حسینون نوکر والاسی گئدی شرف میزانن تقواسی گئدی حسینیتده بیر تاج شرفدور شرافت تاجینن الماسی گئدی الوبدور یحیوی نون نور عینی ادب دریاسنن معناسی گئدی ادیب وقف عمرینی سالار عشقه حسین مداح لارین آقاسی گئدی قرا احرامنی سویمازدی باشندان باشیندا قاره ی زیباسی گئدی توکوب گوز یاشنی دریا مثالی حسین عاشقلرون اعلاسی گئدی تاپار عزت اولن وقته حسینچی سعادت بزمینین اجلاسی گئدی رحیم حیدی بیرده دوغولماز اگرچه ظاهرا سیماسی گئدی ولی روحی حسینه میهماندی حسین گلزارنن رعناسی گئدی قلم سن چک گریزی کربلایه حسینین آیرلیب سقاسی گئدی سوقولی ویردی اما یوخدی امکان سوسوزلار قلبینین دریاسی گئدی دئدی امداده گل قارداش حسینیم هراسان خیمه دن مولاسی گئدی نفسه تنگه دوشوب تاپدی آیین گون آخیب خجلت تری احساسی گئدی حسین جان عفو ائله چک سن بو تیری رضا اول سن دنن عباسی گئدی سروده شده در مورخه 1401/03/25 محمد توحیدی 399 views07:02
