متن نوحه با سبک

2022-09-19 14:33:08 وداع از کربلا
@okhshama

آیریلور قارداش مزاروندن بلالی زینبون
ایلوری عزم مدینه کربلالی زینبون


ممکونوم اولسا بو قبروندن کناره گئتمرم
تا حیاتیم وار جوار رحمتون ترک ائتمرم
بولموشم گئتسم داخی بیرده وصاله یتمرم
ماجراسیندن اولوب بیر شمّه حالی زینبون


دور ایاقه سال یولا من گئتملی مهمانوام
زینب بخت قرایم دیده سی گریانوام
آیریلیق هنگامدور قارداش حسین قربانوام
آیریلور نسگلّی قبروندن وفالی زینبون


من گلنده سن منه قارداش حسین همراه دون
مایۀ عزّ و وقار و طمطراق و جاه دون
من سنون ساینده بانو ، سن جهانه شاه دون
گئتدی سنله عزّت و جاه و جلالی زینبون


واریدی قارداش گلن وقته مجلّل محملیم
نه ساچیم بیله آغارموش نه بوکولموشدی بئلیم
ایندی نه وار قارداشیم نه بیر قبیلم نه ائلیم
یثربه گئتسون نئجه یاسلی عزالی زینبون


سرو تک قدّیم هانی بس مشک سا باشیم هانی
اکبریم نولموش جوانان بنی هاشم هانی
جعفر و قاسم هانی بس آلتی قارداشیم هانی
اولدی دنیاده عجب باشی قرالی زینبون


قلبیمی بی جا خدنگ حسرتیله دلمرم
تا وارام من بیر دقیقه ناله دن دینجلمرم
بولموشم بیرده مزارون اوسته قارداش گلمرم
حسرتیله جان وئرر قلبی یارالی زینبون


من شرار محنتیله دائماً دل داغلارام
خون دل اشکیم کیمی قارداش عذاره باغلارام
بو یتیمه قزلارون باشه یغوب قان آغلارام
بیرده شاد اولماز حسین غم آشنالی زینبون


زینبه بسدور ئولونجه مایۀ درد و محن
بیر آدون بیرده بو قانلو پاره پاره پیرهن
ایلرم سنسیز برادر یثربی بیت الحزن
ناله دن دویماز بیر آن نی تک نوالی زینبون


امر دنیادن دوشن موقعده «عاصی» مشکله
صدقیله ایله توسّل زینب خونین دِلَه
اسمی بیر حرز مجرّبدور گتور هر آن دیله
قورتارا غمدن سنی تا ذوالجلالی زینبون

مرحوم عاصی تبریزی

@okhshama
کانال متن نوحه باسبک

سبک بانوای کربلایی ناصراسدی اردبیلی
باز کردن / نظر دهید

2022-09-19 08:55:53 قابل توجه عاشقان امام حسین علیه السلام
@okhshama
کانال متن نوحه با سبک باز کردن / نظر دهید

2022-09-18 20:52:24 ‍ امام رضا ع
@okhshama

امدم ای شاه پناهم بده
خط امانی زگناهم بده

ای حرمت ملجا درماندگان
دور مران از در ،راهم بده

ای گل بی خار گلستان عشق
قرب مکانی چو گیاهم بده

لایق وصل تو که من نیستم
اذن به یک لحظه نگاهم بده

ای که حریمت به مثل کهرباست
شوق و سبک خیزی کاهم بده

تا که ز عشق تو گدازم چو شمع
گرمی جان سوز به آهم بده

لشگر شیطان به کمین من است
بی کسم ای شاه پناهم بده

از صف مژگان نگهی کن به من
با نظری ،یار و سپاهم بده

در شب اول که به قبرم نهند
نور بدان شام سیاهم بده

ای که عطا بخش همه عالمی
جمله ی حاجات مرا هم بده
یا علی موسی الرضا
@okhshama
کانال متن نوحه باسبک

بانوای استاد کریمخانی
باز کردن / نظر دهید

2022-09-17 14:26:30 اناجان از اغلا (2)


@aglashma
اوخشاما کانالی باز کردن / نظر دهید

2022-09-17 12:36:11 نوای اربعین
@okhshama

دوباره مرغ روحم، هواي كربلا كرد
دلِ شكسته ام را، اسير و مبتلا كرد

ز سر گذشته اشكم، به لب رسيده جانم
كه هرچه كرده با من، فراقِ كربلا كرد

حسين حسين، حسين جان!...

*به اُم البنين گفتن: خانوم! شما چهارتا بچه هات رو كربلا كشتن، چرا فقط ميگي: حسين حسين! چرا عباس رو صدا نمي زني؟ يه جعفري بگو، يه عوني بگو...گفت: اولاً من اين بچه هارو به دنيا آوُردم كه فدا حسين بشن، بعد هم اينكه من هر چه فكر مي كنم مي بينم بچه هاي من مادر كه دارن، اما حسينِ فاطمه مادر نداره....* 

دست از طلب ندارم، تا كامِ من برآيد
يا تن رسد به جانان، يا جان ز تن برآيد

بر تربتم قدم نِه، بعد از وفات و بنگر
کز آتش فراقت، دود از کفن برآید

حسين حسين، حسين جان!...
@okhshama
کانال متن نوحه باسبک

سبک بانوای گرم حاج حسن خلج
باز کردن / نظر دهید

2022-09-17 12:30:17 اربعین
@okhshama

ای منی درده سالان نعشی قالان بلالی چوللرده
اشکیمی قانه قاتان خسته یاتان یارالی چوللرده
ئوزون مناده حسین
باشون جداده حسین
تفاقیمیز داغیلوب
بو کربلاده حسین
وفالی قارداش اویان
یارالی قارداش اویان



قرخ گوندی باش قاراسی دیل یاراسی سالوب بیزی دیلدن
هر گون هر لحظه هر آن اولدی گران بو قرخ گونی ایلدن
ای شاه تشنه جگر آلما خبر خرابه منزلدن
نه نوعی یاده سالام
سارالدی سولدی لالام
رقیه دن نه دیوم
آجیندان ئولدی بالام
وفالی قارداش اویان
یارالی قارداش اویان



قرخ گوندی دربدرم خونجگرم اسیر عدوانم
قول باغلی شام و سحر دیده سی تر غمونده گریانم
سینان بوداغی گولم
گورونمیوبدی گولم
قوجالموشام منه باخ
او سن گورن دگولم
وفالی قارداش اویان
یارالی قارداش اویان



قرخ گوندی فرصتمیز اولمادی بیز دوتاق سنون یاسون
قارداش یوللاردا سولوب پرپر اولوب نچه گل یاسون
گلمدوز دادیمیزه دادیمیزه نه سن نه عباسون
ئوزون مناده حسین
باشون جداده حسین
تفاقیمیز داغیلوب
بو کربلاده حسین
وفالی قارداش اویان
یارالی قارداش اویان
@okhshama
کانال متن نوحه باسبک

بانوای گرم حاجی نادر جوادی اردبیلی
باز کردن / نظر دهید

2022-09-16 21:18:28 اربعین حسینی برهمه شما سروران گرامی تسلیت باد
@okhshama
کانال متن نوحه باسبک باز کردن / نظر دهید

2022-09-16 19:33:03 ‍ اربعین
@okhshama

بیلورم وجودیوی شامیده
اریدوب محن باجیم آغلاما
هدف ایلیوبدی شماتته
سنی هر گورن باجیم آغلاما


بو بلا چولونده بلا گونی
منیله سن ایلدون اتحاد
ائلدوق دفاع او مرامدن
یخلا ستم قالا عدل و داد
بیزیم اتحاد و مرادیمیز
امویلری ائده نامراد
نه گوزل موفق ائدوب بیزی
حق ذوالمنن باجیم آغلاما


گوز آچاندان اولدوق اسیر غم
فلک اولدی اشکووه مشتری
قطرات اشکیله سن کیمی
کیمون ایسلانوب قره معجری
آنا ماتمینده چوخ آغلادون
شل اولیدی قنفذون اللری
آناسیز قالوب حسنیننه
آنالیق ائدن باجیم آغلام
سن او پاک زاد علویه سن
آتا زینتی یازیلوب آدین
دایانوب رویۀ ظلمیده
ستمون لواسین ایاقلارون
دانشوب آتام کیمی هر زمان
آتا احترامینی ساخلادون
دیلی خوش ادا سوزی آتشین
ئوزی شیرزن باجیم آغلاما


سن آنام کیمی بیر عفیفه سن
یاراشوب لباس حیا سنه
ادب و فصاحت و منطقی
کرم ایلیوبدی خدا سنه
بیلورم اؤرکدن حسینچی سن
اودی چوخ یتوبدی یارا سنه
روشاً علی عملاً حسین
نظراً حسن باجیم آغلاما


گزوب ای دیار بلالری
آتاسز بناتی دولاندیران
یورولان اوشاقلارا جان دیوب
منی نیزه اوسته اوتاندیران
اوتوروب خرابه مکانیده
نبوی چراغنی یاندیران
بالا قزلارون یوزونی اؤپوب
گوزینی سیلن باجیم آغلاما


گلوب ای محرمون اون بیری
بو مکاندا شیون و داد ائدن
یارالی وجودیمی کولگه سیز
گون ائوینده غرقه بخون گورن
منی آرخام اوستونه دوندروب
کسوک حنجریمدن اوپوی گئدن
سینم اوسته توزلی هوروکلرین
آچوب هورمین باجیم آغلاما


اوجا بیر فضاده هما کیمی
سنان ای جفائیله شهپری
یانان آشیانه سی ظلمیله
دولانان ملالیه چوللری
غم غربتیله انیس اولوب
چکیلن طنابه سنق پری
وطنی مدینۀ طیبه
ئوزی بی وطن باجیم آغلاما


هایانا چکوبله قطاریوی
سنه یوز وئروب غم جان گزا
دئمورم رقیه نی نیلدون
نه گلوب چوخ ایستدیگیم قزا
بیلورم ستاره کیمی آخوب
قوشولوب بالام آخان اولدوزا
بیلورم اونا قره معجرین
ائلدون کفن باجیم آغلاما


باجی قلبی رام اولی قارداشون
ائده تکیه سنگ مزارینه
باخوب آلتی گوشه لی قبریمون
نظر ایله شأن و وقارینه
ایکی نور دیده سینی حسین
نجه گور آلوبدی کنارینه
بیر خوش زبانیدی دهریده
بیری دینمین باجیم آغلاما


او زمان که مجلس شربده
منه دگدی چوبۀ خیزران
یارالاندی ذکریلی لبلریم
ستمیله طشته توکولدی قان
قانیمیز بیریدی دوزنمدون
دیل آچوب یزیده دئدون اوتان
هامی یرده واهمه سیز دوروب
سوزینی دیین باجیم آغلاما


یورولان بیلر یورولان غمین
بیلورم یوروبدی بلا سنی
آلشوبدی قلب اودی شمع تک
اریدوبدی سوز عزا سنی
ئوزینه بو قورخولی یوللاری
سپر ایلیوب اسرا سنی
غم و رنج راهیله قامتی
خم اولوب گلن باجیم آغلاما

مرحوم استاد انور

╔ ✾ ✾ ✾ ᐸᐸ════════
@okhshama متن نوحه باسبک
╚════════ ✾ ✾ ✾>> ╝
#سبک نوحه بانوای ناصراسدی اردبیلی
باز کردن / نظر دهید