2022-05-26 18:09:19
بسبب الأفعال،،لو آني إمهيئه نفسي للأمام أبد ميتأخر لحظه عن الظهور،،فيجب علينا اخواتي ان
نكون مستعدين دائما لنصرة الإمام......
بعد أم البنين حصلت على هذه المرتبه العظيمه لحفظها للأمانه،كانوا أولاد الزهراء روحي لها الفداء أمانة عند أم البنين وهذه الأمانة إللي الجبال والسموات والارض ماحملتها
: { إِنَّا عَرَضْنَا الأَمَانَةَ عَلَى السَّمَوَاتِ وَالأَرْضِ وَالْجِبَالِ فَأَبَيْنَ أَنْ يَحْمِلْنَهَا وَأَشْفَقْنَ مِنْهَا وَحَمَلَهَا الإِنْسَانُ إِنَّهُ كَانَ ظَلُوماً جَهُولاً } ،،
أم البنين كانت گد المسؤليه،حفظت أولاد الزهراء روحي لهم الفداء برَّتهم أحسنت إليهم فكانت هي باب من أبواب الله، لهذا الفعل گامت تنقضي الحوائج ببركة ذكرها،ببركة التوسل إليها وببركة الفعل الذي فعلتهُ مع أولاد الزهراء....
[حقيقة كنت في مجلس ورويت قصه من قصص أم البنين وكرامة من كرامات أبا الفضل العباس عليهم أفضل الصلاة والسلام]،،،
وبعدماكملت المجلس تجيني مره وتگعد يمي وتسولفلي القصه ،اتگلي أنتي من سولفتي هذه القصه ،عندي قصه مشابهه إلها((وهذه القصه حدثت اوياي أنه واللي اطلبج واذمم عليج تحجينها بالمجالس))گتلهه سولفيها إللي وأنه انقلها على المنابر.......
گالت الله شاهد عندي إبن مريض وأنه أولادي كلهم مرضى معوقين،وهذا الأخير اشويه صار مثل ميگول زين لكن حالته اتدهورت بالاونه الأخيرة،فخذيته للمستشفى إبن سينا في بغداد، من شدة تعلقي بم البنين روحي لها الفداء،،،،
كانت جارتي عدها علاقة بام البنين وعدها رايه لأم البنين واتسميها راية أبو فاضل اتگول هذه الرايه دائماً المره تقسم اتگول أكبر مصيبه عندي اتحلها هذه الرايه أكبر مرض عندي بس اتوسل بأبي الفضل العباس واخلي الرايه على المريض ايطيب،،،
گتلها انطيني هاي الرايه اخذهه اوياي أبيتها ويه إبني لعل الله ببركة أم البنين يتشافا ولدي ،اتگول فخذيتها وياي بالمستشفى،اتعرفون جناح خاص وتجيج افلانه مريضه وفلانه مريضه،وهيّه المره اتگول أنه من النوع إللي ألاطف مثل ميگول عندي وجه محبوب،اسولف ويه الناس هاي اشبيج وهاي شنو مرضج،فأحد النساء اتگول كانت اويانه بتهه مريضه من أهالي بغداد من النوع اتگول اشويه ماعدهم إيمان مو مثلنه احنه،فمن احجي بطاري الرايه وطاري المجلس اتگول اتباوع علّي بنص عين،يعني معقوله أنه هسه هاي الوصله الخضرة اخليها على جسمي وأطيب،خو اتوضه واصلي ركعتين لرب العالمين وأطلب من عنده. هيج أنتي معصومه هنيئاً الج هيج أنتي ما عندج اذنوب بس اترفعين ايدج ينطيج ربج حاجتج ،إذا هيج بعد أحسن هنيئاً الج لأن ماعندج اذنوب،،،،
بس احنه عدنه اذنوب، الإمام ابگده ايگول أنه العبد الضعيف الحقير المسكين هذا الإمام السجاد،،فأنا وأنتي شلون؟؟؟
المهم اتگول سولفتلهه عن هذه الرايه راية أبو فاضل،گلتلي زين خاله إنطينياها اليوم،البنيه عدها غدد سرطانيه أسم الله بالثدي باجر الصبح عمليتها،،اتگول أخذت الرايه ونامت بيها،الصبح صاحو بسمها،أسمع إسمها ايگول ينادون،،،گبل أن يدخلونهاا للعمليات ،اتگول نادو بسمها تدخل للعمليات اتگول دخلت العمليات وساعات قليله طلعت البنيه تركض وفرحانه وتدَّور عليّه اتصيح ابأسمي،اتگول أول مااجت شبگتني وظلت تبجي گتلهه خاله اشبيج شنو السبب گليلي،گلتلها خاله صعدوني سوولي العمليه گالو خل انسوي سونار حتى انشخص المكان ونفتح العمليه عليها،ظلو يدورون يگولون الغدد ماالهه أي أثر والبارحه بالليل أشرو عليهن،تحلف اتگللها ماكو أي غده إلهه أي مكان والبارحه أشرت عليهن الدكتورة اتگول وجايبه لازمه السونار بأيدها وتكللها هذنه أشرو عليهن وهذا السونار ماإلها أي مكان،،يعني بأم عينها شافت هذا الشي البنيه،.......
اتگول وأنه للعلم الساعه ب2بالليل اتگول كلشي مابيه،إبني المريض،اتگول الساعه ب2بالليل صارت عندي رجافه وصخنت تگول وگعدت الصبح گتلها عذراً يا ام البنين يجوز أنه انطيت الرايه بدون ماأستأذن والرايه مو إليه،يجوز صاحبت الرايه ماتقبل،اتگول فضليت خايفه اتگول البنيه اتگلي خاله البارحه الساعه ب2اجتني رجافه للصبح أنه ارجف وانه كلشي مابيّه گاعد آخذ علاج،،الظاهر أم البنين الساعة ب2هي مرت عليها وسوتلها العمليه.............
نعم يااخواتي المواليات هكذا هم أهل البيت وهكذا هي أم البنين روحي لها الفداء
#الكوريز
ساعد الله قلبكي يا ام البنين كيف حالها اليوم وهي على فراش الموت وتتمنى الولد يحظر
المحاظره بحث وتنظيم خادمه الزهراء العلويه ام نور لااجيز شرعاً حذف الاسم او الرابط مشكول الذمه امام الزهراء ع
====================
قناة نداءالحسين عليه السلام
قصايد الشاعرة ام امنه
غیرمبری الذمه من یحذف اسم الشاعرة
شارك وانشر للأجر والثواب
رابط القناة القصاید للإشتراك اضغط هنا
https://t.me/omamenai2016
126 views15:09
ق
