روضه حضرت رقیه(ص) @okhshama بارالها بو گجه شامیده نه غوغادی گورسه کیم فکر الیر آیری بیر عاشورادی بو گجه شامیده بیر خرداجا شهزاده ئولوب نوحه خوان زینب اولوب صاحب عزا زهرادی جان ویروب گوشه ویرانه ده اکبر باجیسی هامی آغلیور بوگجه اصغره لای لای دینه نمک مجلس اولوب بو باجی قارداشین آدی دینمین زینبی بو غملی گجه گتدی دله گوردی صبر ایلمک اولماز بو بلا عظمادی آغلیا آغلیا بیردن دیدی آی نازلی بالا گوزون آچ خانم عمون نجه گور تنهادی اوچ یاشین وار هله ئولمک سنه چوخ تئزدی قیزیم بالائولن اولسا اومنم یارالی عموی دیندیر یارالی باشه گوره تک قوری بیر نفسون زینبه بیر دنیادی دور ئوزون چاره ائله قالمیشام آواره بالا بیلمورم هیچ نجه سندن آییرام سجادی نگرانم بو اوچوق یرده امامیمده ئوله ئولوم آثاری یوزونده گوزلیم پیدادی کیم اوپور اللروی سعی ائدور آهسته اوپه علتی وار بو ایشین فکر ائلمه بیجادی چون هله توختامیوب قمچی دگن قولارون عمون ئولسون سانا گلمور یاروین تعدادی اورگیم گلمور ایدم غسلوا غساله خبر قورخورام چون بو ایشین آخری محنت زادی گلسه غساله قیزیم ، قیزلار ایاقدان دوشه جک ولی نیلیم بو عمل حکم حق یکتادی نه بویورموشدی خانم اولدی نمایان اوگجه اورک ایستور دیه بو مطلبی غم افزادی ائله کی گوردیله غساله نی یورقون بالالار بیلدیلر جان ویروب الرده ادب استادی ایاق اوسته چوخی غش ایله دی ،یومدی گوزونی هوشیدن گیتدی خانم فاطمه نون اولادی هر بیر سمته دوشوب ، قالدی جنازه آرادا باتدی گرداب غمه قافله آزادی گلدی غساله غرض غسل ایده شهزاده قیزی ارزشی بو عملین واقفیدی والادی دیلده بیر سوز دیدی اما هامینی یاندردی دیدی الله بو قیزین گوزلری نه زیبادی باخدی حسرتله امامین قانا باتمش گوزونه تاکی اظهار ائلیه سر دلین سالاره آتادان ایستدی رخصت بالانی غسل ائلیه بالانون چونکه کفیلی آتادور همواره او قدر گوزیاشینی توکدی یوزه غساله گلدی معناده امیر شهدا گفتاره بالامی تئز دیدی ، غسل ایت ئوزون ئولدوردی باجیم قویما بوندان چوخ او مظلومه گله آزاره بیر سفارش واریم اما، اونا یاخجی قولاق آس ائت طبابت بو سفارشله دل بیماره چخاداندا بالامین کوینگین آهسته چخاد سعی ائله ویرمه اذیت گورن قولاره @okhshama کانال متن نوحه باسبک سبک بانوای حاج نادر جوادی اردبیلی 2.1K views14:27