عزيزي الخريج الجديد.. ترى الشهادة الجامعية تعادل 30% فقط من اح | مُستـقبلي

عزيزي الخريج الجديد..
ترى الشهادة الجامعية تعادل 30% فقط من احتياجات سوق العمل الك..

شلون تزيدها؟

تتعلم اللغة الإنكليزية (اعذرني غصباً عليك وعلى خشمك)..

تتعلم الأوفس (حتى لو انت تعرف للأوتوكاد مثلاً أو أي برنامج تخصصي ثاني)..

تتعلم مهارات التواصل الإلكتروني (مو ادز السي في برسالة وتساب)..

تتعلم مهارات البحث عالإنترنت والوصول للمعلومة (مو بس تندل الفيس والسناب والأنستا)..

تتعلم تبني شبكة علاقات عملية (مو تصاحب علوكي كخة وجاسم عبسكة)..

تتعلم إدارة الوقت (مو كاضيها دك دومنة بالكهوة)..

تتعلم أساليب التحويل البنكي وطرق إدارة المال البنكية والتعامل بالتداول الإلكتروني (جا وفلوس السلفة؟)..

تستغل السوشيال ميديا لبناء قاعدة علاقات وتتابع فيديوهات معرفية وتعليمية لمختلف المهارات العملية (يعني مو تتابع ابو التنمية البشرية وسوالف الطاقة، بشرفك لاء، بروح امك لاء، لابروح امك..)..

ولازم تعرف أنه أكو مثلك اقل شي مليون واحد بسوق العمل ففرصتك ضئيلة جداً، تعال شلون تتميز عن ذوله حتى تكون فريد من نوعك وتقلل عدد أشباهك..