بعد ان هدئت اصوات المعركه وخف الغبار وعم الهدوء اركان كربلاء ذ | خادمه الزهراء ام حسين الأسدي

بعد ان هدئت اصوات المعركه وخف الغبار وعم الهدوء اركان كربلاء ذهبت العقيله زينب الى خيمه الامام السجاد وقالت له عمه لااسمع لوالدك صوت وعم الهدوء ماذا حصل قال لها الامام سنديني ياعمه لأستطلع الامر فخرج عليه السلام من الخيمه فقال لها عمتي زينب تعزي بعزاء الله ... عظم الله لك الاجر هذا راس والدي على الرمح اي واه اماماه واه حسيناه

فزاعيه للامام الحسين عليه السلام


صدك يحسين راسك عالرمح صار
وهاي عمامتك بدين كفار

صدك يحسين راسك شايلينه
وجسمك منطعن ومرضرضينه
وبسوطه الشمر يفتر علينه
بهذلنه الوكت علينه من دار

صدك يحسين راسك يجري دموم
وبعالي الرمح ياخويه ملزوم
خضبوا شيبتك ويلي يمظلوم
وهايه خيمتك تتلاهب بنار

صدك يحسين حزولك وريدك
منهم ماسلم هم خنصر ايدك
وهاي بنيتك تصرخ تريدك
وايتامك تون ازغار واكبار

تلطم عالوجه اسكينه وتنوح
يم جسمك تون والگلب مجروح
شلون تعوفنه يابويه وتروح
بقينه بلا ولي وبنص الاشرار

بقينه بس حرم ماعدنه والي
وكلهه مگطعه اجساد الغوالي
ونمشي لليسر ياخويه تالي
بيدينه الحبل ونندب ياكرار

تمت بعون الله تعالى
خادمه الزهراء ام حسين الأسدي
القصائد والاطوار موجوده في القناه للاشتراك اضغط
https://t.me/omhusseinAlasde