#غــزل_میــلادِ #امام_جواد_علیه‌السلام ـــــــــــــــ چهره گشاده چون دُرِ غلطان جوادیدور ابرولری کمان٬ مَهِ تابان جوادیدور بهبَه صفای مجلس عرفان جوادیدور بیز شیعیانه هدیهٔ شایان جوادیدور الله ائدوبدی لطف فراوان بوباره ده قطعا گوزل عنایت سبحان جوادیدور بوسه ویراندا ضامن آهو جمالینه وجده گلوب چو غنچهٔ خندان جوادیدور دریایِ بیکرانهٔ جود و سخادی بو بابِ رجایِ خلق مسلمان جوادیدور نائل اولوبدی یدّی یاشیندا امامته باشدان ایاقه آیهٔ قرآن جوادیدور سیغماز شعور و عقله جوادین فضیلتی لطفِ عظیمِ خالقِ منّان جوادیدور (فیضی)یازاندا مدحِ جوادالائمّه نی یازما که شاهِ مُلک سُلیمان جوادیدور فانی جهانه شاه اولا٬ واللّه نیازی یوخ فرمانروای دولت جانان جوادیدور قربان اولوم جلالتینه جایگاهینه تاجِ سرِ تمامیِ شاهان جوادیدور #رحیم_فیضی_اردبیلی ـ┅┅❅ ❅┅┅ـ 【به ما بپیوندید 】 @navayeh_malakoti ┄┅┅┅┅❅ ❅┅┅┅┅┄ 413 viewsedited 10:57
