2022-06-17 14:25:48
وينك..
خل آسڪت الوادم الضدي
لاموني عليك، وجيتك ردي
ڪون احضرها من تنطي الوجوه ألوان
من تصيح بيهم ها آنه المهدي
يل المواعدني وآنه إعله الوعد ضليت
حاير والليالي ويـ الهوه تعدي
آتانيك بملامح خاطري المڪسور
واتوجه إعله موگد دمعي البخدي
تبرد فرڪتك وأشعل لوعدك شيب
مجنون بلهفتي وماعرف حدي
خبر جيتك أمر بلغني بي قرآن
موحسبة سوالف لوحلم وردي.
تحت ضل ياسڪف عطرك آتلاڪه ويا؟
آرد اشتم لقائك حتىٰ لو وحدي
اريد أڪعد اڪبالك واحجي ڪلشي
لا.. لوبعض الڪلام ليوصلك ودي
وتجي وعهد الروايات الضعيفة يروح
وتقويم ليقيني بجيتك يبدي
وازخ من عبرة التوبه معين دموع
وأشوفك حد نهاية طاقتي وجهدي
اعله چلمة الذر العهد نفسه وياك
تلڪاني الموالي، المخلص، الجندي
آنتظرتك وأنتظر..
وعيوني وڪت الموت
آنطيهن لواحد ينتظر بعدي..
278 views11:25