ليلة الوداع»» أخر مسه أهلي وياي باجر أسيره ويعداي وحدي أظل بغرتي ليه تضل بس دمعتي ** ياليل طول خل أودع أحبابي ظعن اليسر باجر أشوفه إبابي ونار العده باجر تشب بطنابي وطلع أسيره إمكبعه بمصابي ولمن أطب الكوفه برمح الشمس مكسوفه بعيوني تضلم دنيتي ليه تظل بس دمعتي **،،،،،،،،،،،،،،،،،،،،،،،،،،،،،،،،،،،،،،،،،،،،،،، باجر أودع للذبح خــواني وأبقه وحيده من عكب ولياني وهاي العده تنكر جــــــﻻلة شاني زمره خبيثه وضالمه عــــدواني وكت الصﻻة إيصلون ولبن الرسول إيذبحون أتمنه كطعو ركبتي ليه تضل بس دمعتي ** ،،،،،،،،،،،،،،،،،،،،،،،،،،،،،،،،،،،،،،،،،،،،،،، ماتغفه كل عين اليمر بيها الخوف ومر بيه طيفي بيقظتي وعيني تشوف بدر السمه دامي أشوفه ومــــكسوف حس كــــلبي عباس اليكطعوله جفوف الجف الكفاله إيكطعون حته الخيمنه إيحركون ولو أني حركو خيمتي ليه تظل بس دمعتي ***،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، باجر أروح مكــيده إبين إعداي ويم النهر أترك جفيلي الــوفاي بعد الكمر علكم صبح ريت المــاي وريت الله أخذ روحي وأودع دنياي أتمنه يكرب أجلي صعب اليسر عالمثلي أنه اﻷميره بهيبتي ليه تظل بس دمعتي *،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، خيمه إخوتي ليه وأنام بضلهم بليل الكدر عيني تشوف بضيهم فوك الثرى باجر عيوني تصدهم وعنهم أروح وعالترب أتركهم أمشي وأدير عيوني وين إخوتي إيشوفوني إلهم ألوح بيمنتي ليه تضل بس دمعتي. ***،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، هذا أبرها الشمر وعلينه إتحزم والكعبه باجر عالحرم تتهدم ونحر الحسين المنكطع جن زمزم والمروه زينب باليسر تتألم عن اﻷهل ظعني إيشيل وأمشي أنه وي أهل الفيل أمشي وأعوفن كعبتي ..ليه تضل بس دمعتي ***،،،،،،،،،،،،،،،،،،،،،،،،،،،،،،،،،،،،،،،،،، للشاعر نسيم الحميداوي https://t.me/NasimAlhamdawi 33 viewsedited 08:11
