2022-06-07 15:58:23
"أنت مش بتعملي بالحجاب اللي لابساه.اخلعيه !"
كم واحدة لبست الحجاب والتزمت بهيئته زي ماأمرها ربنا ..لكن الناس حطوها تحت الميكرسكوب!
أي غلطة تطلع منها يعايروها بحجابها :محجبة وبتعملي كذا!
أنتي كده بتسيئي للحجاب..طيب ايه الحل من وجهة نظرهم ؟!
تخلع الحجاب!
وممكن المسكينة تقتنع وتقلع الحجاب..ليه؟
عشان الكلمة اللي حضرتك استهونت بيها عشان لا تسيء للحجاب والمحجبات!
وهو ده بالظبط اللي الشيطان عاوزة.
مين اللي قال أن المحجبة ملاك مابتغلطش؟!
مين اللي قال أن من شروط الحجاب العصمة؟
المحجبة والمنتقبة بشر تخطئ وتصيب..تعصي وتطيع.. لكن عملت خطوة تقرب بيها اكتر لربها انها نفذت فريضة الحجاب!
مع العلم ان غير المحجبة المعاصي ليها مش مباحة برده عشان هي مش محجبة!
لما الشيطان يضحك عليكي ويقولك مش هتلتزمي بالحجاب اخلعيه.قولي لنفسك كفاية انك على الطريق واتحسني واحدة واحدة مش تسيبي الحجاب خالص وافرحي بتوفيق الله ليكي للحجاب
افرحي انك في عبادة يومية.وانك كل ماهتظبطي حجابك اكتر هتزيد حسانتك
ومن باب أولى طبعا صاحبة النقاب اللي الناس بتجلدها على أي غلطة
ونداء للناس الي بيجلدوا اي محجبة تغلط لاتكونوا عونا للشيطان على أختكم
57 viewsAbdallh S Mohamed , 12:58