2021-08-27 19:39:59
#شلون_اجاوب_الاحياء ؟!
- سوادس قلبي حنطيكم كم نصيحة للتعامل مع اسئلة الأحياء أول ما تستلموها :-
لا تقرا الاسئلة كلها ابد ، يُفضل تبدي تقراها من سؤال الأول فرع فرع ، وكل فرع تقراه تجاوبو مباشرةً بدون ما تباوع للفرع اللي بعدو وهكذا.
كل سؤال تكمل حلو ، فراجع اجوبتك قبل لا تنتقل للثاني خوش ؟ أهم شي لا تستعجل وجاوب على راحتك ، وتاكد أنك دجاوب كل الافرع لا تنسى فرع او نقطة.
من تصادف فرع تحس نفسك شوية ناسيه فلا تلح بي، اتركو ، وانتقل للفرع اللي بعدو ومن تكمل حلولك ارجع ركز بي وفكر شوية شوية راح تبدي تتذكر ان شاء الله.
بالنسبة لاسئلة المقارنات ، يُفضل تد تجاوبهم على شكل جداول مو شرح ، تمام ؟ لأنه توزيع درجة المقارنة يكون على عدد النقاط ف مثلاً المقارنة عليها 6 درجات ف اذا تكتب 3 فروقات هاي تكفي ، واذا عليها 8 درجات ف 4 فروقات تكفي.
#ملاحظة :- يفضل تكتب كلشي تعرفوا بالمقارنة للضمان والاحسن.
الإجوبة مالتك مو شرط تكون الا نصا 100% يعني اذا مثلا نسيت الجواب نصا ف تكدر تعبر بطريقتك بس تكون صح يعني ، الفكرة أنه مو الا نصًا بس اذا تذكر الجواب نصا احسن بس اذا نسيتو عادي تعبر حسب فهمك.
من تخلص اجوبتك راجعهم + تأكد أنك تارك اذا اكو ترك تمام ؟ ابد لا تستعجل.
#ملاحظات_مهمة_جداً
• تجاوب كل سؤال بمكانو المخصص دير بالك تخبط شي بمكان شي.
• لا تستعجل ابد ابد ترا هذا امتحان وزاري.
• لا تتأثر بالطلاب بالقاعة ابد ، يمسح يصيح يموت ينتحرون ، فأنت لا عليك ، كل واحد يجاوب حسب تحضيرو للامتحان وفهمو للمادة.
• اذا بالبداية حسيت نفسك ماجاي تتذكر الإجوبة فلا تتوتر ترا طبيعي ، أنت من تتوكل بالله وتباشر بالحل تبدي تذكر كلشي.
:- سالم ال منصور
#الدال_على_الخير_كفاعله .
#شبكة_التميز_التعليمية :
https://t.me/NetworkAltamiz
2.1K views16:39
ش
