NOVEL • روايات

2022-08-30 21:59:37 "جيت عايزة ابعد مروان من محمد، مروان زح يدو من غير قصد وانا ب وراهو وعلى جهة السلم ما حسيت بنفسي الا وانا بقع، بقيت ماسكة بطني لمن وصلت الأرض وفقدت الوعي"
"عم أحمد وعمتي فاطمة ومصطفى ومروة طلعوا من غرفهم، مروان كان بعاين لي ومهجوم، فكا محمد وجا طوالي على" باز کردن / نظر دهید

2022-08-30 21:59:37 نمت، صحيت الصباح متأخرة لقيتو مافي"
"مر الأسبوع وكنت مشغولة مع عمتي في تجهيزات الخطوبة ومرة بمشي ل شهد، مروان لمن يرجع بجي يسوقني، علاقتنا بقيت متوترة شوية في الأسبوع دا، يوم الأربعاء كنت مع شهد قالت لي اقعد معاها الليلة ضربت لي مروان عشان اقول ليهو ما رد، ضربت ل عمتي قلت ليها بايتة مع شهد عندنا حاجات ما خلصتها، مروان ما رجع لي
بس يوم الخميس الظهر جا قدام بيت ناس شهد ضرب لي وقال لي اطلع، جيت ركبت وسلمت عليه دور العربية طوالي"
_ماشي وين انت؟!
*البيت
_طيب اقول ل شهد مع السلامة
*شهد بكرة ح تكوني معاها
_انت هسا مالك قاعد تزهج فيني يا مروان
*عمتي ب هناك براها شغالة مروة طلعت المستشفى، الشغالة قاعدة تنضف وانتي هنا مع صحبتك تنونس وتضحكي ''صوتو بقا عالي'' بعدين انتي من امبارح وقت جيتي ما كان تقول بايتة
_اول ما ترفع صوتك رجاءاً، وتانياً انا ما كنت عايزه اقعد اصلا بس عندها حاجات ما خلصتها عشان كدة قالت لي أبيت معاها، وضربت لك انت ما ردت وما رجعت لي ، وبالنسبه ل عمتي امبارح خلصت كل الحاجات معاها ومشيت ل شهد، ومع شهد زاتو كنت شغاله ما قاعده اتونس واضحك
"بقى ساكت وسائق، قبلت على الشباك وما اتكلمت معاهو تاني، وصلنا البيت سلمت على عمتي وهو طوالي طلع الغرفة"
"على لسان مروان"
''لمن رجعت البيت امبارح الغرفه باقيه لي غريبة من دونها، عايز اتصل عليها، قلت ح اقول شنو اصلا عمتي قالت لي أن هُيام بايتة مع شهد، وانا في المكتب صدعت، اصلا بقيت متعود على القهوة من يدها، طلعت من المكتب طوالي لقيت نفسي جمب بيت شهد، ما عرفت اعبر عن الشوق دا، صح كلام مصطفى شكل بقيت احبك يا هُيام''
___________________
_عندك شنو اعمل يا عمتي؟
=ما عندي حاجة مش امبارح قلت لك خلصنا وقت طلعتي ل ماشة ل شهد
_اي، لكن مروان هسا قال لي الشغالة بتنضف وعمتي براها ومروة طلعت المستشفى قلت معناها شغاله انتي
=هييي هوعارف من وين زاتو طلع الليله الشغل بدري، ما عندنا اي شي، الا كان الجيران لمن يجوا البت بتجيب الضيافة انا قاعدة ف محلي
_غريبة! ما شوفتِ هو بيتكلم كيف، قلت خلاص عمتي شغالة لمن تعبانة ح تكون
=ما شغالة ول شي، يختي يكون مشتاق لك وعايزاك تجي البيت، قال نكضب سااي في عمتي
_"بقيت اضحك"
" استغربت ما فهمت عمل كده ليه، بالجد يعني مشتاق لي معقولة، قعدت اتونست مع عمتي وبعدين طلعت الغرفة لقيت نايم في الكنبة رقدت نمت انا كمان، صحيت زي العصر، لقيت مافي، كان تحت قاعد يأكل قعدت أكل معاهو
وبعدين قعدنا اتونسنا مع عمتي، عملت ليهم قهوة، لمن المسا كده طلعنا الغرفة جهزت هدومي حقت بكره"
_عندك حاجة معينة اطلعها لك ل بكرة؟
" كان قاعد في الكنبة مركز مع تلفون"
* لا هدومي جاهزة انا
_تمام طيب تصبح على خير
*هُيام،
_نعم
*معليش قبيل رفعت صوتي عليك
_تمام حصل خير، بس عمتي لقيت ما عندها اي شغل
*بصراحة كنت مصدع ومشتاق لك،اقصد مشتاق ل قهوتك
_بس!! ، يعني ما مشتاق لي؟
*بصراحة مشتاق
" هو راقد في الكنبة وانا في السرير قاعدة مبتسمة فرحانة ب كلامو، ما عاين لي ول رفعت راسي عاينت ليهو"
_تصبح ع خير
*وانت من اهلو
____________________
"يوم الجمعه"
"اهل مصطفى وصلوا عندنا الظهر، الغدا والتجهيزات دي" "ساعدتهم وبعدين طلعت مشيت ل شهد، بعد المغرب بديت مراسم الخطوبة الزغاريد والفرحة في عيون مصطفى واهلو، أما شهد كانت طايرة من الفرحة، طلعت حلووة، عملت مكياج ل نفسها خفيف ورايق فستانها كان كحلي غامق وطرحة بيضا ومصطفى جلابية بالأبيض وعمة، هيبة السودانين
مروان كمان جا بجلابية بالبني ومعاها العمة، أما أنا كنت  لابسة توب فيه كحلي وابيض، الخطوبة كانت بسيطة في البيت، أهلهم القريبين بس ، اتصورنا كم صوره وشغلوا اغاني قعدوا يرقصوا كلهم ، الخطوبة كانت حلووة والكل فرحان ب فرحة مصطفى وشهد.
بعد الخطوبة أهل مصطفى طلعوا طوالي، احنا كمان اتحركنا وصلنا البيت قعدنا نحكي في الخطوبة ونشوف الصور وبعدين اي زول طلع غرفتو"
__
*كان يوم حلو
_اي والله، يستاهلوا مصطفى وشهد والله
*اي على نيتهم "قال جملتو دي وكان طالع"
_ماشي وين ؟
*نازل تحت اجيب مويه، غيري هدومك انتي
" مروان كان نازل تحت جا ماري بجمب غرفة محمد سمع محمد بتكلم بالتلفون"
=والله تقول شنو بس، هو ومروان وقعوا في بنات ما شاء لله الكمال لله وحده، صحبات كمان.
اي اتخيل مروان زاتو عرس ما قلت لك انا، لاكن لو شوفت مرتو مش تنسى حبيبتك القديمة تنسى امك زاتو
"مروان طوالي فتح الباب وبقي هو محمد يضربوا في بعض لمن طلعوا برا الغرفة سمعت الجوطة طلعت، لقيت مروان بضرب في محمد بطريقة وحشية وبقول ليهو"
*انت ما برتاح الا اقتلك المرة دي، قلت لك ما تجيب سيرة حاجة تخصني على لسانك دا
"جيت عليهم بقول ليهو"
_مروان خليهو عليك لله
*ارجعي يا هُيام
_ما برجع عليك لله خليهو يا مروان
*بقول لك ارجعي باز کردن / نظر دهید

2022-08-30 21:59:37 #ذات لحظة
إبتهال حسن
حلقة "21"
__________________
=مبروك ليها كمان حامل
*الله يبارك فيك، عقبالك
=امين،يلا عن اذنكم امشي انا قاعدة اجهز مفاجأة ل زوجي "قالت زوجي دي بتعاين لمروان جوة عيونو، هو كان جادي وما عمل اي رد فعل قال بكل برود"
*اذنك معاك "مشيت خطوتين كده ورجعت"
=ما قلت لي يا مروان بتعرف هُيام من وين، نفسي اعرف هي عملت شنو خليتك تتزوجها بالسرعة دي  "الكلام دا كل وهي كان بتعاين ل مروان قبلت على قالت"
نسيت ما قلت لك يا هُيام انا ومروان معرفة قديمة وعلاقة حب، معقوله ما حكى لك عني؟
"مروان طوالي رد ليها"
*هُيام بتعرف اي حاجة القديم والجديد "معاها ابتسامة مجاملة" ، عرفتها كيف دي معقولة الناس ال رسلو لك الصور ما قالوا لك؟
=قالوا بس ما صدقت الكلام، عايزه اعرف الحاجة المميزة فيها ول عرستو عرس تقليدي باهلي يعرفو اهلك
*والله فيها مميزات كتيرة، ما ينفع اقولها لك،المهم اتزوجنا و
ما تخافي ما عرس تقليدي، يلا امشي ما تتاخري على مفاجأتك
"كنت واقفة وسامعة كل كلامهم دا، بحاول امسك نفسي بالعافية كان، مشيت كنت بعاين ل مروان وهو بعاين ليها لمن دخلت الصالة، طوالي شيلت شنطتي وطلعت، مروان جا وراي طوالي"
*هُيام يا هُيام، انتظري لحظة بس
_نعم يا مروان
*اسف على الحصل دا
_لا عادي بس عايزه ارجع البيت تعبت من القعدة
*بالجد؟
_اي
*امسكي خلاص مفتاح العربية، انا ماشي ادفع الحساب
" مشيت بقيت قاعده منتظرة في العربية وانا بقول ل نفسي شكل لسه بحبها، كان بعاين ليها لمن دخلت الصالة، قطع كلامي جا"
*معليش اتاخرت عليك
_لا عادي
"بقينا ساكتين الاتنين فجأة وقف العربية"
_مالك؟
*عايز اتكلم معاك بخصوص الحصل
_قلت لك عادي ما تشيل في بالك
*انا عايز اتكلم يا هُيام
_اتكلم سامعه
*اسف لو حاجة زعلتك
_عادي قلت لك مافي حاجة تزعل، لقيت حبيبتك وقعدت تتكلم معاها، في شنو يزعل هسا
*انا ما بحب همسة
_دا هسا تقصد
*هسا وزمان، انا ما حبيت غير وجن بت عمتي فاطمة اظن ح تكوني سمعتي بالقصة دي من ناس البيت، بعد اتوفيت مريت بحالة صعبة وقبلها كان امي، سافرت للعلاج، جيت احسن من اول، بعد جيت كل البنات ال عرفتهم كانوا تجارب بس محاولة في الحب، بس ما قدرت احب اي وحدة فيهم، لقيت نفسي قاعد العب سااي
"كان بقول في كلامو دا، وهو متجه مستقيم ما عاين لي حتى"
وهمسة دي كان آخر وحدة عندي علاقة معاها، هي وحدة أنانية ومغرورة، كان عايز قروش الزين ما عايزني انا
_ايوا عشان كدة يوم عرسها، شربت وجيت الصالة عشان تشوفها
كان يوم اسود "قلت كدة طوالي بقى يعاين لي، قبلت على الشباك وماسكة دموعي ب العافية"
_لو خلصت كلامك عايزة ارجع البيت انا
"دور العربية، وبقينا ساكتين وصلنا البيت نزلت هو ما نزل طوالي اتحرك هو "
___________________
"في شقة أحمد"
=انا لو ابوها يقولوا لينا عقد ما خطوبة يكون ما قصر معانا
_مستعجل قلت لي
=اي والله، الحب حلو والله يا أحمد
_كلام والله... أشهد يا تاريخ مصطفى بقى يقول كلام زي دا
" مروان جا داخل"
_كويس جيت يا مروان تعال تعال اسمع ود عمتك بقى يقول شنو؟
=انا خليني يا أحمد اسأل مروان كان وين من قبيل؟
_كان وين؟
=ما قلت لك من العصر قبيل طلع هو وهُيام، غداء وحركات شكلهم رجعوا يدوب
_في حاجات جديدة حاصلة واحنا ما عارفين يا صفف
"مروان كان سرحان وقاعد في الكنبة"
=دا مالو مروان!!!!
* اي
=سرحان وين من قبيل نتكلم معاك
*حصلت حاجة كدة الليله وقت طلعت مع هُيام
=حصل شنو
*لقيت همسة..
اخر شي نزلتها وجيت عليكم
_وانت متضايق عشان لقيت همسة؟
*همسة شنو عليك، انا متضايق لأن حاسي هُيام زعلت من حركتي
=مش قالت لك ما زعلانه
*قالت بس شكلها بقول غير كده
_والله يا مروان، انا لو محلها ح أزعل، تلقى حبيبتك القديمة وتتكلم كده جمبها، وتاني تقول ليها ان بتحب وجن، في النهاية هي قدام الناس مرتك
*دا لو هي بتحبني؟
=حتى ول لا، في النهايه منظرها قدام الناس، بعدين احتمال بتحبك، زي ما انت بتحبها؟
*أحبها، مصطفى انت اي حاجة بقيت تقول حب الأيام دي
=مروان ما تكضب، انت بتحب هُيام، ما تهرب وجن ماضي هُيام هي الحاضر، خليك عارف الحته دي
يااخ انت ما شوفت شكلك وقت جيت داخل وبتفكر ان هي زعلانة، ما شوفت قبيل وقت طالعين كنت مبسوط كيف انا بعرفك يا ود خالي،
ما شوفت نظراتك ليها بتكون كيف
"في جانب هُيام"
"رجعت البيت لقيتهم في الصالة سلمت عليهم وطلعت الغرفة، بيني وبين نفسي بقول انتي هسا مالك زعلانة، انتي غلطانة كيف تخلي قلبك يسرح معاه كده، هو الليلة قال لك بحب وجن، يعني انتي بعد الولادة ماعندك مكان في حياتو باز کردن / نظر دهید

2022-08-29 23:36:02 _امين
"مروان جا، سلم عليها وسلمت عليه"
=مبروك يا مروان، طلع صح اتزوجت هُيام
*الله يبارك فيك
=عارف لمن قالوا لي عرسك والعروس هُيام ما صدقت ان تكون هُيام دي الا لمن شوفت الصور، اتخيل بعد الصور دي قلت احتمال شبه ساي بس طلعت حقيقه
*اي حقيقة "مروان كان واقف بسمع فيها وجادي في ملامحو وبقول رد بس وهي بتكلم معاهو زي انا ما واقفة، بقيت مقابله على مروان" باز کردن / نظر دهید

2022-08-29 23:36:02 "يوم الجمعة"
-اهاا نمشي يوم الأحد ل ابوها عشان يوم الجمعة خطوبه عديل تكون،قلت ليها؟
*اي قالت لي كويس ابوها قال
_الف مبروووك يا مصطفى
*الله يبارك فيك يا هُيام
-قلت ل أعمامك يا مصطفى عشان يجوا
*اي قالوا كويس.
-الحمد لله، ربنا يتم لك على خير يامصطفي يا ولدي
*آمين يا خالي
=ربنا يخليكم ل بعض وتكون سندو دايما يا احمد يا اخوي
-مصطفى بقى هو السند لي، ما أنا يا فاطمة "عم احمد بقى يحضن في مصطفى لمن بقى يبكي عم احمد، وعمتي فاطمة قامت كمان عليهم، حقيقي منظرهم كان حلو، عم احمد زي ابوهو ما خالو"
=كفايه بكاء خلاص، عندنا عرس احنا
-دي دموع الفرحة يا فاطمة.
= اي دموع فرح تاني بس
-اي، يلا اكل وين
=دقايق ويجهز
_دقيقه امشي معاك يا عمتي
=خليك ما يحتاج، اصلا جاهز هو، بس اطلعي نادي على مروة
_حاضر
" طلعت ل مروة الغرفة لقيتها تتكلم بالتلفون قلت ليها
خلط تقيل... يلا يلاا الاكل
-بسم الله، طيب حاضر نازلة
" قفلت الباب ومشيت الغرفة حقتي عايزه اشيل التلفون، شوية والباب فتح كان مروان "
_بسم الله جيت متين، هسا عايز اضرب لك اشوفك وين
*قبل شوية" مشا وقعد في الكنبة"
_طيب انزل الاكل جاهز
*لا ما عايز
_اعمل لك قهوة؟
* لا،ما عايز
_مالك في حاجة؟! "قعدت جمبو في الكنبة "
*كنت عايز اقول لك ممكن نطلع اعزمك غدا؟
_هسا يعني؟
*اي، انا جيت اصلا سريع قلت قبل تأكلي
_انا ما عندي مشكلة بس عمتي فاطمة وعم أحمد منتظرين تحت، ما ظريفه
*لو موافقه، خليك انا بقول ليهم طالعين
_موافقة خلاص
*يلا اجهزي وانا بنزل اقول ليهم
" مروان نزل يقول ليهم طالعين عشان ما ينتظروا اجي اكل...
بقيت قاعده اختار البس شنو قلت توب تاني قلت لا لا، احسن فستان، فالنهاية اختارت فستان فيهو ورد بالأبيض والكحلي والوردي، وطرحة وشنط بيضاء وشبط وردي، عملت مكياج خفيف نهاري، عايزه افتح الباب كده مروان جا داخل بقى بعاين لي مسافة لمن اتوترت"
_ااا كنت نازلة جاهزه خلاص
*تمام طيب، دقيقه اجيب مفتاح العربية في الكنبة
" نزلت تحت مروة قعدت تشاغل فيني "
-رهيييب الفستان وحلاااتي البطن الظاهره دي كمان
انتي زاااتك رهيبة طالعة، تعالى يا مجرمة تقولي لي انزلي الغدا وانتي طالعه، حق الزول يقول ماشي معاك
_تعالى طوالي
-مروان يوريني ليهو
_انتي ما تمشي تأكلي بدل كلامك دا
-أكلنا يختي، وابوي وعمتي ومصطفى في الحديقه يشربوا الشاي
_كضابه والله
"مروان جا نازل" يلا يا هُيام وانتي يا بت مروة امشي اقري
-طيب طيب أيامكم والله
"طلعنا بقيت ماشه مع مروان، بحاول اتغطي من ناس عمتي لمن وصلنا العربية مروان رفع يدو يقولوا ليهم مع السلامة، ركبت العربية ومروان لاحظ لي متوتره من حركة يدي
مالك يا هُيام
_لا مافي حاجة
*متأكدة، بس يدك عندها رأي تاني
_كنت خجلانة شوية من ناس عمتي
*عشان كدة كنت بتغطي منهم
"نططت عيوني" هو كان ظاهر
*اي اي
_الليلة
*ما ظاهر، بهظر بهظر، بعدين عادي مافيها حاجة
"وصلنا المطعم كان هادي مافيه زحمة، حتى الديكور حقو زاتو كان مريح ل العين، طلبنا الأكل"
_شكرآ على العزومة
*عفواً، دا أقل واجب، عارف نفسي مقصر معاك ف دي أقل حاجة
شكرا لك انتي
_انا على شنو
*على وجودك في حياتي، وعلى الطفل حقنا، على تعاملك معاي حتى لمن كنت بساهر ويوم جيت سكران ابوي ما اتعامل معاي زي تعاملك، شكرا لانك واثقة أن انا ممكن اتغير "قرب يدو ومسك يدي عايز يبوسها كدة، الوتير جا يرفع الصحون، طوالي زحت يدي"
_ماشه الحمام انا "طلعت مشيت الحمام وجيت"
*طلبت لك ايسكريم عندهم ايسكريم رهيب
_نجرب "بقينا ساكتين الاتنين"
*مبرووك ل صحبتك كمان
_الله يبارك فيك
*شوفي سبحان الله احتمال ربنا عمل قصتنا دي عشان مصطفى وشهد يتعرفوا على بعض
_اي سبحان الله
*وعشان نتقابل انا وانتي كمان "بقى يعاين لي نزلت عيوني طوالي وبقيت اكل في الايسكريم"
_حلووو شديد
*اي قلت لك" قعدنا اتونسنا بحب يأكل شنو ويطلع وين ونفسو يسافر وين، وبقي يسأل فيني انا كمان شوية والوتير جا قال
ممكن تطلعوا برا في القعده، لأن الصالة فيها تجهيزات عيد ميلاد
طلعنا وكان في جلسة عرب وفي طاولات"
*تحبي نقعد في الجلسة ول في الطاولات
_احسن الطاولة، الجلسة دي ما بقدر اقوم تاني
*طيب
_الجو حلو هنا كمان احسن من المكيف
*اي، اطلب لك حاجة
_ممكن موية بس
*شكلهم مشغولين ب التجهيزات الا امشي اشيل " مروان مشا يجيب الموية، شوية وسمعت صوت بت بتقول لي هُيام رفعت راسي لقيتها همسة، قمت سلمت عليها"
_ازيك
=الحمد لله بخير، مبروك كمان قالوا لي اتزوجت
_الله يبارك فيك
=شهد كيف
_كويسة و الله
=ما شاء الله حامل ربنا يحلك بالسلامة باز کردن / نظر دهید

2022-08-29 23:36:01 #ذات لحظة
إبتهال حسن
حلقة "20"
__________________
=انا ما عايزه حب وكلام فاضي زي دا
_ليه، اكيد في سبب، مثلا حاسه ح يضيع لك وقتك وقرايتك، لو كده انتي هسا قلت هو قاعد يقرأ معاك ويساعدك، واكيد هو كمان عايز يقرأ لو من الناحيه دي شايفه ان ما سبب رفض ل الموضوع
=لا.. ما كده
_طيب شنو، قولي
=بصراحة انا قاعده اخاف الحاجات القاعد يعملها مروان طلع فيني انا، اكيد مروان في علاقات كان القديمه دي كسر قلب وحده
_ما تفكري كده، دا عدم إيمان منك بس، مروان ربنا يهديه، ربنا كريم علينا ما قاعد يحاسب زول ب عمايل زول
هو انتي بتحبي الود؟!
=ما عارفه، بس شكلو.
_شكلو مستهبلة انتي والله، شوفي الود دا محترم على حسب كلامك عنو، المهم انتي شوفي هو عايز العلاقه دي ل قدام... ما تسأليهو طوالي كده، بطريقه ما مباشرة
=طيب
_يلا تصبحي على خير، لأن أنا انوم لك هنا.
"طلعت عايزه اطلع مروه قالت "
=هُيام
_اي
=شكرآ، كنت محتاجة اتكلم والله
_عفواً، في أي وقت انا موجوده تعالى
"مر اسبوعين، خلال الأسبوعين ديل كنت بمشي ل امي ومروان لمن يجي من الشغل يجي يسوقني، امي بقيت كويسة ومنتظمة في العلاجات"
"بيت أهل هُيام"
_شهد قالت لي بتجي تسلم عليك الليلة" الباب خبط"
شكلها جات، امشي افتح ليها
=السلام عليكم
_وعليكم السلام، بت حلال هسا بقول ل امي شهد جايه تسلم عليك،تعالي ادخلي
=خالتو سوسن، اها بقيتي كيف
-الحمد لله احسن كتير، انتي كيف وأهلك كيف؟!
=كلنا كويسين الحمد لله
- عن اذنك يا شهد  ماشه ل جيران هنا عندهم وفاة
=اتفضلي يا خالتو اذنك معاك بعد امي طلعت.
_تعالى الغرفة
=هُيام ما شاء الله بطنك ظهرت، الدكتور لسه ما قال لك ولد ول بت
_لسه مفروض الشهر دا عندنا مقابلة.
=كويس، اها مروان كيف معاك
_كويس والله
=كويس والله ف عينك قول لي ب التفاصيل، ما الا أسألك انا
_خلاص كويس والله، اتغير بالجد، بقى قاعد يرجع البيت بدري، ومن البيت ل الشغل، حتى ابوهو مبسوط من التغيير دا، أمي كمان مبسوطة  من ايام المستشفى، بقيت تقول ليهو ولدي، قالت لي الود كويس ما كعب.
=اها وانتي؟
_انا شنو
=مبسوطة ول لا؟!
_ما عارفه، إحساس قلبك يقول ليك اي وعقلك يقول لا ما ينفع
أنا لمن هسا ما عارفه احساسي دا حب ول لا، انا الاحساس دا كنت قاعده افتش فيهو لمن كنت مع خالد
=مطمئنة معاهو؟!
_جدآ، بالرغم في الأول كنت بخاف، وبخاف شديد، عارفه بقيت قاعده اشتقت ليهو كتير ، بقيت انتظر يوم الجمعة يجي عشان نقعد مع بعض شويه لأن باقي الأسبوع كل بكون مشغول.
"بقيت اضحك"
=مالك؟!
_ح تقولي على مجنونه، بس عارفه لمن ينوم في الغرفه التانيه بمشي بعاين ليهو وهو نايم
الأحاسيس كلها بقيت عكس بعض، الخوف بقى أمان، وعدم شوفتو بقى شوق ليهو
=دا حب على فكرة
_بس قلبي يقول اي وعقلي يقول لا، يقول لي إحتمال ما عندو مشاعر اتجاهك، وما تنسي هو عمل شنو زمان...
=اسمعي كلام قلبك وما تفكري يا هُيام... هو انتي سامحته؟
_ما عارفه احدد إذا اي ولا.
خليك انتي مني، اها انتي اخبارك شنو مع مصطفى؟
=الجمعه الجايه ان شاء الله يجي يطلب يدي من ابوي
_يخس عليك، عندك خبر حلوو زي دا وساكته الف مبروووك حبيبي، ربنا يتم لك على خير"قمت حضنتها"
=الله يبارك فيك
_اهاا شعورك شنو؟
=مبسووطة و خائفة
_ليه؟
=خائفه يكون انبهار بدايات وأول ما يحصل على، ينزل القناع ويطلع زي ابوي، يضرب وقت متعصب ويخون ويرجع يقول آسف كانت نزوة
_شهد حبيبتي ما تحكمي على علاقتك ب مصطفى ب علاقة ابوك وامك أو أي علاقة تانية
=ما بقدر، اصلا كنت بهرب من خطوة يجي ل ابوي دي، لكن هو بقى مصير
_ما عشان ود أصول، وعايزك بالجد،انبسطي وما تفكري ف الكلام دا..
وزي ما قلت ما تحكمي على علاقتك ب علاقات ناس تانيه اي زول عندو ظروف، يعني مثلا هسا لو سألتي زول متزوج العرس كيف، ممكن يكون ما مبسوط في حياتو ويقول لك ما حلو وما تعرسو، تجي تسألي زول تاني مبسوط وراضي يقول لك حلو وعرسو يخووانا،كده احنا ح نسمع ل منو فيهم.
احنا لو قعدنا نحكم على علاقاتنا ب تجارب ناس تانية كده ما ح نعيش تجربتنا واحنا مرتاحين ومبسوطين،عيشي تجربتك براك من غير مقارنه مع تجربه زول ومن غير ما تسمعي ل زول .
وبعدين والله العظيم، مش مصطفى دا قاعد معانا في البيت الفتره دي كلها ما سمعت منو حاجة او زول قال إن عمل حاجة، امو دي في عيونو، خالو كمان مبسوط منو ، ف حقيقي هو ولد مهذب ومحترم.
في زول فيهو المواصفات دي ما تخافي وخليك مطمئنة.
=ان شاء الله ان شاء الله.
"شهد قعدت معانا لمن العصر طلعت، مروان جا المغرب دخل سلم على امي وطلعنا طوالي"
______________ باز کردن / نظر دهید

2022-08-27 18:32:51 _ادخل
*السلام عليكم
_وعليكم السلام" قمت قعدت "
*كيف وخالتو كيف خليتها
_كويسة تسلم عليك... جعان اجهز لك اكل
الله يسلمها ، لالا عايز انوم بس تعبان ..." دخل الحمام وطلع شال مخدة وقال لي "
*محمد شكلو قاعد مع أهل امو كم يوم، ح امشي انوم في غرفتو الليله
_ليه؟! "من غير ما أشعر قلت ليهو"
ااا اقصد يعني خليك هنا لو عشان السرير ممكن ترقد وانا بنوم في الكنبة
*لا لا الكنبة ما كويسة لك خليك انتي ... يلا تصبحي على خير
_طيبب وانت من اهلو
____________
"في غرفة مروة، كان بتكلم بالتلفون"
=احنا اتكلمنا في الموضوع دا قبل كدة
وانا قلت كلامي وخلاص.
أنا ما عايزه اخسر صداقتنا عشان الحب
لا خلينا كدة... دقيقه ما سامعه
-----
"بعد مروان ،ما جاني نوم أو اتعودت على أن لمن يجي من الشغل نقعد نتونس معانا امي...
بقيت قاعده قريب نص ساعه، قلت انزل الحديقه شوية طيب، غرفة محمد دي قريبة ل السلم، حاجة قالت لي افتح الباب واشوف مروان نايم ول لسه صاحي، فتحت الباب براحة لقيتو في سابعة نومة، كان ظاهر عليه تعبان، بقيت واقفه اعاين ليهو، شويه واسمع صوت"
=قبضتك، قاعده تعاين ل مروان وهو نايم
_الله يجازيك يا مروة قلبي طار من مكانو...
=ما تهربي من السؤال يا زولة بتعاين ل مروان!!
_يا لله انا من البت دي، عايزه اشوف نام ولا، وبعدين من القال لك دا مروان؟
=يعني ح يكون محمد، بعدين شوفت انا لمن كان داخل الغرفه قلت تكون متشاكلين...
_لا والله، تعبان قال عايز ينوم في السرير
=يخس عليك، هو كان بنوم في الأرض ول شنو؟
_خلي التحقيق هسا انتي جايه من وين، كنت خالطة في الحديقه صح؟!
=لا والله
_ياااخ، معاك تلفونك وجايه من تحت ح تكوني بتعملي شنو...
ايوااا اتذكرت اليوم داك ما حكيت لي ب المتصل كان
=والله واحد صاحبي
_صاحبي! متأكدة انتي '' رفعت ليها حاجبي''
=خلااص خلااص، بكرة احكي لك
"وعايزة تمشي مسكتها من يدها"
_هسا دي، اصلا ما جاني نوم...
=طيب يلا غرفتي
_
_يلااا احكي....
=قبل احكي، انا بعتذر عن المره الفات لو كلامي جرحك...
_تعتذري شنو يا بتي، انتي اختي وانا ما زعلت
=قبل احكي ممكن اقول حاجة بخصوصك تاني
_اتفضلي
=مروان كويس معاك؟!
_ اي، عادي يعني
= الحمد لله، عايزك تعرفي ان مروان اخوي مسكين، وحنين، ما كعب والله، بس زي ما قلت لك الظروف جات عليه شديد، وابوي بضغط عليه كمان... هسا شايفه ان بقى يبقى احسن ف رجاء خاص خليك معاهو...
_"بقيت ساكته مسافه وقلت ليها "كويسة
=دقيقه اجيب عصير.
" مروه نزلت جابت عصير وجات وبقيت تحكي لي "
=ما عارفه ابدا القصه من وين؟!
_ما مهم، هو مؤتمر يا بت خليك على راحتك وقولي سااي
=طيب هو معاي في الجامعه
_حلوو اهاا
=شوفي ابدا الكلام من البدايه انا، والله يا هُيام انا ماعندي في كلام الحب، همي كلو قرايتي، واتخرج وابقى دكتورة، حتى زاتو ما عندي أصحاب اولاد، اصلا من ما دخلت الجامعه انا قررت كده... المهم وانا في تانية كان عندنا سمنار، المجموعه حقتي كان معاي ولد، كنا انا وهو اكتر اتنين شغالين في السمنار، لدرجة الزمن ال بين المحاضرات كنا بنكون شغالين، و بليل في الواتس، ومرة ومرة مكالمه، المهم السمنار خلص واخدنا درجات حلووه، انا خلاص قلت الموضوع قفل على كدة، بس هو بالنسبه ليهو كان لسه... بقي يجي يقعد معاي، اقول ليهو ماشه المكتبه يمشي هو كمان يقرأ معاي، بليل يدردش معاي يعمل نفسو عايزه يسألني، لمن جات فترة الامتحانات، كنا بنقرأ سوا هو ما قصر معاي والله كان بشرح لي مرات...
الاجازه جات وبقي متواصل معاي وبقينا أصحاب شديد، حتى نزل معاي في المستشفى، ولمن هسا مع بعض
_طيب حلو المشكله وين
=المشكله ان قبل سنه قال لي بحبك، وانا قلت ليهو ما عايزه علاقه حب انا، وكده ح اخسر صداقتنا، هسا فتح الموضوع تاني وانا زعلت منو
_ليه كده يا مروة؟!
= ما ينفع احسن نكون اصحاب
_ليه؟! ، مش هو ولد كويس ومهذب ومحترم معاك
=اي
_طيب ليه، ول انتي عندك مشكله مع العلاقه حقت الحب عموما!!!
=اي... باز کردن / نظر دهید

2022-08-27 18:32:50 #ذات لحظة
إبتهال حسن
حلقة "19"
_______________
' في العربية كنا رجعنا على البيت، مروان بتكلم مع عمتو'
*اي والله يا عمتي...
هُيام دي تلفونها قفل شحن...
والله وصلنا احنا زاتو البيت، الا كان تجوا البيت..
طيب الله يسلمك "بعد قفل "
عمتي تسلم عليكم،كان جايه على المستشفى، بتجي عليكم في البيت قالت...
_الله يسلمها
=والله يا هُيام يا بتي انتي كان ترجعي بيتك، انا كويسه ما عندي عوجه، لو على ب ليل بخلي وحدة من البنات تجي..
_ليه يا امي انا قاعده البنات يجوا...
=ما عشان مروان والتعب وانتي كمان الحمل
*تعبك راحة يا خالة، احنا قاعدين الغربا يجوا ليه
_____
"في بيت الزين"
=مروان قال طلعوا... اهاا امشي انا ول انتظري لمن المسا تجي انت
_انا بجي العصر كده، ما تمشي خلي نمشي سوا
=طيب، بس ما تتأخر يا احمد
_لا، إن شاء الله بجي بدري
______________
"مروان طلع جاب حاجات ل البيت، ما شاء الله الجيران يدخلوا ويمرقوا، لمن العصر كده عمتي فاطمة وعم أحمد كمان جوا، قعدوا معانا لمن العشا وطلعوا"
=خلاص يا هُيام، امشي نومي يا بتي من قبيل انتي واقفة، الوقفة زاتو ما كويسه لك.
_اي خلاص ما عندي حاجة، عايزه استحم بس
=مروان وين نام؟!
_اي، رقد في الحوش
=ليه يا بتي، الود يكون متعود على النوم في الغرف، كان تخليهو ينوم في الغرفه
_براهو قال لي بنوم في الحوش، قلت ليهو ينوم في غرفتي اصلا ح انوم معاك، قال لي لا عايز ينوم في الحوش الجو سمح
=كان كدة كويس طيب.
____________
"قعدت اسبوعين مع امي، مروان كان قاعد معانا، يطلع الصباح الشغل ويجي زي العصر يقعد يتونس مع امي، ونتغدا ونعمل قهوة، العشا بكون نام خلاص... في الفترة دي أمي نظرتها ل مروان اتغيرت كبر في نظرها شديد ب تصرفاتو معاها، بقيت تقول ليهو ولدي.. انبسطت بالتغيير حق مروان بقي يمشي الشغل كل يوم، ومنظم يومو "
____
'المسا'
_عايز حاجة تاني
*لا... ااا نسيت الصباح ح اطلع بدري انا ماشي المصنع، الشبكة ح تكون كعبه هناك، عشان لو اتصلتي علي مش بكره قلت نرجع البيت
_اي
*خلاص عموما كده لمن مواعيد كل يوم لو ما جيت اركبي ترحال،
كمان لو بنتظري لمن المسا نرجع سوا ما مشكله
_ح انتظر...يلا تصبح على خير
*تمام...وانتي من اهلو
__________________
"تاني يوم العصر"
'عمتي فاطمة ومروه كانوا معانا "
-والله يا هُيام البيت من غيرك مسيخ، فقد عظيم لك يااخ
_ما تفقدي عزيز يا مروة، اهاا الليله راجعة
-عليك لله
_اي،يلا تعالى نطلع العصير دا
_اتفضلي يا عمتي
=يزيد فضلك يا بتي ، عااد اتعودت عليك في البيت، البيت بقى لي مسيخ النهار كل قاعده زي المجنونه، مره في التلفزيون ومره التلفون، النهار زاتو بقى لي طويل..
__________________
"في جانب شهد"
"شهد كان شغاله في ترتيبات صالة، مصطفى جا"
=يا عمرو خلي الاضاءة هسا، وامشي شوف لي موضوع الورد دا
_هو لمن تكوني شهد في محتاجين ورد ليه تاني "شهد قبلت لقيت مصطفى واقف وراها"
=عرفت انا هنا من وين، وجيت متين
_مشيت المكتب قالوا لي شغاله في الصالة، جيت يدوب
لسه باقي لك كتير؟؟
=لا خلاص خلصت منتظرة الشباب بس ، تعال نقعد في التربيزة دي
اها انت كيف، الليله ما عندك شغل ول شنو
_عندي بس قلت اجي اشوفك واتكلم معاك في موضوع
=موضوع شنو خير
_انا من متين بقول لك عايز اجي أتقدم لك، وأنتي بتهربي من الموضوع
=ما قاعده اهرب، انا ما عايزة نستعجل بس
_انا لو مستعجل ف عشان بحبك يا شهد...
=الحب ما اول سبب عشان نتزوج، في حاجات تانيه مهمه
_شهد انتي ما موافقة على علاقتنا؟!
=لا ما كدة
_طيب شنو
=عايزه نأخد وقتنا...
_أنا ما قلت عرس طوالي، خطوبة طيب، ما صح اجي كل مره ونطلع من غير ما تكون في حاجة رسمي صح؟
=صح
_خلاص قولي ل ابوك عايز اجي أتقدم لك
=طيب "بإبتسامة مجاملة"
____________
"في بيت أهل هُيام"
=اي يا احمد.... اي مع ناس هُيام...
قال كدة.. خلاص طيب بقول ليها...
مع السلامة..."بعد قفلت"
=دا عمك أحمد قال لي اقول لك مروان ح يتأخر، اطلعي معانا بدل تمشي ب ترحال...
"استغربت من كلام مروان، امبارح آخر كلام قلت ح انتظر ونرجع سوا... اتحركنا على البيت بعد المغرب، وصلنا طلعت الغرفة رتبت هدومي، وقعدت معاهم تحت شويه، عم احمد ومصطفى جاؤوا ومروان ما كان معاهم، عايزه اسأل تاني سكت، لمن العشا جهز واكلنا... شوية ومصطفى طلع غرفتو وعم أحمد كمان ، قعدت شويه مع عمتي فاطمة هي كمان ظاهرة عليها نعسانه قلت ليها تطلع غرفتها وطلعت انا الغرفة.. لمن الساعه عشرة الا ما جا، انا مرة اقعد في السرير ومره في الكنبة ومره اشوف ب البلكونة.... تاني بقيت اقول احتمال رجع لي السهر، بس هو قال لي ح اتغير، وفعلا اتغير.... يا بت الحركات دي احتمال قدام أمي كان عشان كده، لمن تعبت رقدت في السرير، شوية والباب خبط " باز کردن / نظر دهید

2022-08-27 00:34:50 ​ تنبية :- - الفهرس مڪتمل . - الفهرس بتجدد بعد ڪل 5 روايات. و شڪراً لإنتظارڪم الطويل.. لو في ملاحظات عن الفهرس ( ما واضح لبعضڪم ، جزء منڪم ماقادر يوصل لرواية معينة أو رواية ما موجودة ) نبهوني وجل من لا يخطيء ... • للڪتاب و الراغبين في نشر أعمالهم :… باز کردن / نظر دهید

2022-08-25 23:50:25 =يلا نمشي احنا بعد دا، والف سلامة عليك تاني ياسوسن...
-الله يسلمك..
"طلعت معاهم برا الغرفة، مروان ومصطفى كان واقفين برا"
=مروان قاعد انت؟!
*اي يا ابوي..
=خلاص عايزين حاجة من البيت؟!
*لا، لو محتاجين بضرب ليكم....
=يلا مع السلامة الف سلامة عليها مرة تانية يا هُيام
_الله يسلمك... "بعد طلعوا"
كان تمشي معاهم، اصلا مسموح ل مرافق واحد
*بقعد في العربية، عشان لو عايزين حاجة اكون قريب...
_طيب... خلاص امشي الغرفة انا ل أمي....
*طيب، تصبحي ع خير..
_وانت من اهلو.
"دخلت الغرفة لقيت امي صاحية..."
-طلعوا خلاص نسابتك
_اي... مروان قاعد لاكن
-قاعد وين؟!
_في العربية قال عشان لو عايزين حاجة
-كتر خير والله ما قصر...
_اي
"قعدت اتونست مع امي، لمن نامت، ما جاني نوم انا ، طلعت برا المستشفى، لقيت مروان طالع من العربية وجا على "
*مالك محتاجة حاجة
_لا، بس ما جاني نوم قلت اطلع اشوم هوا شويه، ما بحب جو المستشفيات دا..
*تعالى طيب نقعد في العربية..
_لا عايزه هوا طبيعي...
*طيب تعالي نقعد هنا "كان في زي كم كراسي كده قعدنا فيهم"
اجيب لك حاجة من البقالة..
_لا، شكرآ... "بقيت ساكتة وهو ساكت، شوية وقال لي
*انتي كويسه؟!
_اي" استغربت من سؤال مروان، اصلا عايزة امسك دموعي بالعافية،شوية ورفعت رأسي عشان دموعي ما تنزل قال لي
*خليها تنزل ليه... انتي ماكويسة يا هُيام
_اصلا ما كويسة" وطوالي قعدت ابكي" خائفة شديد على امي،لو كان حصل ليها حاجة ما كنت ح اسامح نفسي... انا أهملت أمي الفترة الأخيرة...
انت ما عارف امي دي تعبت عشاني انا ويوسف قدر شنو، بعد ابوي مات الدنيا كلها جات عليها حتى اعمامي الاحنا عيالهم... اي واحد فيهم كان بفكر ل مصلحتو، هي تعبت شديد...ااا
لمن البنات اتصلوا لي ما حسيت بنفسي الا وانا في السلم... كنت خائفه تمشي زي ابوووي... "بقيت ابكي زيادة، حسيت ب يدي مروان في يدي ويطبطب عليها وقال لي
*عارف احساسك انا، ما تقلقي الدكتور قال ح تكون كويسة وبكره الصباح نطلع...
_ان شاء الله
*المرض إبتلاء وكفارة ل الذنوب، ربنا بحبها
_ونعمه ب لله...
*عارفة بختها عندها بت زيك وبتفكر فيها كدة... ربنا يحفظها لك ان شاء الله ويطول في عمرها... "لمن قال كده ابتسمت"
آمين... "زحيت يدي من يد مروان ، عشان امسح دموعي، زح يدو وقال لي"
*آسف... ااا
اقوم اجيب لك موية
"جاب لي موية ومنديل"
_شكرآ
*عفوا
_ادخل انا بعد دا الساعه ماشه على تلاته...
*اي، ادخلي...
_مروان، ممكن بعد نطلع اقعد كم يوم مع امي؟!
*ممكن اكيد...يلا امشي النوم بعد دا
_انت كمان نوم من قبيل قاعد... تصبح على خير
*وانتي من اهلو
"مروان بعاين ل هُيام لمن دخلت المستشفى، بقى يتكلم مع نفسو
'شنو يا مروان مالك قبيل ما قادر تمسك نفسك لمن شوفتها بتبكي، كان في داعي تمسك يديها، لو عليك كان عايز تاخدها في حضنك صح... خائف عليها وعايز تشيل الحزن منها!! ....دا كل ليه.. اوووعك تفكر تقول حب!! ،احتمال بس عشان اول مرة تتكلم عن حياتها قدامك واحتمال عشان انت كمان عارف احساس فقد الأم ' " باز کردن / نظر دهید