قال أبي أول ما استلمت اول راتب في حياتي سرت اشتريت أتريك أبو ق | نكت عربية @niokkkt
قال أبي أول ما استلمت اول راتب في حياتي سرت اشتريت أتريك أبو قاز، وروحت به البلاد علاسب أهنجم ههههه ساع الذي روح بلكزز!
قال وصلت ذاك اليوم بعد المغرب وعبيته قاز وركبت الذباله وجلست اشده بحقه المشد لاما قدوه جاهز وولعت والضوء انتشر ملان المكان ساع الشمس لاما هرب جدي وجدتي من قوة الضوء مقصدهم انوه عيقرح
قال بعد ذلك قمت وعلقته في المعلق الذي في السقف، وسرت ارفع البردات (الستائر) علاسب يبسروا اهل القريه الضوء! يعني كان ابي يحب الفشر
المهم وماهي الا دقائق وبدأ اهل القريه بالتوافد الى البيت علاسب يبسروا من اين مصدر هذا الضوء العجيب! في البداية ظنوا ان قد احنا بنخصب اليورانيوم هههه لأنهم كانوا متعودين على ضوء النوارات الضعيف جدا..
قال ابي كان يوصلوا يدخلوا واول مايبسروا الاتريك ينذهلوا، ويقلوا اووووه ماهذا قدوه نهااار!! اف اف اف قاتلهم الله هذولاء النصارى ايش قد بيصنعوا!
وبعدها يسألوه على السعر، وأبي يقل لهم بكذا وهم يقلوا الجناااان !! غالي قوي..لكن الصدق يستاهل.. وهكذا استمروا اهل القريه بالتوافد لاما امتلت الغرفه للراس شيبات وجهال كلهم جو يبسروا الاتريك!
حتى النسوان كانين يتشاقرين من الطياق!! مابلا قامت جدتي نزلت البردات علاسب العين!!
المهم انتشر الخبر ملان القرية ان أبي معه اتريك يضيء بقووه، وابي كان عزب هذيك الأيام وجالس عند جدي وجدتي..
مادرى أبي الا حين جاء أجد الشيبات بالعشي يدق الباب، قام ابي فتح والشيبه قال تعال..خرج ابي واذا بالشيبه يطلب الاتريك لعرس عياله!
قال أبي اممم يله بس ريع ادخل اشفط القاز الذي فيه واناولك..قال الشيبه والا ما رايك تدي لي الاتريك وازوجك ببنتي ؟!!
قال ابي جيت احسبها وان قيمة الاتريك مقاربه لتكاليف العرس هذيك الأيام قال وافقت وناولت الشيبه الاتريك على سنة الله ورسولة ههههه
واليوم الثاني سار ابي يعقد قبل ماتفتطر الذبالة حق الأتريك ويغير الشيبه رأيه
المهم تمت على خير واتزوج ابي مقابل اتريك قاز!! الله الله كيف كان الناس هذيك الايام مؤمنين صح.. ..ماذلحين منهيه الذي عترضى تتزوج مقابل بطاريه جل ولوح ابو 200؟! https://t.me/niokkkt
