لطميه للعليله سلام الله عليها شحالها اليوم العليله شح | متجر عين الغزال

لطميه للعليله سلام الله عليها


شحالها اليوم العليله شحالها
اشحالها بس لا كًرب آجالها
/////////////////////////////////////

شلونها ضلت بدار الخاليه
عيونها أتصب المدامع داميه
ينسونها وهيه عليهم گاضيه
اشمالها تگوم وتطيح اشمالها

شحالها اليوم العليله شحالها

///////////////////////////////////////

ياابوها ألبت تنوح بداركم
ذكروها وخلها تعرف أخباركم
عفتوها وضاعت عليها انواركم
بذيالها اتون واعثرت بذيالها

شحالها اليوم العليله شحالها

//////////////////////////////////////

وجعانه ومحد يشربها الدوه
نحلانه اتگوم ويذبها الهوه
ويانه گومن وخل نلطم سوه
من عيالها علتاهت من عيالها

شحالها اليوم العليله شحالها

//////////////////////////////////////

يافاطمة وين اليون وي ونتچ
يانايمه شلون صارت علتچ
شگد ضالمه الدنيه إلي ضلمت عمتچ
ورجالها راح الخدر ورجالها

__////////////////////////////////////////


بقلم شاعرة اهل البيت ع المله
أم ريام دخيل الركابي ..
تجدون التكمله في ديوان
النهضه الحُسينيه الجزء الثالث