2023-01-14 10:41:08
#كيفية_دراسة_مادة_الأنكليزي :-
#Grammar: -
يتم الحفظ بأستخدام الورقه والقلم وايضا الحصول على #جميع المعلومات الخاصه بهذا الموضوع ومن ثم اختصار الموضوع (بالقاعده) الأساسيه مع الملاحظات بشكل مختصر وكتابتها ع ورقه ومع استمرارك لهذا النمط وتجميع الاوراق (المختصر من كل موضوع) عند ختم المنهج ستحصل على ملخص لكل الكتاب وبطريقه مبسطه وايضا يمكن الاستفاده منها في ليلة الامتحان الوزاري يكون بين يديك ملخص المنهج
.
#literature_focus
حفظ الأدب هو كالآتي: - اكيد هناك اسئله مثلا (Canary) يعطوه المدرسين للطلاب يجي الطالب/ه يدرخ السؤال مـــع الجواب وهذا الشـــي انتو هنا حفظتوه بذاكره قصيرة الأمد وبالتالي
بسرعه رح تنسون
أليكم الطريقه لحفظ اي سؤال يخص الأدب
مثال: - ?what is the canary تكتب الترجمه فوك السؤال (ماهي الكناري)
It is a short story written by Katherine Mansfield.
وهي قصه قصيره كتبت من قبل كاثرين مانسفيلد
وهاي الطريقه تعممها ع جميع الاسئله انه تحفظ السؤال بالعربي والانكليزي حتى إذا نسيت الجواب بالانكليزي تذكر ترجمته بالعربي وهذا رح يؤدي استذكار الجواب بالانكليزي #ضروري جدا تحفظ معاني لان مرات يغير من صيغة سؤال لكن الجواب (واحد) فأنتوا اذا محافظين معاني فبالتالي مرح تفهم سؤال وهذا رح يضيع عليك #الدرجه .
.
*ملاحظه : أساس الانكليزي هو #حفظ المعاني ثم #حفظ بالأنكليزي وايضا هذه الطريقه تفيد حفظ القطع مثل ( قطعه مصطفى ، الرادار .. )
.
#الأنشاء
هذي معضلة الطلاب مشكله يواجهه الكثير من الطلبه وحتى يكون سبب تأجيلهم لان يدخلون للأمتحان الوزاري وهم حافظين 5او 4 فيجي إنشاء مو من اللي هم حافظي فيأجلون ديربالكم تعوفون اي انشاء متحفظوا واذا تريدون تتركون إنشاء فاني تركت انشاءين محفظتهم لان الغالب بالوزاري يجي ايميل وانشاء عادي مثلا السكائر وشكوى للبنك وانتو تختارون واحد
أليكم الطريقه لحفظ الإنشاء لتدرخ الإنشاء بدون متفهمه او تحفظ #المعاني هذا شي رح يسبب نسيانه بسرعه احفظ عربي ثم انكليزي وانوب سمع نفسك بالانكليزي من تنسه كلمه اذكره بالعربي وهذا الشي يساعدك ع تذكره بالانكليزي لذلك ترجم الإنشاء بس مو تكتبون بالعربي كله تصير قصه لا تكتبون الإنشاء بدفتركم بين سطر وسطر وهذا السطر الفارغ تكتبون فوك كل معنى الترجمه هذي الكلمه
.
ان شاء الله تستفادون هذا كلشي يخص الانكليزي
|| @Mydream19
656 viewsايــــــهاب جــــمعة, 07:41