رســالـة التخــرج مُهـمة لجمـيعُ الطــلاب بما انت دتحاول تق | رحلتي في الدراسة
رســالـة التخــرج مُهـمة لجمـيعُ الطــلاب
بما انت دتحاول تقرأ هذا المنشور لذلك تاكد انت دتحاول تغيّر من نفسك لكن الطريق عندك ضايع ودتحاول توصل اله حتى تنجح
شوف صديقي العزيز راح اتكلم معاك بكم موضوع مُهم يخص دراستك ومستقبلك .
بالأول شنو فائدة الدراسة اذا اساساً ماكو #تعيينات
انا هسة راح افهمك وحدة وحدة
من خلال مستقبلك " راح الناس تعرف مدى انضباطك بالحياة اليومية ، ومن خلال مستقبلك راح يشوفوك انسان ناجح او فاشل " لذلك مستقبلك كُـلش مهم ، ليش ؟! لإن من خلاله " والدتك ووالدك " راح يفتخرون بيك من يگولون ابني طلع الاول على المدرسة .. تخيل نفسك اب واجة ابنك يكلك بابا بابا وتكول الة ها ؟! ويجاوبك بكل فخر : طلعت الاول
تخيل فرحتهم بهاي اللحظة ؟! يمكن راح يفرحون اكثر من ما انت تفرح .. لذلك انا اترجاك ان ما تحرمهم من هاي اللحظة يا صديقي العزيز
واترك ســالفة الواهس لان اذا تعتمد على الواهس انا اكلك اترك الدراسة وانت راسب رسمياً لإن لازم تجتهد وتضغط على نفسك وتبتعد عن الحب وتبتعد عن سوالف النت صدكني ما يروح الانترنت طول ما انت تريدة فـ هو موجود بس اذا مستقبلك راح ما يرجع بعد
ولك شبيك يحظي هي كم شهر اضغط على نفسك وجيب معدل واخلص ومعليك بالناس الي يهبطون بمعنوياتك هذولة لازم تحرگهم حرگ تدري ليش؟ لان يضوجون اذا شافوك ناجح
الي مطلوب منك هو ان تبدي حياة جديدة من هذا اليوم وتوعد نفسك ان تدرس وتحاول من جديد ولا بأس اذا فشلت مرة ومرتين وعشر مرات الاهم هو ان تتعلم شلون تنجح وتتجاوز هل مرحلة وبما انت قريت كل الكلام الي كتبتة الك صدكني انت تريد تنجح بس يحتاجلك شوي جهد من نفسك ومعليك بالواهس اكرر انت قوي وتكدر تحلها وحدك
