2022-08-28 21:18:57
الكَاع مالت من نزل خيالها
المشرعه محد كَدر يدنالها
ومن وصل ليها الكَمر//صاحو منين المفر
الكَمر ودعها العقيله وشال جوده والعلم
كلَها يازينب لاجيبه العلكَمي يم الخيم
راد لاخته ايوفي وعده ياهله بشيخ الزلم
لو يوصل جربته//لو يذبها يمنته
هاي جلمه للعقيله كَالها
من طلع من المخيم والشريعه ليها طب
صاحوا امن اكَبل عليهم هذا جتال العرب
اذكر اسكينه ورقيه وحلف يكَلبها كَلب
والجيوش الا كَته//اشردت بس هز رايته
وروسهم من فوكَ مهره شالها
جيوش مصفوفه وكتايب وابو فاضل بيه هد
جن علي ولازم فقاره اليصل يمه ما يرد
خلصت خيل وزلمهم وكَمر هاشم مابرد
من نزل ليث الحرب//ضيعوا حتى الدرب
وجندلاها اعله الشريعه ابطالها
العلگمي داره بجربته وماي ماضل بالنهر
ابزوده طباها الشريعه تريس اعليها الكَمر
ورعباها اجيوش اميه وماكَدر واحد يمر
يصول شيال اللوه//وانكَطع حتى الهوه
وخله ماتندل دربها ارجالها
حمره كَاع الغاضريه من جثث عدونها
والعده تيهه دربها واتعبت فرسانها
وبفخر كربله صاحت حي كَمر عدنانها
بجفه ضنوة حيدره//جثث خلها امطشره
وصار جن مثل القيامه اهوالها
لو يكون الامر بيده جا محاها كربله
والكَمر ساعته ويومه نزل من رب العله
يطيحن يساره ويمينه ومايرد للعايله
وسكنه تنطر جيته//والاطفال بخيمته
ونام يامن للحرب سردالها
نور الولايه الفاطميه
#اهدي_عملي_لمولاي_صاحب_الطلعه_عج
والى روح والدي
189 views18:18
ق
