'عيد وبأي حالٍ عدت يا عيد ..!' عبارة عم يتداولوها الناس على م | نـبـــض قلــبــي💜🎶

"عيد وبأي حالٍ عدت يا عيد ..!"

عبارة عم يتداولوها الناس على مواقع التواصل الاجتماعي وغيرا كتير من العبارات يلي عم تنشر التشاؤم بين الناس..

طيب لو جينا للواقع شوي ..يمكن نكون نحن فاقدين لاشخاص كان وجودن اساسي بالأعياد ..
او نكون من يلي عم يمروا بهالوقت بأزمات صعبة ..

شو ماكنا وشو ماكان وضعنا والشي يلي عم نعيشو بيضل مالو مبرر لنشائم الناس ونحوّل الفرحة لحزن وهموم..

هنن كم يوم بالسنة بيمروا ..خلونا نفرح شوي ..نرجّع الضحكة يلي اختفت من سنين !

نحاول ننسى همومنا شوي ونتفاعل مع يلي حوالينا لنكون سبب بضحكة حدا
بدل مانكون سبب باكتئاب او تشاؤم ..

كل عيد والضحكة ماتفارقكن..وكل عام وانتو بخير لمّا تكونو سبب بنشر الخير