2021-11-11 04:24:38
بصوا يا جماعة الكلمتين اللى هقولهم دول ممكن يزعلوا منى ناس كتير ، بس دى الحقيقة مع الاسف . . .
انتشر كتير على وسائل التواصل الاجتماعي زى الفيسبوك وتويتر حكاية
حمل الكتاب من على الرابط ده او
اكتب تم واستلم الرابط وللاسف بتدخل على الرابط بتلاقيه رابط ربحى يعنى اللى حاطط الرابط بيكسب من كده ... هو فعلا رابط تحميل الكتاب وكل حاجة .. لكن الرابط نفسه مليان اعلانات وسبام .. فى ناس بتعرف تتعامل مع الروابط دى وبتحمل منها ، لكن فى ناس تانية كتيييير مبتعرفش تحمل منها وبتمشي على خطوات الاعلانات والسبام اللى ممكن تأذى تليفونها وممكن كمان يلاقى نفسه مشترك فى خدمات بمئات الجنيهات بسبب الإعلانات دى
خلينى برضه اكون محايد واقول انك ممكن تشغل ال adblock لكن
علشان اكون محايد اكتر لازم اقول أن فى ناس ثقافتها موصلتهاش لمعنى ال adblock أو مانع الاعلانات
- طيب ايه هى افضل روابط احمل منها ؟ خلينى اقولك أن أفضل حاجة هى الروابط المباشرة ، يعنى اللى مبتطلبش انك تثبت انك مش روبوت والكلام ده كله
- زى ايه مثلا واعرف ازاى أنها مباشرة ؟الموقعين المشهورين جدا هما
ميديا فاير ، وأرشيف
mediafire.com
archive.org
وفى ناس بترفع على Google drive
وده برضه كويس جدا
الفكرة هنا بقى أن أصحاب الروابط الربحية دى بيشتغلوا على مبدأ واحد بس (
نفسي ثم نفسي ) يعنى هو مبيهمهوش إن كان اللى هيحمل من الرابط ده هيضر ولا لا .. والمضحك فى الموضوع أن ارباح المواقع الربحية دة ضعيفة جدا جدا جدا ممكن توصل بحد أعلى 0,002 دولار للتحميله الواحدة يعنى علشان يكسب دولار واحد بس هيستنى حوالى 500 شخص يحمل
حضرتك دلوقتى متخيل نسبة كام فى الميه من ال 500 شخص دول ممكن يضروا ؟نصيحة منى واعتبرها من اخوك الصغير أو الكبير ، متحملش من اى رابط غير الروابط اللى انا قولتلك عليها ولو مش لاقى الكتاب اللى انت عايزة خش على المواقع اللى موجوده على الانترنت
زى مكتبة نور أو فور ريد أو ساحر الكتب
دول اكبر 3 مواقع بكمية الكتب اللى عندهم ، طيب لو مش موجودة عندهم .. يبقى لازم تعرف ان الكتاب أو الرواية إللى بتدور عليها لسا منزلتش
ونصيحة أخيرة للناس اللى بتشتغل بالروابط الربحية ( اتقوا الله )
وليلتكم سعيدة أن شاء الله
963 viewsT2 The optimistic, 01:24