قناة نوح الفواطم بأدارة شاعرة أهل البيت خادمة الزهراء(ع)ام مهدي الحاج علي العرادي.

2022-07-29 14:10:43 نعی شهادة باالفضل العباس عليه السلام

١٤٠١/٥/٧
٢٩ ذي الحجة ١٤٤٣

طاح البطل حامي الظعينة

ابعامود راسه فاضخينه

والسهم نابت وسط عينه

امگطّع الیسره ويّه لیمین

اصوابه کلف صایر بالجبین

یا زینب ابچي و زيدي لونين

مال الحمل من طاح عباس

اصوابه كلف ابوسطت الراس

لحسين اجاله بآخر انفاس

اجاله اموسّد عالوطية

اشحال من شافه اخيّه

مطروح وادمومه جريه

اتخوصر وگال انکسر ظهري

عگبك بعد ماريد عمري

تفداك روحي وبعد نحري

شلّي ابعمري بعد عينك

گلبي تگطع من ونينك

ياهو الجرع طر الحبينك

تمت بعون الله تعالى وبقلم خادمة الزهراء عليها السلام أم مهدي الحاج علي العرادي
http://t.me/noh_alfoatem باز کردن / نظر دهید

2022-07-26 17:07:18 قصيدة شجاعت العباس عليه السلام
١٤٠١/٥/٤
٢٦ ذي الحجة ١٤٤٣

هله ابعباس يليث المرجلة

هجم عالگوم وماجت کربلة

گام یضربهم ضرب

مایشوفون الدرب

وابوجوده العقیله امدلله

هجم عالگوم وسیفه ابيمنته

والخواتين تهلهل شجعته

كثرت الجيش أبد ما همّته

دخل عالحومه يجول

هاذه ابن فحل الفحول

هيبته خلت اعداه امبّهذلة

صال عالگوم وظل یضرب ضرب

هله ابعباس هله ابلیث الحرب

خلّه واحدهم فلايشوف الدرب

يا حلاته من هجم

محّد امن ايده سلم

والله الميدان بس لايگ إله

هاذه ابو فاضل الما منّه مثيل

وبهجومه كربله ظلت تميل

وابدمه العدوان سوّه اهناك سيل

صار عسكرهم يحوم

سوه سيل امن الدموم

الله واكبر من المخيم عله

یا نعم هالطول محله هیبته

کفو ابأم البنین الجابته

الهاذي الساعة العظيمه ذخرته

هجم چن لیث وصگر

وسیفه ظل بیهم یکر

فرّت الفرسان منّه بالفله

اتنومست بيه العقيله وهلهلت

والهلاهل من الخيام اعتلت

حاشه امّا بالربه ماقصرت

بطل ما مثله مثيل

اليگربا یا ویله ویل

بلعساکر خلّه رجفه وولوله

تمت بعون الله تعالى وبقلم خادمة الزهراء عليها السلام أم مهدي الحاج علي العرادي
http://t.me/noh_alfoatem باز کردن / نظر دهید

2022-07-26 15:23:20 نعى للعليلة
١٤٠١/٥/٤
٢٦ ذي الحجة ١٤٤٣

راحو هلي وانه اتركوني

واعله الدرب تربي عيوني

وحشه النزل من فارگوني

جسمي نحل وانا نحيله

عليلة و فرگتهم ثگیله

واشلون العليل اينام ليلة

خواتي مشن كلهن سوية

واگلوبهن حنت علية

بس طاعن الأمر الوصية

واللّه صعب بعُد النحبهم

كل يوم عيني اعله دربهم

ليش الدهر عني بعدهم

مريضه وياهو اليباريني

ولفراگ الاهل اشیسلّیني

طفله وبأول اسنيني

ياريتهم ليّه يرجعون

وايحملوني ويّه لضعون

وبيهم تغر واللّه العيون

تمت بعون الله تعالى وبقلم خادمة الزهراء عليها السلام أم مهدي الحاج علي العرادي
http://t.me/noh_alfoatem باز کردن / نظر دهید

2022-07-23 21:45:17 قصيدة بحق خدام الحسين عليه السلام الراحلين عن هاذه الدنيا
١٤٠١/٥/١
٢٣ذي الحجة ١٤٤٣

وينكم يهل المئاتم وينكم

ماتجو اتنصبو العزه لحسينكم

انتو خدام الزچیه

والغریب الغاضریه

وینکم یهل المئاتم وینکم

وينكم گوموا دنصبوله العزاء

انتم اهل المعرفه واهل الولاء

چنتم اتصيحون وبأعله النداء

يا حسين وتلطموهاالصدوركم

اکسرتوا اگلوب الاهل یالراحلین

کل سنه اویاهم تخدمون الحسین

وهالسنه تحت الترب شو نایمین

والمجالس خالیه امن اوجودکم

امکانکم خالي نشوفة اويالخدم

واعله فرگاکم تره الحيل انهدم

یالخدمتوه والخدم لا ماندم

بو علي حبّه جره بعروگکم

خدمت المظلوم بيها الافتخار

هاذ ابن حيدر علي حامي الجار

والخدم اولاده ماتمسّه النار

ابنفسه ساعات الحساب ايزوركم

افراگكم یصعب علینه اشگد چبیر

واحنه تابعناكم ابهاذه المسير

نخدم اولاد الزچيه والامير

يلًي عفتونه وسكنتو اگبورکم

تمت بعون الله وبقلم خادمة الزهراء عليها السلام أم مهدي الحاج علي العرادي
http://t.me/noh_alfoatem باز کردن / نظر دهید