_ بعد ما كبرنا تعالو نشوف حصل شنو ل شخصيات الكرتون قالو و الله يكفينا شر القواله 1-ماوكلي خلى الغابة ورجع لي اهلو في الحاج يوسف وهسي شغال بتاع ركشة في شارع واحد. 2-باتمان قالو وقع كسر كرعينو عندما كان ينطط في العمارات الفي اركويت وهسي في مستشفى بست كير Best care. 3-فلة : عرست واحد من الجزيرة والان عندها شافعين شليقين منجضين الحلة . 4-قوقو ماقاعد ألقاه كتير لكن قالو بعمل اقاشي مجنون جن 5-ارغاي ما عندي معاو علاقة عشان كدا اخبارو مقطوعة. 6-ساندريلا طبعا عرسها ود عمها والامير داك انتحر وهسع ساكنة في امبدة وعندها بتين. 7-الجاسوسات بقن قونات وخلن التجسس وفي روايات اخرى بقو ادمن في قروب منبرشات 8-كونان كبر واشتغل في جهاز الأمن وهسي قالو مشى هجليج وعمك توغو موري فتح محل سماه توغو موري للعماري الجيد. 9-كابتن ماجد بقى نجم فريق اهلي شندي سجلو صلاح ادريس في فريق التكة بربر. 10-عدنان ولينا قالو عدنان طلق لينا وهسي شغال سمسار وصاحبو عبسي ماصدق وطوالي قام عرس لينا وهسي بقت شغالة ست شاي في امبدة كرور وعندها شافعين. 11-بوكيمون هسي بقى قاعد يبيع طعمية في الكلاكلة اللفة وعصابة الرداء الابيض قالو بقو شغالين في سوق العملة جمب سوق نيفاشا في العربي القديم. 12-الصيادالصغير أمورو سلكت واشتغل مع عوضية سمك في الموردة. 13-كابتن رابح قالو بقى محلل رياضي في قناة الملاعب الرياضيه 14-توم وجيري لسه في البرنامج القديم.. تحت شعار لسنا الوحيدو لكننا الافضل. 324 viewsطلال آل آ̀لش̀́يخ〞𓆪 •́•̀ ✿ :, 04:06
