#مرهقة_بالتفاصيل .. مبارح مشيت بالمكان يلي التقينا فيه أول مر | خواطر و حالات __ღ

#مرهقة_بالتفاصيل ..

مبارح مشيت بالمكان يلي التقينا فيه أول مرة
واتذكرتك بطريقة حلوة كتير ..
بكل خطوة كنت عم امشيها عم شوف اسمك .. وحتى صوتك ...كان عم يرن بعقلي وبكل كلمة حكيتلي ياها وقت مشينا ..
وحسيت هداك المكان خلص ارتبط فيك وكأنو انوجد بس الك ..
واتذكرت أنو كان عندي أمل التقى فيك صدفة بس هلأ هالصدفة صارت معدومة .. وصرت بعيد ..
وحتى أنا بعدت عن صورك وصوتك والحكي معك يلي كانوا جزء من يومي الأساسي ..

هالمرة أنا حبيتك بطريقة حلوة مافيا كره أو حقد ولا حتى بلوك لحتى ماتكون قدام عيوني .... بالعكس .. خليك قدام عيوني ..

بس .. تركتك للأيام يلي حتنسيني ياك كمان بطريقة حلوة ورايقة ومابتوجع القلب .

#شوية_حكي_مني_إلا_مايوصل