حجي شعواط

2021-06-19 16:54:22 شلونهم العزاز

اليوم اني ورفيچي حجي دولاب
قررنا نروح للزوراء نتونس وهم نشوف
نعمة الله يكلك هناك مطشرة

وهناك لكينة الناس ملتمة
يابة شكو ، شصاير


كالو المطي طالع من القفص ورايح
يم النمر .... باز کردن / نظر دهید

2021-06-18 13:49:31 الله بالخير ولدي
اليوم الضحى اجانه صويحبي حجي دولاب ابو مشيرق يشرب جاي

هذا الرجال يا جماعة خلص عمره باللواته والسرسرة وانه كلبي خلصان من سوالفه

المهم راد يسترجع ايام اللواته وطگله سالفة علي ماتنعقل

انه كلش مليت منه
كتله حجي دولاب
انت سامع المثل الي يگول
" من كثر اللواته صاير زوووج "

الستار الله ياعمي من لواته ٢٠٢١ باز کردن / نظر دهید

2021-06-17 19:31:34 هاي ورة ٢٠٠٣
عمكم الحاج شعواط
كال يا الله هسة بعد مايلوحنا ضيم
نحجي براحتنا
ونعيش مثل الاوادم
نعبر عن " ئارائنا "
ب ئريحية وبعد ماكو بعثي يدك بابك


طب ... اجانا ابو هاشم وربعة
بس تنزل منشور
جماعتة : يجونك بالتفگ وين بيش ليش طاطاطا باز کردن / نظر دهید

2021-06-16 18:52:27 والله تعجبني روسيا يااخي .. باز کردن / نظر دهید

2021-06-14 18:16:16 گواهم الله عمي
شلونهم

هاي نصيحة عالسريع
اذا شفت وحده تغمزلك بالسوك
مالك شغل بيها هاي رموشها اصطناعيه
والهوى يحركها
صارت بيه انه عمكم
ونگتلت گتله معدلة
بنص السوك

عمي مرات هواي امور تصادفنا بحياتنا
لازم نتاكد منها قبل لا نتخذ موقف
نشوفها صدك ، يا لا
مقصودة ،مامقصودة
وبكل شي مو بس بالغمزة
بالسياسة وبالاخبار وبالبرامج التلفزيونية
وبالعلاقات والخ.....

والستار الله عمي باز کردن / نظر دهید

2021-06-12 13:27:37 گواهم الله بعد روحي

اليوم ابني عطاب جابلي الموبايل كال
بوية هذا ياهو الشابعينه نعل

اها الستار الله
ولنه يطلع فگرانوس الثاني
بيييك يابوية مية باردة ونزلت على گلبي

هذا الجذاب عمي
ينهان وينضحك عليه باز کردن / نظر دهید

2021-06-11 20:19:20 السلام عليكم العزاز

هذا زلمة خير مخلف 3 زلم
وذول التلاثة اسمهم جويسم
هاي شلون سالفة
المهم مات الخير وبالوصية مالتة كتب الورث
نص لجويسم والنص الثاني لجويسم وجويسم كلشي كلشي لا تطونة

الستار الله عمي هاي شلون تنحل
وياهو الياخذ وياهو الي ماياخذ

المهم راحولهم لواحد كليط يصير صويحبي اسمه حجي كامل
حجولة السالفة كاللهم عمي اريد احجي وياكم كلمن وحدة
يابة خوش
اجه جويسم الاول كالة عمي راح نكتب وصية جديدة ونحفر كبر ابوك ونبصمة , الولد غضب وضاج وكال عمي شني الورث خل يولي

الثاني كلولة عمي نحفر كبر ابوك ضهضب واغتاض وكالهم انعل ابو الورث

الثالث كله نفس الكلام وجان ردة اي نطلع اصبعه ونكطعة ونبصمة ومحد يدري

الشايب كله كوم عمي انت ابن حرام ومايصيرلك الورث

هسة يااولدي الي يقبل باذية العراق والحشد لاجل مادة ومصلحة هذا لا من العراق ولا من الحشد باز کردن / نظر دهید

2021-06-10 18:04:51 ‏وعلي سالفة كلش تحز بالگلب يبويه ، تدرون اليوم رئيس شركة سيمنز الألمانية للكهرباء شگايل ؟!

هاكم هذا نص التصريح

رئيس شركة سيمنز الالمانية للكهرباء :
الولايات المتحدة الأميركية ترفض للمرة الثانية عمل شركة سيمنز لإنهاء أزمة الطاقة الكهربائية في العراق، مؤكد قدرة شركة "سيمنز" على انهاء أزمة الكهرباء في العراق !

والغمان ملتهيه تصيح ايران بره بره ؟!
، هسه انه ما انزه ايران ولا اگول هي مابيها صوچ بس ولكم فتحوا عقولكم ، كافي النواشيط تضحك عليكم وتعربن بيكم ، اعرفوا عدوكم الاول ياهو وفتحوا عيونكم ، انتم الامل بيكم يبعد طوايفي . باز کردن / نظر دهید

2021-06-10 17:01:29 من كل عقلك اصرفلي ٦ الاف على كتابك !!

بويه اروح اكلي بيهن نص نفر كباب واشبع بطني ولا هالخرط هذا ، خاب صگد چذب شمالك . باز کردن / نظر دهید

2021-06-09 18:29:36 الله بالخير بـويـه

چان اكو رجال فقير بمنطقتنا عنده سيارة قديمة يشتغل بيهه تكسي ، وكل عيشته عليه ، ماعنده گراج بالبيت فـ يخليها بالباب ويظل الليل كله گاعد يحرسهها ،

من يطلع الصبح للشغل جماعته السواق يشوفونه نعسان

واحد منهم نصحه يشتري چلب ويربطه يم السيارة حتى يحرسها وهو ينام ويرتاح ،

صاحبنه راح للعرب وأخذ چلب من صديقه وجابه وربطه يم السيارة مالته ، نام الليل وگام كل يوم ينام من وكت ويشبع نوم ،

وره اسبوع گعد الصبح لگه السيارة مالته ماكو ..!!
اتخبل راح اشتكه يم الشرطة ، فـ اجه محقق وياه يعاين مكان الجريمه انتبه المحقق عالچلب وسأل أبو السيارة گاله هذا الچلب مالتك ..؟

گاله اي مالتي ، المحقق گاله انته اللي مربيه من هو صغير ..؟ گاله لا اشتريته من العرب من فلان ،

وره يومين وده عليه المحقق وگاله لگينه سيارتك عند فلان اللي اشتريت منه الچلب ..!!

لأن من اجه يريد يبوگ سيارتك الچلب مانبح عليه لأن هو اللي مربيه فأخذ سيارتك ..!!


رباط السالفه يبعد طوايفي
لاتستغربون من الناشطين وبعض المدونين لمن يسكتون على الانتهاكات الامريكيه والتجاوزات على سيادة بلدنا وشعبنا ، لإن بأختصار ذوله عباره عن " چلاب " مربيتهم امريكا ومستحيل ينبحون عليها .

#حجي_شعواط باز کردن / نظر دهید