عشاق قمر بني هاشم

2022-02-12 11:14:06 تجليبه


بارض الشام زينب ونت الليله
مهـظـومه تـــون مـابيهه ونحيـله
**
مشتاگه وتريد اخوانها يمها
لو جتها المنيه حسين يحظنها
وعباس ايحــظر بيـديه يدفنها
تراهي ناحله من الشام وعليله
*****
وحيـده بديــرة الغربه ومالومــه
تـعالج بـالمـنيـه الروح مهـظومــه
تعتب على الظل مطروح بالحومه
وتريد النعش عباس الي يشيله

الشاعره العلويه ام مصطفى الموسوي
*****
وین الکافل الیحضر لخیته الیوم
یشیل اجنازة الحره ويحن مالوم
یشیعهه عله چتفه والگلب ملچوم
والمدمع علیهه من الدمه ایسیله
*****
دمعه ویه الترب اعله لاخت تنهال
یدفنهه ابگبرهه ویدفن الامال
وسفه جنازتچ بیدالغرب تنشال
اخ امنل الزمان وغدرته ومیله

الشاعره ام قاسم البوغبیش
*****
مالومه تون مابین ناس اغراب
لا یمهه اخو لا اخت لا احباب
تتنطر یجوهه وعینهه اعلی الباب
وبحرگه الدمع من دم تهیله
*****
تجری عیونهه بحرگه ودمعهه اثجیل
رکدانه و نحیله وبیهه ماضل حیل
عفرین اعلی عمرچ یل گظه بلویل
‌يفطر جبال لو يسمع عويله

الشاعره ام ابوالفضل مقدم
------------------
تمت
باقلام شاعرات اهل البيت ع
https://t.me/omMostafs باز کردن / نظر دهید

2022-02-11 00:43:35 سبيه انــه الذبحكم يــسرى يمنه
اعاين بلچي اشوفن يسره يمنه
هظمني الگــال ذوله يسرى يمنه
ميــته ولاسمـعته شصــاح بــيه


الشاعره ام مصطفى الموسوي

https://t.me/omMostafs باز کردن / نظر دهید

2022-02-10 12:30:41 (وفاة السیده زينـــب ع )
البحر الطويل

زيــنب هــاي تــون بهــداي
ولا واحد حظر يمهه
اجاهه الموت تصيح بصوت
لاچن مااسمعوا ونهه

︎■ ︎■ ︎■ ︎■ ︎

تون وتعالج بهاليوم
وحيده ولا اهل عدها
يملك الموت شوريض
تجي امها وتوسدها
غريبه وبين غرب اجناب
تحرگ حيل دمعتها

تــريــد اخـــــوان
الگــلب خلصان

المصــايب حيــل ظهدنهه


تعالــج بالمنيه تلــوج
اهلها مايحظروها
يعدلون الوساده النوب
على القبله يوسدوها
لا حاظر اخوهه حسين
وابو فاضل يشيعوها

بــارض الشــام
حـــــزن والام

اسهــام البيـن صـابنهه

الشاعره العلويه ام مصطفى الموسوي

دارت عینهه اعله الباب
تنطر جیة الخوان
یشلیون الجنازه ترید
ابوفاضل یجي دفان
حسافه تموت بلغربه
غدر بیهه الدهر خوان

تصب العیــن
ترید احسین

یجیــهه وبیـده یـدفنهه

حسافه ام الخدر زینب
تون ولا اهل یمهه
ماتت بالغرب ياحيف
ومنهو الي یغسلهه
تمنت حاضره الزهره
بایـدیــهه و تچـفنـهه

تــــــــون وتــنوح
الگلـــب مجروح

الحبـایــب ما یــحضرنـهه

الشاعره ام قاسم البوغبيش

بدیار الغرب یاحیف
ونت زینب الحره
یاهو الیگصد الحومه
اخیهه بحالهه یخبره
یگله اختک اجاها الموت
وتربي عیونهه تنطره

الگلب ينحب
تـــون تعتـب

عتبهه اعله الکفل چنهه

تعتب من دمه الدموع
دمع اعتاب مال شهور
گاطِر مو شهر شهرین
حافر عل خِدُود احفور
شیبهه مرار البین
وغیر کل رسمهه الجور

یا سبحان
شلون الوان

الفواطم مایعرفنهه

الشاعره ام ابوالفضل مقدم( المجدماویه)



تمت بعون الله تعاليٰ
باقلام شاعرات اهل البيت ع
https://t.me/omMostafs باز کردن / نظر دهید

2022-02-09 20:06:33 قصیده لمولد اسد الله الغالب علي بن ابي طالب ع


هلیله ابعلینه انقر العیون احبک یاعلي وبیک انه مجنون

ابد ما والي غیره
صبح گلبي اسیره


ابجیتک یا امامي نور الکون ۲

علي یاعلي علي یاعلي علي یا علي

زهت بیک المدینه وعم الافراح
بشرونه بقدومک والملک صاح
نولد حیدرعلي ونور البدر لاح
بصیار الگمر ریح المسک فاح

صفگو الاید بلاید
وخل افراحنه اتزید

عله اعناد العواذل والیکرهون

علي یا علي علي یا علي علي یا علي


حب حیدر علي غذاني اسنین
جنه وماتمل من شوفته العین
نموت ابشوگ حبه چل مجانین
اسمه یسري وي دم الشرایین

انطبع اسمه اعله گلبي
علي امضویلي دربي

اضل للموت احبه اشما یلومون

علي یا علي علي یا علي علي یاعلي
ام قاسم البوغبیش



فرحان المله بمولد ابو اتراب
نهني المصطفى طه والاحباب
نعلگ ورد ننشر زينه عالباب
مولد علي الليله وابن الاطياب

الليله احلى الليالي
نولد حيدر الغالي

بشاره لشيعتك كلهم يفرحون

علي یا علي علي یا علي علي یا علي

بمــولودك علــي علگــنه زيـنه
نور وشع على اطراف المدينه
نهنــي الكــون واولهم نبيــنه
هلــه بجيــتك يـحيـدر يــاولينه

نشعل شمع وبخور
ننـشر ورد وعــطور
بيك اليوم نبغض اليظدون

علي یا علي علي یاعلي علي یاعلي
العلویه ام مصطفی الموسوي


یاأول ولي یاعالي الشان
گلب کل شیعي الک هلیوم فرحان
ینورک بلسمه شع اعله الاکوان
و رشّت بلعطور اعلینه الوان

الک اجمل تهاني
بکل شوگ وحناني

بحبــک یاعلــي کل شیعي مفتون

علي یا علي علي یا علي علي یاعلي

اسمک یاعلي یل شیدالدین
هلا ومیت هلا بمولود ابوحسين
ننثروله الورد رشوا الرياحين
ورد شوباش هنوا یا محبین

یله اهل المحافل
سمعوونه هلاهل

وندبو یاعلي لمن تهنون
علي یا علي علي یا علي علي یا علي
((والشیعه تهوس فرحانه))

ام ابوالفضل مقدم( المجدماویه)

تمت
باقلام شاعرات اهل البيت ع
https://t.me/omMostafs باز کردن / نظر دهید

2022-02-09 01:01:24 مولد امير المؤمنين ع


ظجه صارت بالمدينه الطاهره
نشق جدار البيت جانه حيدره
**
نشق جدارالكعبه لاجلك ياعلي
بصيرتك دنيــانه بالحــق تنملي
نصبك رب الجــــــلاله انت ولـــي
بمــولــــدك بيــــك المـدينه منــوره

الشاعره العلويه ام مصطفى الموسوي
****
تنورت بصیار ابو الحمله الأمیر
بس علي وحــده وابد ماله نظیــــر
حــاظــر الشــدات للــي یستجیر
بکل قضیه یحضره خیر الوره

الشاعره ام قاسم البوغبیش
***
یـاهـله ابهــای الــولاده يـــاهله
نــور ساطــع صــوره رب العــله
بني هاشـم فرحــت وكـــل المــله
لجیتــک مــولای کلهه مناطره

الشاعره ام الفظل المجدماويه
***
علـــي من الله الولاده أبــيــته
علــــي عالــي والكرامه صيــته
علــــي منـهاج الــعدل تـــربيته
شيــعته بنـهــجه بعداله سايــره

العلويه ام مصطفى،الموسوي
***
علي نورالله وعلي حبل المتین
یا صراط الحق علي نور المبین
بهل الولاده نهني سیدالمرسلین
الدنيه بقدوم الوصي مستبشره

الشاعره ام قاسم البوغبيش
**
یاعلــي انت العلـم وانـت الامـل
الکل محب والاک یــاخیر العمل
یــاسلیل الرحمه حیدر یا نفل
انـت یاسـرّ الولایــــه ومفخره

الشاعره ام الفضل المجدماويه
**
شکتب بحقک حرت شنوالوصف
انته بحر الجود مایک ما یجف
فاز کلمن عاهدک بسمک هتف
واليعوفك خسر دنيا واخره

الشاعره ام قاسم البوغبیش
**
علـــي بالتوراة اســمك انذكر
كلمـــن يـعاديــك ابــدآ ما عبـر
عـالسراط بيــوم اهــوال الحـشـر
وبالقيامه اسمك يحيدر سيطره

العلويه ام مصطفى الموسوي
***
تمت
باقلام شاعرات اهل البيت ع
نسال الله القبول

https://t.me/omMostafs باز کردن / نظر دهید

2022-02-09 01:00:42 قصیده في حق مولد الامام علي ع


انزف التهاني واحلا الاماني
بمولد علینه بمولد علینه



هلیله الافراح واگلیبي مرتاح

نوره علي لاح ضوه المدینه


کل شیعي فرحان وایغرد الحان

والعالي الشان علگنه زینه

ام قاسم البوغبیش

ليلة سعيده. يامحله عيده

هذا الصميده . حيدر ولينه



نور سمانه. لمن اجانه

شعشع ضوانه. نهني نبينه


محلا جماله. طیب خصاله

بدر بكماله. وروحه الحنينه


العلویه ام مصطفی الموسوي


مولد سندنه سور وعمدنه

ابحبه انسعدنه بیه اقتدینه


هلیله بشره فرحه ومسره

انهني الزهره ابجیة وصینه

ام قاسم البوغبیش

تمت
https://t.me/omMostafs باز کردن / نظر دهید

2022-02-05 21:42:00 نعي لوفاة زينب ع
حان الاجل. زينب ييمه

عتاب بين مولاتي زينب ع و الزهراءع
-------------
زينب تعاتب والدتها
تكلهه

غريبه وجاراتي غرايب
زهره يمه مايمي حبايب
خلصت روحي من النوايب
*****
سمعت اليموت اهله يحظرونه
بتچ ييمه وحيده محزونه
وتلتم الحبايب يشيعونه
****
روحي تون وتريد الاحباب
بس الدمع بالعين سجاب
غريبه بدار كلهم يمه اجناب
*****
سمت التموت احباب يمهه
يغطنهه بعبايه يلملمنهه
بس بتج حبايب محظرنهه
*****
جواب الزهراء،ع لزينب ع

تكلهه يمه يايمه يايمه
بين اغراب واحبابچ بعيدين
لاام لا ابو لاحاظر حسين
وبالشام ياوسفه تموتين
****
روحچ گظت وانتي بعيده
تونين والونه شديده
اخيهه زينب الليله تريده
*****
تريده يغمض العين ليهه
ويسمع وصيتهه وحجيهه
يطر الشام ويلحك عليهه
----------------
تمت
الشاعره العلويه ام مصطفى الموسوي

https://t.me/omMostafs باز کردن / نظر دهید

2022-02-05 21:26:47 (اهات زينبيه )

نعي لوفاة زينب ع
-----------------
-----------------

شتاگيت لاهلي وعاتبتهم
روحي تعالج رايدتهم
من يوم العفتهم ماشفتهم
*****
بالشام والونه خفيه
اصد للباب وعيوني جريه
اكعديوالي وشوفني شبيه
****
بديرة غرب يخوتي صعبه
اعالج برويحتي والعين تربه
تكلف يويلي رفجة الغربه
****
مالت رگبتي وصحت يحسين
شوف الفراك شعمل والبين
شمرني الدهر عنكم بعيدين
**
ونيت ماحظرو اخوتي
يمكم انه تمنيت موتي
صحت ماسمعوه صوتي
****
شتاگيت اشوفنكم يالحنان
تدرون الجنازه تريد خوان
انفطرگلبي وحيلي عيزان
*****
مناطره جيت العزيزين
ينشوف مني دمعةالعين
عمله وعملهه بينه البين
-------------
تمت
الشاعره العلويه ام مصطفى الموسوي
https://t.me/omMostafs باز کردن / نظر دهید

2022-01-18 20:54:31 اهات زينبيه
طورالفراق


اه ييمه. رحلتي يالزهره الزجيه
اه ييمه. وحدي وعيوني جريه
اه ييمه. ردي يايمه عليه.

يايمه

ليلي انعه. غركن دمعات الخدود
ليلي انعه. مالي غيرج بالوجود
ليلي انعه. شوكي وتعده الحدود


ياالزجيه. محيره واصفج بيديه
يالزجيه. مالي غيرج تجيه
يالزجيه. حني يايمه عليه

العلويه ام مصطفى الموسوي
https://t.me/omMostafs باز کردن / نظر دهید

2022-01-18 14:46:56 لسان حال سيدي ومولاي امير المؤمنين عندما سألوه عن حال فراق الزهراء ع
اجاب،،،،،، ،،،،،،

على فراگ الزجيه لا تلوموني
محزن طول عمري وتهمل عيوني

اكضي الليل حسرات
وتحصر كلبي عبرات
واضيع بدنيتي وشلون دلوني
على فراگ الزجيه لا تلوموني
++++±+++++++++

حنينه ام الحسن وشلون بي
فركاهه صعب لا مو بديه
هاي ام الحسن. هاي الوفيه
ياجنة هلي واجمل هديه

هدية الباري ليه
راحت من اديه

واصيح من القهر ياناس عينوني

على فراگ الزجيه لاتلوموني

+++++++++++++++
يريح الهاب سلم عل
أحبهم

يطيبون الگلب لو مر ذكرهم
اشمامر الوكت نلهج بسمهم
وبلسم للجرح شوفت صورهم

يادار الزجيه

غدت وحشه عليه
يريت وياج خلهم يدفنوني

على فراگ الزجيه لا تلوموني

+++++++++++++
خله بيت النبوه من مشيتي
صدا بحيطانه يرد من حمليتي
ونين اسمع منيتج لومنيتي
ندبتي ابوج لوبيه انتخيتي

عفتي اولادج ازغار
مضلم خالي الدار
وبابي اللي نشب بيها احفجعوني
على فراك الزجيه لا تلوموني

++++++++++++
اشيل الوجع عنج ماتحملين
انشلع گلبي بمصابج يم الحسين
ومن كسر الضلع لا ماتطيبين
ودريت بهاي هجمتهم تموتين
هضيمه اللي جره وصار
تموت الوردة بالدار
مجتف بالوصيه وا اغدروني
على فراگ الزجيه لا تلوموني


++++++++++
تمنيت العمر وياج للدوم
تواسيني واواسيج اعله لهموم

تراني بخبر موتج لسه مصدوم

ياشمعة سنيني التضوي للدوم

ملعون الهظمها
ماخاف وعصرها

مافارك لحدها وخل يشهدوني
على فراك الزجيه لا تلوموني
++++++++++++++


ام سجاد الشهيد العماره
غير مبري الذمه
كل من ياخذ الكلمات وينسبها اله
بثواب روح الشهيد سجاد باز کردن / نظر دهید