♕رئيسيه آلى باب الحوائج الأمام العباس ع♕ يمي لوظل كـافلي | الشاعر الحسيني نسيم الحميداوي
♕رئيسيه آلى باب الحوائج الأمام العباس ع♕
يمي لوظل كـافلي بدر العــشيره ﻻوحك هامت علي مارحت أسيره من يكيدني بحبل**لو أبو فاضل عدل
إفراك أبو فاظل صــعب دﻻلي رظــه أنه مــــــــاجر النــــــفس إله وينبظه إشلون أروح ويالشمر من بعده يرظه أنه ما أدري بحــــــــلم ما أدري يقظه؛
عالرمح راسه ونزف من حزنه غيره بالدمه بدري إنكسف ماصح نضيره ؛إلنه چا لم الشمل لو أبو فاضل عدل ☆☆☆ فرت إكباله الزلم والحومه طــــبها الميسره عالميمنه بسيفـــــه كلبها من هجم شفت اﻷرض دخت تربها صايم وگطرة عـــذب ﻻمــــاشربها
ضامي بس ساكي صبح عزب بالطفوف دينه إجه طالب نصر قدمله الجفوف كل صعب عنده سهل لو إبو فاظل عدل ☆☆☆ سَجل بطف كربله أروع ملاحــم صار منهل للمعاجز والمـــــــكارم يمي لو حارس بقه بدر الهواشم محد اليوصل خيم بيها الفواطم
مـــــــن كصر چفه بغدر طالت لسنهم ومن سكت صوت الكمر أسمع شتمهم أنشتم ماتنعقل لو أبو فاضل عدل ☆☆☆☆ النواظر هالشهم لو صد عليــــهن ما أسولفله الحزن يفهم حچيهن لو مسح بيده الدمع فسر بچيهن عيوني تتيتم إذا يرحل ولـــيهـن
