منقول من صفحة الصديق جورج مراش #ايلتس #توفل #دولينغو بما اننا | GhaliloOo Opportunities 🤝

منقول من صفحة الصديق جورج مراش
#ايلتس #توفل #دولينغو
بما اننا عم نحكي عن الايلتس وغيرو حاحكيلكم عن الفحوصات التلاتة الاشهر حالياً.
بداية منبلش بالكلام عن شو هو امتحان اللغة .. وبعدها منحكي ايمتا منسويه .. وبخبركم الامتحانات المتاحة امامكم لتختارو منها وشو هو كل فحص.
اولا:
شو هو امتحان اللغة او شهادة اللغة؟
هي عبارة عن شهادة بتحدد مستواك باللغة الانكليزية .. مافي شي اسمه نجاح ورسوب بالفحص .. انت ممكن بكرا تروح تقدم الفحص وتخلص منه وتاخد شهادة بتحدد مستواك باللغة الانكليزية ..
ولكن , في حال بدك الفحص لتقدم على هجرة او على دراسة جامعية .. فغالبا حسب اختصاصك او البلد يلي عم تقدم عليها , هني بكونو حاطين العلامة يلي لازم تجيبها بالفحص لحتى يقبلوك ..
شلون يعني ؟؟
يعني كل فحص الو علامة
الايلتس علامتو من 9
التوفل 120
الدولينغو 160
بموقع كل جهة انت عم تقدم عليها بكونو شارحين قدي بدن علامة بحسب الفحص يلي حتقرر انك تساويه ..
وبأغلب الاوقات بكونو حاطين كتير من الخيارات لحتى تنقي يلي بريحك ..
فاختصارا للكلام فوق, فحص اللغة او شهادة اللغة هي شهادة بتفرجي مستواك باللغة .. وبتحتاجها للمنح والجامعات والسفر عادة ..
ايمتا بسوي امتحان اللغة ؟
مهم جدا جدا جدا نعرف, انو ايا شهادة لغة بتاخدها الها وقت محدد وبعدين بتخلص صلاحيتها ... التوفل والايلتس صلاحيتهم سنتين من تاريخ الشهادة .. يعني اذا انت هلق قررت تساوي الفحص وما استفدت منه خلال السنتين .. بروح عليك ..
ومهم جدا جدا جدا تعرف. انو كتير منح ما بتكون طالبة منك الفحص قبل ما تقدم .. لحد هلق منحة واااحدة فقط يلي شفتها طالبة الفحص اثناء التقديم ويلي هيي منحة روتاري .. بينما كل المنح الباقية مانها طالبتو ... وتشيفننغ بطلت تطلبه ابدا كشرط وسعيد ايضا ( طالما عندك قبول جامعي ) ...
لهيك افضل شيء تسويه ,, تعرف انت شو المنحة يلي بدك ياها .. وتعرف شو الجامعة يلي بدك ياها ... وتشوف الشروط تبعن .. وتعرف ايمتا لازم تسوي الفحص وشو هو الفحص يلي لازم تسويه ...
لتشيفننغ مثلا .. انت بحاجة القبول الجامعي بشهر 6 .. وبالتالي معك وقت تسوي الفحص من هلق لشهر 5 السنة الجاي .. بينما التقديم بيخلص بشهر 11 ... فمنطقيا انت الافضل تركز على التقديم للمنحة ولاحق على الفحص ...
هلق بقى بعد ما تعرف شو الفحوصات الي لازمة من جامعتك ومنحتك .. وتتاكد انو صار الفحص لازم انك تعمله .. بتصير تفكر ايا الانسب الك .
الفحوصات الاكثر شهرة هني تلاتة:
#الايلتس IELTS وهو عاملته بريطانيا.
بيتألف من اربع اقسام : كتابة وقراءة ومحادثة واستماع مدتو اربع ساعات ساعة لكل اختبار
بكلف 205 دولار ومافيك تسويه غير باللبنان ..
للتحضير اله حطيت الكم هون مجموعة من الكتب يلي هيي عبارة عن اختبارات ايلتس سابقة فيكم تدربو عليها .. https://drive.google.com/.../1TD786CPD9_P...
وفي مواقع كتير مهمة ايضا للشرح عن الايلتس انا بحب كتير موقع
https://www.ieltsadvantage.com/ielts-preparation/
وفي ايضا قنوات يوتيوب بتشرح عن الفحص وكيف منجهز نفسنا اله.
#التوفل TOFEL عاملته اميركا
كمان اربع اقسام كتابة وقراء ومحادثة واستماع مدتو تلت ساعات
بكلف 200 دولار وفيك تسويه بسوريا بمركز بدمشق اسمو ALTC
وكمان فيك تسوي النسخة المنزلية TOFEL IBT
وهون في ايضا رابط بيحوي مجموعة من الكتب يلي بتساعدك بالتحضير للتوفل:
https://drive.google.com/.../1seI20fL14Aowq1zBsrK3Ky0ePHe...
وايضا هون في عدة مواقع مفيدة :
https://www.learn4good.com/languages/spec_english_toefl.htm
http://www.openculture.com/2006/10/university_podc.html
http://toefltestsonline.com
التوفل ممكن يتساوا بسوريا من خلال مركز ALTC وايضا ممكن يتساوا التوفل المنزلي TOFEL IBT ولكن انا شخصيا ما جربتهم .. في غروب كتير كتير مهمة اسمها TOEFL-IELTS-Syrian-Students فيها الطلاب السوريين بنزلو تجاربهم مع هي الامتحانات وبنزلو مراجع مفيدة وبنصحكم بالانضمام الها واسالوهم عن تجاربهم ايضا لتعرفو تختارو الافضل الكم.
اما
#الدولينغو وهو المفضل تبعي .. بكلف 49 دولار فقط وبتسويه وقت بناسبك عبر الانترنت .. مدتو ساعة واحدة فقط
بقيس الكتابة والقراءة والاستماع بس ما فيه محادثة
معترف فيه متل البقايا بس لانو جديد مو كل الجامعات لسا اعترفت فيه ...
ولكن كتير جامعات وافقت عليه .. #حتى #لو ما كانوا كاتبينوا بمواقعهم بس تبعتلن انك حصلت عليه اغلبن بوافقو ..
كيف بدي اعرف شو ادرس وشو بيجي بالفحص ؟
ببساطة على موقع دولينغو في عندهم اختبار تجريبي .. بس تساوي حساب . بتقدر تجرب الفحص قد ما بدك قبل ما تدفع وتساوي الفحص
والرابط هون: https://englishtest.duolingo.com/register
نصيحة نهائية :
اتاكد تماما انك بحاجة الفحص قبل ما تقدم عليه وتساويه .. الفحص مانو عائق للحصول على منحة ... الافكار يلي حاططها براسك هيي يلي مخليتك تتحجج بالفحص لحتى