زبانحال و گریز به کوچ از قتلگاه» گل گتیردیم گوزومون یاشینی بازاره حسین/ساتورام سن کیمی بیر خبره خریداره حسین/ جنسینه باخما فقط بیل سنه خاطر توکولور/ ساتمادیم گوز یاشیمی درهم و دیناره حسین/ منده بیر سائیلوم ایله عنایت منه ده/ نوکرون قویما گیده قبره یوزی قاره حسین/ دیورم ئوز قاپوین منده وفالی سگیم / یوخ لیاقت قوشولام صادق عزاداره حسین/ سن اولان یرده برازنده دیور نوکروه/ آبروسی گیده تحقیر اولا اغیاره حسین/ باغلارام قاروی هر ماه محرم باشیما/ توکرم گوزیاشی باران کیمی رخساره حسین/ الغرض بزم عزاده سوزی کوتاه ایدورم/ ایستورم نوحه یازام مجلس اخیاره حسین/ قلمیم الده وظیفم منی مجبور ایلیور/ محنت کرب وبلانی چکم اشعاره حسین/ توکدیلر قانوی ناحق یره اشرار زمان/ کسیلوب دوشدی باشون دست خطاکاره حسین/ آچدیلار غارت الی خیموه غارتگرلر/ قیزلارون چولده پناهنده اولوب خاره حسین/ باشوی نیزیه نصب ایلدیلر لاله کیمی/ چکدیلر غمزده بلبل لری گلزاره حسین/ دوتدیلار شام غریبان سنه غربت زده لر/ زینبون نوحه دیدی عترت اطهاره حسین/ هره بیر نعشه طرف قاچدی وداع ایلمگه/ گلدی زینبده چوخور مقتله دیداره حسین/ @matnenoheh متن نوحه 2.0K views16:20