اللهم صل على محمد وآل محمد جديد محرم 2021 قصيده لمولاتنا العليله عليها السلام تقرأ بعدة اطوار المستهل: وديت لهلي مرسال افراگهم لمن طال بشواكي ايخبرهم ابعازتهم يـــگللهم وديت لهلي مرسال ❥✿•┈┈┈• • °{ } • •┈┈┈•✿❥ مكتوب خطيته ابدمع وبهم دليلي الحزنان وصفت حال الينترك ابدار وحده أو وجعان كلمات شوگي للأهل من نبض گلبي الحزنان سولفت حالي بالهجر والدمع يجري غدران وشرحت حالي ألهم أبـــعازتهم يـــگللهم وديت لهلي مرسال ❥✿•┈┈┈• • °{ } • •┈┈┈•✿❥ مرسال يا ريته يصل الاهلي هاي الليله ايخبرهم افراك الاهل شمسوي بالعليله احبابهه اتاني ترد والدمع دم اتسيله اتخاف يدناهه الاجل والنعش منهو يشيله يمي مواحد منهم ابعازتهم يـــگللهم وديت لهلي مرسال ❥✿•┈┈┈• • °{ } • •┈┈┈•✿❥ خصيت للوالد حجي وگتله يبويه اسمعني كل جزء بجسمي يون يحسين أو يوجعني محتاجتك يا والدي ابوكت المنيه احظرني بيدك تشيل اجنازتي وأنت الذي تدفني ابلهفه انتظر جيتهم ابـــعازتهم يــگللهم وديت لهلي مرسال ❥✿•┈┈┈• • °{ } • •┈┈┈•✿❥ حنيت لأمي واخوتي ومشتاگه الخواتي ألهم سلامي ارسلت خطيته بآهاتي لونته بدموعي التصب من جمر او وناتي ونكتبت احروفه بألم من روحي وحسراتي حيلي انهدم بعدهم ابعـــازتهــم يگـللهم وديت لهلي مرسال ❥✿•┈┈┈• • °{ } • •┈┈┈•✿❥ وجواب ظليت انتظر من الأهل يجيني أيهَوِن اجروح النازفه يرد لهفتي وحنيني وشكثر تانيت بأمل منهم خبر يلفيني لنرد جواب ولا اجوا هلت دمع دم عيني كل خبر ماكو منهم ابـــعازتهـم يگـللهم وديت لهلي مرسال ❥✿•┈┈┈• • °{ } • •┈┈┈•✿❥ لا بويه لا عمي اجه لا واحد من اخواني وظليت ابنار الهجر وبعلتي اعاني وفراگ احبابي صعب ابهم وحزن خلاني يوميه اتمنه ايردون وظاعت الاماني رد بس حرم ضعنهم ابعـــازتهم يگـللهم وديت لهلي مرسال ❥✿•┈┈┈• • °{ } • •┈┈┈•✿❥ خادمة اهل البيت عليهم السلام أزهار جبار الجياشي نسألكم الدعاء https://t.me/Omelia95 ولفاتحه لروح والدي غير مبري الذمه من يحذف الاسم أو يغيره وينسب الكلام له من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام قصايد عاشوراء الحسين ع. 27 viewsريـــام أم͠ إي͠ل͠ي͠آ͠ ꪜ. ℡ ̇ ⇣✦, 20:50