2021-08-03 08:13:18
#ديوان_صبر_العقيله_٢١
موشح للعليه عليها السلام(ليش عفتوني)
ليش عفتوني يبويه بداركم
انشد عليكم واريد اخباركم
~~~~~~~~~
انشد عليكم ولامنكم خبر
وذبلت عيوني يبويه امن السهر
شال حادي اضعونكم گبل الفجر
واظلم الديوان عگب انواركم
~~~~~~~~~
أظلم الديوان والمنبر حزين
افراگگم جتال علمني الونين
ليش عن الدار گلگم شايلين
مني يهل الزود شنهي اعذراگم
~~~~~~~~~
گل عذر ماريد منگم مو قبول
يالعزلتو محملي عن الحمول
ماسمعتوني وراگم بويه اگول
خل ادير العمر فوگ اعمارگم
~~~~~~~~~
هاگم سنين العمر گلهن فده
گون ميته وماشفت ضيم السده
اشلون اضل لاوالد ولاوالده
حمليتوه اگبارگم وازغارگم
~~~~~~~~~
اگبار وازغار وطلع حاديگم
حگي من اعتب وانوح اعليگم
جنت اشد حيلي المهدم بيگم
وخاف صار بگربله طشارگم
~~~~~~~~~
خاف طشرگم زماني بگربله
ياعزاز الروح يهل المرجله
وين ذاك الشمل وين العايله
وين فرسان الحرب ونصارگم
~~~~~~~~~
وين فرسان الحرب وين الأسود
هم تعود اضعونگم يمته تعود
خايفه أعله امتون عمي والزنود
بعده عدگم لو وگع بتارگم
~~~~~~~~~
تم بحمد الله نسألكم الدعاء
بقلم الشاعره //( أم هجران العمارجيه )
صاحبة ديوان ( صبر العقيله )
غير مبري الذمه امام الله و الرسول (ص) الي يحذف اسم الشاعره او يتلاعب بالقصيدة
https://t.me/Omelia95
71 viewsريـــام أم͠ إي͠ل͠ي͠آ͠ ꪜ. ℡ ̇ ⇣✦, 05:13
م
