والله اليعين
ودريها مو هينه عليج مصيبة حسين
المات ميعود بس الله موجود
صبري يزينب
*******************
انتي زينب واعرف بصبرج جميل
وعالالم متعلمه
وعلى كل حاله تشكرين الجليل
وبقضاءه مسلمه
الزمن وياج كل مره يعيل
وانتي جنج فاطمه
ويه دمعاتج فرح عمرج يسيل
وعينج بوجه السمه

يا زينب بصبرج تحديتي الرزايا
ودارت عليج النايبه دور الرحايا
وفيتي العهود بس الله موجود
صبري يزينب
***********************
اه يجمرج ما يطفنه الدموع
لا و لا لحظه خمد
هذي دمعة مؤمنة ابلحظة خشوع
لو بجيتي من الشدد
انصلب كدام عينج جم يسوع
جم عزيز اللي انفكد
حسينج اتشوفينه مهشوم الضلوع
وراسه ضل ابلا جسد
ناديتي ياربي تقبل هالقرابين
وشماقضيت احنه ابقضائك ربي راضين
ياربي محمود بس الله موجود
صبري يزينب
*******************
اليربيها علي فحل الفحول
ماتهمهه النايبه
توكف ابوجه المحن مهما تطول
وعالصلب متصلبه
انتي من حسين للعالم رسول
تفضحين الحاربه
وانتي لو كلتي تخرسين اليكول
بالفصاحه مجربه

انتي يزينب بالعلم نجمة زمانج
وبنفس ما ينطق علي ينطق لسانج
وعدائج اشهود بس الله موجود
صبري يزينب
*******************
يخسه ليذلج يبنت الاتقياء
انتي دومج عاليه
عزت الله اتفصلت لجلج رداء
وعالمكارم رابيه
انتي يابت حيدره شوكة اباء
تعمي عين الطاغيه
يلي جسدتي البطوله بكربلاء
والصبر و التضحيه
ابليلة الوحشه عيلتج عينج عليها
من بعد عباس انتي التكفلتي بيها
وحرستي الحدود بس الله موجود
صبري يزينب
********،*********،
هايزينب هذا دمعج بالطفوف
لسه يحجي الفاجعة
وهاي روح حسين عالخدر تطوف
وبسبيها املوعه
ومن سبوج وعفتي اخوتج بالسيوف
بس جثث متكطعه
ناده عباس ويلوح بالجفوف
وداعة الله مودعه
عينج يزينب عالارامل واليتامه
رايدهم ايردون الي بخير وسلامه
وصاج ابو الجود بس الله موجود
صبري يزينب
*******************
هيه وحشة كربله اترجف الرجال
وانتي قلبج مارجف
ابظلمة الليل وتدورين العيال
وعينج اتصد للنجف
قلبج اينادي علي بويه تعال
بويه احلفك بالشرف
حملي يابويه ثكيل وبيه مال
وبيه دهري مانصف
يابويه صعبه من يودوني سبيه
واني وبناتك ندخل القصر الدعيه
وبيدينه الكيود بس الله موجود
صبري يزينب
*******************
الشاعر ابومجتبى الرماحي باز کردن / نظر دهید