2022-07-07 09:48:37
طلاب الثالث متوسط عندي حجي وياكم مهم
هذا الحجي للي مكمل بدرس او درسين وبنفس الوقت للاهل الي ميعرفون يتصرفون اصلا
شنو معناهة مكمل بدرس ؟؟ شنو يعني وگفت الدنيا لو شنو لو هاي هية حياتة نتهت لان مكمل بدرس لو 2 او 3
اني بالنسبة الي الي مكمل درس ودرسين وحتى 3 هذا اعتبرة حالة حال الناجح تعرفون ليش لان لو صدك غبي ومهمل جان وگع بكل الدروس بس هوة نجح بالباقي اما هذني الدرسين او 3 او 1 رسب بيهم لاسباب اما بوقت الامتحان صار عندة ضروف او بوقت الامتحان تمرض او اصلا اساسة ضعيف بيهن والمدرس الي بالمدرسة اصلا ميدرس عدل فـ سبب رسوب الطالب اما الطالب الله وكيلك لو بيدة واكو كادر تدريسي قوي وزين الله وكيلك حتة معدل 100 يجيب
تدرون ليش لان اصلا هوة داخل مدرسة علمود شنو يتعلم لو يتملعب؟؟؟ اكيد داخل علمود يتعلم
ف كلامي للاهل ابنك او بنتك واكع ب درس او درسين او 3 هذا مو معناه فاشل من تكلة هيج وتعلب لعب بي شون بعدين تريدة ينجح وانت دمرت ام نفسيتة؟؟؟
اني مثلا هسة طالب وجيت الك يا ولي الامر هذا الكلام اجيتك مكمل ب 3و2 او 1 وانت تلكيتني بهل كلام فاشل غبي مهمل فلان احسن منك علان احسن منك ومن تجي الامتحانات تريدني انجح لا والله حتة مالي واهس بعد دمرت نفسيتي
فـ يا حبيبي الاب او الام او ولي الامر ان كان خال خالة عم عمة الي اريدة منك تشجع الطالب مو تدمر نفسيتة شلون تشجعة مثلا اجاك مگلوبة خلقتة وحقة مكمل ب 3 او2او1 كلة عفية عاشت ايدك انت كفيت ووفيت ونجحت بذنيج اريدك بطل عندك دور ثاني عدلهن بي وادري بيك راح تنجح وترفع راسي ومن هل حجي هذا وصدكني يعمي اذا رسب بالدور الثاني ورة هذا الكلام اني شتريد اخسرلك
ختام كلامي ماوصيكم اولياء الامور هلة هلة بالطلاب ترا السنة اصعب سنة مرت عليهم
#اخوكم_ابن_كربلاء
52.2K views06:48
ر
