بما انه مراكز التجميل زادو واجد حابة ننصح البنات خصوصاً الص | Cosmotics (skin&hair)
بما انه مراكز التجميل زادو واجد
حابة ننصح البنات خصوصاً الصغار انهم مايحقنو ولا يعالجو عند اي حد لازم طبيب مختص يدير كشف ويقولك شنو المناسب لكي فيه اخطاء واجد صايرة واستغلال مادي ....
موضوع العناية بالبشرة بسيط جداً
مش لازم كل حالة حقن او تقشير او غيره
مش لازم صاحبتك حقنت نمشي نحقن يمكن هيا تحتاج علاج مختلف عنك
لو اهتميتي ببشرتك مبكراً بالترطيب والعناية اللازمة وصحة جسمك كله من فيتامينات وحديد و....) وساعات نوم كافية والابتعاد عن الميكب سئ الجودة او الغير طبي حتحافظي دائماً ع نضارة وحيوية بشرتك
ملاحظة اخري:- التقشير في الصيف مش وقته
التقشير المتكرر بطريقة مبالغ فيها غير جيد يعمل ترقق في البشرة وتزيد حساسيتها للشمس والحرارة
جلسات البلازما والميزو لها نتائج ولكن ليس من اول جلسة تحتاج جلسات
اي جلسات بشرة وحقن فيها تخفيض مبالغ فيه غير جيدة
قبل الحقن بأي مادة اسأل الطبيب شنو نوع المادة وصناعتها ضروري
حبي نفسك كما هيا
لو فيه عيوب مضايقتك تتعالج كل مشكلة لها حل لكن اهم شي مايكونش السبب تقليد اجراء داراته صديقتك او غيرها
