ectopic pregnancy
الحمل خارج الرحم
المريضة عمرها ٣٢ سنه اجتي مسويه تحليل حمل طالع ايجابي والرقمي ٣٠٠٠ وتريد سونار حتى تشوف عمر الحمل،
بلسونار طلعت عدنا هاي الصوره الرحم واضح تثخن بلبطانه ووجود سوائل بسيطه بس كيس الحمل ماكو!
اكيد يجي ببالنه حمل خارج الرحم فحولنا الى سونار داخلي وشفنه كيس الحمل واضح خارج الرحم بلجهه اليمنى وداخله كان كيس المحي وعمر الحمل ٥ اسابيع ويومين.
نسبه الحمل خارج الرحم هي ١% يعني كل ١٠٠ حمل جديده وحده من عدهم خارجي وممكن يصير بأي مكان بلبطن بس اكثر شي يصير بلانابيب مال الرحم .
اهم اسبابها الالتهابات المتكرره ، حمل خارجي سابق، التدخين ، عمليات سابقه للانابيب او التلقيح الصناعي
وغيرها من الأسباب.
اهم المشاكل التصير هو انفجار هذا الحمل الخارجي الي يدخل المريضه بصدمه وعائيه تحتاج عمليه طارئة.
