2022-06-05 16:16:10
قصيده البدايه محرم
ودعت كبرج ييمه وراحل الارض الطفوف
اخذ العيله واسيرن وامشي وعيونج تشوف
والله من غصبن عليه // امشي ودموعي جريه
وراحل الارض الطفوف
●●●●●●
ودعت كبرج ييمه يالحزينه
راح اودع اهلي وامشي من المدينه
بس اطلبنج ييمه تسامحينه
الوسمعتي بالحسين موذرينه
انطي الزينب صبر // هيه اختي ام الخدر
وراحل الارض الطفوف
●●●●●●
انطي الزينب صبر ماخذهه وياي
هيه ويانه بكفاله وتمشي بهداي
انه اموتن ضامي ييمه بحسره لماي
هيه بين الجثث تعثر من ترا دماي
تضل زينب حايره // من تشوف الدم جره
وراحل الارض الطفوف
●●●●●●
تضل زينب حايره وبكربلا ادور
هيه وياي بكفاله بشهر عاشور
يمه يالزهره الحزينه ونحري منحور
صعبه من توصل الجثتي وصدري مكسور
خويه يازينب اريد // ماي تنطين الوريد
وراحل الارض الطفوف
●●●●●●
تكله يالزهره الحزينه لاتعذبولي الكلب
لاتخلوني بهمومي ونار بكليبي التشب
عندي زينب ياوليدي خاف يتعبهه الدرب
وادري انت تموت ضامي ماتضوك من العذب
الماي يكطعونه عليك // اليل ضلمه منين اجيك
وراحل الارض الطفوف
●●●●●●
اليل ضلمه منين اجيك والجثث متعفره
انه شنهو يصير كلبي واصبر انه عله الجره
زينب تروح بضياع من تصد لمنحره
هيه حرمه بعوز والي لاتضل هم حايره
بنيتي بالهم والعذاب // شلون تتحمل مصاب
وراحل الارض الطفوف
●●●●●●
:
تـــــمـت والحمـــــدللـــه
الشــــاعره ام حـــوراء الاسدی
واسالکم الدعاء
شرعا"لایجوز حذف اسم خادمةاهل البیت علیـــــــهـم الســــــلامـــ
========================
. قناة الشاعرة ام حوراء
قصائد
الشاعرة ام حوراء الاسدي
غیر مبری الذمه من یمسح اسم الشاعرة
https://t.me/omhaoraai2017
297 views13:16
ق
