بـــــــــــسم الله الــــــرحمن الــــــرحیم السَّلامُ عَلیکِ یا أُمُّ المَصائِبِ یا زَینَب الکبری السلام علیک یا من حفظة بنا حجه رسول الله فی یوم العاشورا @okhshama ای مصیبتلر چکن ام المصائب آدلانان صبر ایدیب اعظم بلایه صبریده تصریع قالان ای شکسته محملین اوستونده بی معجر قالان وی اسیرو مبتلا زینب سلام اولسون سنه (راوی دییر جان ویرور الری اورک باشندا گوزی قالوب کربلا یولوندا رسمیدی هر باجی جان ویرنده آرزو الر قارداشی یانندا اولا ) ئولورم قویما حسین عرشه فغانیم چخسون گل الین قوی یورولان سینمه جانیم چخسون زینبم دربدرم خونجگرم دیده ترم باخورام صاق صولا یول گوزلرم حسرت چکرم گل گوزوم باغلا الیمدن یاپوش ای کان کرم دولانوم باشیوه تا روح و روانیم چخسون (حسین بئله باجی قارداشلخ اولماز) زینبم عشقیمه خاطر منی عالم تاندی ارزل الناس ولی کوفه ده چوخ کم تاندی سوتولن گلدی حسین جان یاخامی غم تاندی ایندی جانیمده گرک درنهانیم چخسون منی پیشوازیمه بیر گون گتیروب اهل غرض ایستیرم رد الیم قالمیا بوینومدا عوض گرچه قویمور ایاق اوسته منی بو ضعف بدن دیمیشم شامیده پیشوازیوه جانیم چخسون کوفه ده قیندی قانیم آتامون خاطرینه یاردم ئوز باشیمی سنن آتامون خاطرینه داش یارون اینجیمیه باش یارانون خاطرینه جان چخنجان دیدیم افصلدی کی قانیم چخسون آرزو باغی پوزولدی گل و گلشن گیتدی زینبی چولره سالدی هامی بیردن گیتدی یدی قارداشه گورلندیم الیمدن گیتدی گوز تیکیم ایندی کیمه درد گرانیم چخسون باجنین وار گوزی همیشه برادرده حسین گوز تیکر قارداشا باجی دوشه هر درده حسین (اولارکی باجیلاری وار یاخشی بوللر، باجینین گوررسن یامان گونی اولار دردین صاحبینه دیمز ، باجینین دردی اولار دردین اولادینه دیمز یامان گونی اولاندا دیر فورا چاغرون قارداشیم گلسون) باجنین وار گوزی همیشه برادرده حسین گوز تیکر قارداشا باجی دوشه هر درده حسین بیر کفنن ساری قالموش گوزوم الرده حسین بو محال امریدی غربتده کسالیم چخسون گل عیادت اله بیر لحظه سوندور باجوی کسیدوم بی کس اولوب ایندی گچیندیر باجوی سون نفسلرده بیر احسان اله دیندیر باجوی آچلوب عقده اورکدن هیجانیم چخسون عجله ویرمه امان ای شه صاحب کرمیم گونی گوندن چوخالور قان اورگیمده ورمیم تریمی سیلسن اورکدن سیلینر دردو غمیم همدم اول تا غم بی حدو کرانیم چخسون زینبیوم سارالمشام سولموشام آغلاماقا بولوت کیمی دولموشام عزتیله گل منی یردن گوتور عزیزیوم گور نجه خار اولموشام (آخی منه دیلر یدی قارداش باجسی حسین یدی قارداشی اولان بئله ئولمز) زینبیوم غم گونون یولداشی آدم اولوب دل ازبری سوز باشی من کی سنه یامان گونده باجیدیم سنده گل اول یامان گونون قارداشی زینبیوم فلک مندن باج آلدی قارداشسیزلیق الیمدن علاج آلدی آیری غملر اینمزدی بئلیمی سن ئولندن زینب اله قوجالدی زینبیوم بخت آیناسین گرد آلوب عبس دگول اورگیمی درد آلوب یدی قارداش بیردن گیتدی الیمدن بیردن گوردوم دوره می نامرد آلوب زینبیوم اوجا داغلار آشموشام رقیوه گینه یاخنلاشومشام ئوزی بولور اوندان اوتور بیرگئجه جان جان دیوب هارالارا قاچمشام زینبیوم فلک قودی من قاچدم ظلم ایوین یخماقا سیل کیمی داشدوم هرقیز ئولدی الده چاره م اولمادی فقط حسین گوز باغلادوم باش آچدوم (گوررسن قیزین هریرده علاجی اوزولسه ننه نی چاغرار اوقدری قارداشی چاغردی آخردا گور نه دیدی) زینبیوم کیمیم سینه داغلاسون ننمه ده گلسون منه آغلاسون گلین گیتدیم گلمدی پا تختیمه گلسون باری گوزلریمی باغلاسون (زینب ایستور گلین گیده زینبی آپارلار عبدالله جعفر ایوینه قاپدان چخاندا گوردولر زینب ئوزون سالدی یارسی یانان قاپنون اوستونه، زینب آخی سن گلین گیدورسن زینب بو نه رفتاریدی الیرسن گوردولر صاقا باخدی صولا باخدی بیردن دیدی چاغرون جوان ئولن ننم گلسین) گوزل ننه جوان ننه ناز ننه گل محمدی ئولدی یاز ننه آنا قیزا خیر دعا ویرمسه منیم کیمی خوش گونی اولماز ننه آی ابوالفضل گل باجیون گویلون آل من دیمورم منن اوتور منله قالخ قولون یوخدی باجیوی دفن ایده سن یاسه گلن قوناقلاری یولا سال (گلیبلر زینبین جنازه سین دوره لیبلر هره بیر نظر ویریر بیری دیر غریب ئولنده الری قالار اورگینین باشندا بیری دیر قارداشسیز باجی ئولنده الری قالار اورگینین باشندا بیری دیر اوغولسوز ننه جان ویرنده حسرتلن جان ویرر امام زمان؛آقا غساله گلدی عمون زینبه غسل ویره الرین کنار الینده گوردی دورت مین اوخلی کوینگی قویوب اورگینین باشنا جان ویروب) من زینبم واریم بیردن یوخ اولدی دل یاراسی منه مثل اوخ اولدی یامان گونون دیلر عمری آزدی منیم اما یامان گونوم چوخ اولدی من زینبم الیم الدن اوزولدی صف عشقه قارداشلاریم دوزولدی اولدوزلار رسمیدور گئجه سوزه لر منیم اولدوزلاریم گونوز سوزولدی @okhshama کانال متن نوحه باسبک بانوای حاج جعفرایمان نژاد اردبیلی 2.9K viewsedited 12:39
